الجواد والغراب والبومة

موضوع: الجواد والغراب والبومة 19/12/2009, 09:46

ولأن الجواد البري طاف العديد من البراري فقد صادف مالم يصادفه أحد

وذات يوم جلس مع نفسه ليعيد ترتيب أوراقه فمر به حولان

حولان .... مالك فرحان كده ليه يا جواد

الجواد ... فرحان إيه أنت كمان . أنا سرحان مش فرحان

حولان .... في إيه بقي إن شاء الله

الجواد ... في الغابة اللي احنا عايشين فيها

حولان .... صحيح الدنيا غابة . تصدق إتي لقيت عندي في البيت تلات فيران وأمهم وييجي مليون برغوت

االجواد ... ههههههههههههههههههههه

حولان .... والمصيبة إن وزارة البيئة طردتني من البيت وعملته محمية طبيعية . ! أل إيه البراغيت دي من النواه الهنكاري النادر

الجواد ... هههههههههههههههههههاي حلوة دي

حولان .... بجد بقي سرحان في إيه

الجواد ... مرة وأنا ماشي في الغابة اللي هناك دي

حولان .... قصدك الخرابة دي

الجواد ... أيام ما كانت غابة يا أخي . المهم . لقيت كناريا ديما كل ما تشوفني تغني

حولان .... يا بختك يا عم . مش أنا اللي كل ما أمشي في حتة ألاقي كلاب بتنبح عليا

الجواد ... مش فارقة كتير يا حولان

حولان ... إزاي بقي . إيش جاب الناري للكلاب

الجواد ... لأني اكتشفت إنها بتغني لكل واحد في الغابة من ورا بعضيهم

حولان ... وده يزعلك في إيه ... دي حتي تخلي الكل مرتبط بالغابة وتخليها نشيطة

الجواد ... طبعا مش زعلان ... إن شالله حتي تعمل قرد . وأنا مالي

حولان .... أمال إيه الحكاية

الجواد ... الحكاية يا عمإنها مش ناريا .. دي بومة ودهنت نفسها ألوان

حولان ... يا بنت الإيه يعني مش عصفورة ... طيب وأهل الغابة

الجواد ... فيهم اللي فتهم إنها بومة شؤم وفيهم الأهبل

حولان ... معقول الغابة فيها خد أهبل

الجواد ... يووووووووووووووووووووه . أكتر من الهم علي القلب

حولان .... وبعدين

الجواد ... ولا قبلين . كان فيهم غراب ميعرفش إنها بومة ونحسها يخرب أي مكان هيا فيه

حولان ... ماله الغراب ده

الجواد ... عشان هو غراب وظنها كناريا حقيقية قال لنفسه أنا لازم أخدعها . مع إنه هو المخدوع العبيط

حولان .... هه وعمل ايه

الجواد .... راح عمل عملية تجميل عشان ميبقاش غراب ويبقي عصفور

حولان .... وبعدين

الجواد ... الغريبة يا أخي إن العملية نجحت وفشلت في نفس الوقت

حولان .... دي فزورة بقي ولا إيه

الجواد .... لا فزورة ولا حاجة . فعلا شكله بقي زي العصافير لكنه في الحقيقة انقلب حمار . وبقي تقوله شي يمشي وتقوله هس يقف . دا غير تنهيقه اللي قالب بيه الدنيا

حولان .... يااااااااه فعلا الدنيا مليانة عجايب . أنت عارف أنت شفت الحاجات دي ليه في حياتك لأنك جواد بري . مش كنت تسمي نفسك يا أخي القرموط البحري عشان ترتاح من الأشكال دي

الجواد ... الأشكال دي كويسه بس لو كانت تجند نفسها وتجن طاقتها للخير مش للشر . مالها البومة حلوة وليها دور في المجتمع بس متنفعش تبقي كناريا . وماله الغراب كويس وليه دور في الدنيا لكن مينفعش يبقي عصفور

حولان ... فعلا فعلا يا جواد . الإتنين ليهم دور مهم جدا في الحياة لأنهم بياكلو دود ويخلصونا منه

الجواد ... إيه رأيك بقي في اللي حكيته ليك

حولان ... هي الدنيا كده . تلاقي فيها واحد لابس لبدة أسد وهو أساسا أرنب

الجواد .... ياااااااااااااااه كلامك حكيم

حولان .... وتلاقي فيها فراشة وهي أساسا دبور

الجواد .... يابن الإيه . صح كلامك

حولان ... وتلاقي فيها ناس الواحد يقعد معاها ساعة يتكلم من غير ما تطلب له كوباية لحمة يسند بيها نفسه مع إن الواحد ياما وكلهم بطيخ أقرع

الجواد يعمل نفسه مش فاهم ويقوم مسرعا ويقول ياااااه عن إذنك أنا ورايا ميعاد مهم ولازم أروح له دلوقت

ا

موضوع: رد: الجواد والغراب والبومة 19/12/2009, 18:04

هههههههههههههههههههههههههههه

الضحك من القلب وهنا يكون دور الملك أكرم المتمكن

من أدواته ليصيغ لنا درر الأدب بإسلوبه الساخر الذي

قل ان نجد من يجيده ...هكذا هي الحياة اخي اكرم

تعج بالمفارقات الغريبة وداخل ردهاتها نضل الطريق

ولا يمكن التمييز بين الجيد والرديء الا من من عليه

الله بقوة الحدث والفهم وأصبحت الفحولة في الجعجعة

والبقاء لمن هم دون المستوى.

