اعترافات واحد صاحبى

موضوع: اعترافات واحد صاحبى 22/12/2009, 19:13

اعترافات واحد ذو خبرة طويلة فى الحياة االزوجية
======================

فى إحدى جلساتى مع زميل وصاحب عزيز على بيعمل مدرس تربية رياضية وحاليا موجه تربية كشفية ومدير منتدى كبير حاليا وأول حرف من اسمه (أيمن ) أنا أسف يا جماعة لا أستطيع أن أكمل باقى حروف اسمه لأنه أوصنى بسرية كلامه خوفا من العقاب من اللى (بالى بالكم ) وتكلمنا عن حب الموظف لعمله هل هو أكثر من حبه لزوجته فكانت إجابته :-
=================
كل نساء العالم يتهمن أزواجهم بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ...........صحيح ......
قلت له :-

صحيح ليه....؟؟؟؟؟؟؟
أجاب قائلا:-

لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ .... بس أنا اللي أصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …..

رابعا .........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجاز’ة...عندك عارضة واعتيادية
دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازة......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!

سادسا .........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ...... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه
سابعا ........الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ...
أرجو من حضراتكم الإجابة بتحب مين أكتر...مراتك ولا شغلك ؟؟

لا تخف أخى الكريم من إجابتك فهذا الموضوع تم إخفاءه عن الزوجات أكلم براحتك

موضوع: رد: اعترافات واحد صاحبى 22/12/2009, 23:30

اقتباس :

و سكرتيره خاصة

لكن في البيت فيه عشماوي خاص

طبعا من رحمة الله ان جعل لكل محبوب لدي الإنسان منزلة خاصة

وقد روي ما معناه عن النبي صلي الله عليه وسلم ان

( لزوج المرأة منها لبمكان )

أي مكانة خاصة لا يقربها احد

وقس علي هذا الكثير

فالأم لها مكانتهاالخاصة

والإبنة لها مكانة خاصة

وأنا ماليش مكانة عند حد خالص

.

موضوع: رد: اعترافات واحد صاحبى 23/12/2009, 00:58

لأ ملعوبه منك يا باشا

عاوز تودينا فى ستين داهية

ويبقى يومنا أسود من

( قرن الخروب )

أنا بكل شجاعه ولا يهمنى مخلوق فى الدنيا

ولا يهمنى محاكم ولا شرطة

ولا يهمنى شقة تروح منى

ولا يهمنى نفقة متعة

ولا نفقة سنة

ولا نفقة عيال

ولا نفقة مدارس وسكن

ولا زيادة النفقة بعد سنه

ولا شرطة تنفيذ الأحكام

ولا أهل أى واحده فى العالم

علشان كده أقول بكل جراءة

بحب مراتى يا معلم

يا إللى بيتك جنب بيتى وناوى

تطردنى من بيتى

وعاوز تحضر الغزا بتاعى بكره

بحب مراتى

بحب مراتى

بحب مراتى

( يا سلام لو تعرفنى فين السكرتيرات دول)

شكرا وجميلك وصل

( أوعى حد يسمع كلاهه لأن العواقب وخيمه والله )

اللهم إنى بلغت اللهم فاشهد

موضوع: رد: اعترافات واحد صاحبى 23/12/2009, 08:32

اقتباس :

اعترافات واحد صاحبى

إعترافات واحد صحفى !!!!!!!!!!!

إيه ياعم رأفت أنت مش خايف إن نقابة الصحفيين ترفع عليك قضية خلع

عموما كلامك ده مش هو القاعدة لأني أعرف واحد صاحبي ظل

يحب زوجته لمدة 15 يوم بعد الجواز وحطم الرقم القياسي

السابق ودخل موسوعة جينيس ومازال يضرب بيه المثل فى الحى كله

حتى الآن . وبعد ال 15 يوم ومن كثرة السعادة الزوجية أصيب بجلطة

ويقف الآن عند محطة بهجت ينظم المرور وينادي على المارة بعبارته المشهورة

( أبيض نهاره )

موضوع: رد: اعترافات واحد صاحبى 23/12/2009, 12:57

أستاذي الرائع

الزوجة شريكة في الخير والشر

و بأسلوبها تستطيع أن تمتلك سويداء القلب دون منازع

لك مني تحية و شكر تليقان بمكانتك الرائعة

موضوع: رد: اعترافات واحد صاحبى 23/12/2009, 23:35

هذا كلام الكبار من فطاحل المنتدي ولا اتدخل فيه

موضوع: رد: اعترافات واحد صاحبى 26/12/2009, 16:03

ابى العزيز

بارك الله فيك

موضوع فى غاية الاهمية

موضوع: رد: اعترافات واحد صاحبى 26/12/2009, 16:25

الزوجة سكـن لزوجهـا

و الزوج سكن لزوجته

و جعل الله من آياته أن خلق لنا من أنفسنا أزواجا

و إذا راقب كل واحد منهما الله في الآخر

في أقواله و أفعاله صار كل منهما مكملا للآخر لا يجد سعادته إلا في وجوده

و لا يأنس إلا له

و قد سمعت كثيرا عن زوجات توفي أزواجهن و لحقن بهم بعد فترة وجيزة جدا

لا تتعدى أياما ، و نفس الشيء بالنسبة للأزواج

اقتباس :

الشغل بيصرف عليّ .... بس أنا اللي أصرف عليها!!!

حتى إن كانت الزوجة لا تعمل و لا تصرف ، فهي تعمل خادمة بالبيت

وتحمل و تضع الأبناء و تربيهم ، و في المقابل لا تطالب بشيء لقاء ذلك

بل تقوم به بحب و تفاني إذا كان زوجها يحترمها و يسمعها كلمة شكر بين الحين

و الآخر ، أو يشعرها أنه يقيم ما تفعله لا أن يحتقر أو ينتقص منها لأنه يصرف عليها

أستاذنا القدير

موضوع يتسع لكثير من النقاش

لكن أكتفي بهذا القدر

بارك الله فيك

نسأل الله الهداية و السعادة لجميع الأزواج و الزوجات

تقبل مروري

مع خالص التقدير و الاحترام

موضوع: رد: اعترافات واحد صاحبى 26/12/2009, 20:37

اساتذتى الكرام 1- أكرم بك عبد القوى
2- أيمن بك عبد القوى

3- يسرى بك

4- نصر توبة

5- الاستاذة القديرة ريما

6- الاستاذة العظيمة صفاء الروح

7- الابن محمد رأفت

شكرا لكم جميعا لمروركم الكريم وردودكم الجميلة

» تعالوا شوفوا اللى عملوا صاحبى
» النيابة تستدعى صاحبى دعوى عزل أعضاء المنحل لسماع أقوالهما
» اعترافات زوجة
» اعترافات جولدا مائير
» اعترافات سفاحـة المنوفية‏