دمت يا ملك ولك مني 453803 تحية وتعظيم سلام

موضوع: رد: الجواد والغراب والبومة 19/12/2009, 18:48

اقتباس :

الملك أكرم المتمكن
من أدواته ليصيغ لنا درر الأدب بإسلوبه الساخر الذي
قل ان نجد من يجيده ...هكذا هي الحياة اخي اكرم
تعج بالمفارقات الغريبة وداخل ردهاتها نضل الطريق
ولا يمكن التمييز بين الجيد والرديء الا من من عليه
الله بقوة الحدث والفهم وأصبحت الفحولة في الجعجعة
والبقاء لمن هم دون المستوى.

أخي و استاذي الكريم المكرم

لم أشأ تكرار نفس تعليق استاذنا الجواد البري في جمل يمكن ان تكون مختلفة قليلا

لهذا اقتبسته

لكن أضيف أنني ربما من الله علي بقليل من الفهم

فاستطعت ان أفهم مغزى هذه القصة الرائعة

نسأل الله تعالى ان يهدي البومة و الدبور و يرزق الغراب و الحمار عقلا يفهم

أسلوب مبدع : هذا هو أسلوب الملك

تقبل مروري

مع خالص التقدير و الاحترام

موضوع: رد: الجواد والغراب والبومة 20/12/2009, 06:51

فعلاً أنا مع الحاج صفاء بأن هذا المؤتمر لابد أن يخرج بورقة عمل وليست

توصيات وذلك لتفعيل دور المؤسسات الغير قادرة على خوض قضايا دور

المرأة فى المرحة التقدمية التأخرية وأن تعود خالتى أم فاروق لتولى مهامها

التكنلوجية فى إعداد الفطار للواد حسنى العجلاتى حسب المواصفات

العالمية ( الأيزو ) التجسسية وفي ختام كلمتى أشكر السادة الحضور فى

المؤتمر وأخص بالشكر عم عبده مسؤل البوفيه وعم رجب البواب وشكرا

لحسن استماعكم ولا داعى للتصفيق الحاد والمتواصل ورفعت الجلسة

فى ساعته وتاريخه على أن تعود للانعقاد مرة أخرى فى سنة 2300 الساعة

الثالثة الصبح بالليل

موضوع: رد: الجواد والغراب والبومة 20/12/2009, 10:18

عملاق الأدب والفكر ملك المنتديات بلا منازع حين يكون الحظ حليفا لي وأقرأ عملا جديدا لك فقبل أن أبدأ القراءه يكون في يقيني شئ ثابتا لا يتغير وهو انني حتما سا أخرج من موضوعك بعد أن يكون لي شرف القراءه وقد تعلمت درسا جديدا من الرائع المتأنق المبدع دوما أكرم عبد القوي أخي المبدع الرائع

موضوع: رد: الجواد والغراب والبومة 20/12/2009, 10:23

عمو حولان كتب:: فعلاً أنا مع الحاج صفاء بأن هذا المؤتمر لابد أن يخرج بورقة عمل وليست

توصيات وذلك لتفعيل دور المؤسسات الغير قادرة على خوض قضايا دور

المرأة فى المرحة التقدمية التأخرية وأن تعود خالتى أم فاروق لتولى مهامها

التكنلوجية فى إعداد الفطار للواد حسنى العجلاتى حسب المواصفات

العالمية ( الأيزو ) التجسسية وفي ختام كلمتى أشكر السادة الحضور فى

المؤتمر وأخص بالشكر عم عبده مسؤل البوفيه وعم رجب البواب وشكرا

لحسن استماعكم ولا داعى للتصفيق الحاد والمتواصل ورفعت الجلسة

فى ساعته وتاريخه على أن تعود للانعقاد مرة أخرى فى سنة 2300 الساعة

الثالثة الصبح بالليل

:D

فين ايامك يا حبيبنا يا عم حولان

شخصيتك الرائعة هي علامة في فن الادب الساخر وأتمنى ان تكون عودتك بقوة فنحن نشتاق

لأحرفك والأن أتركك لتلحق ميعادك في سنة 2300 ومع ودي وخالص عرفاني

موضوع: رد: الجواد والغراب والبومة 21/12/2009, 03:06

موضوع: رد: الجواد والغراب والبومة 21/12/2009, 09:56

ربي يهدي الجميع

موضوع: رد: الجواد والغراب والبومة 28/12/2009, 17:01

رائع الكبير كبير ياملك

تقبل مرورى

موضوع: رد: الجواد والغراب والبومة 16/2/2010, 09:16

استاذنا الكبير او الملك كما يدعونك
إليك شكرى وتقديرى واشد إعجابى لهذه القصه الهادفه

فهذه القصه اتت مؤكده لهذا الزمن فلكل يخدع ويلبس ثوبا
ليس له وكأن حياتهم كلها ملك للشهره و ان يكونو معرفين
بأى وسيله ونسو ان الانسان الحق هو الذى يسعد برؤيه مجتمعه
متقدم وبأفضل حال بغض النظر عن ان الناس تعف افضاله أم لا

تقبل مرورى المتواضع

» الهدهد والغراب
» الجواد البري ولقاء مع العقيد القذافي !!!
» "البلبل والغراب" قصة للأطفال بقلم: جاسم محمد صالح
» رباعيات الجواد البري
» إنقذوا الجواد البري !!!!!