اللي مالوش كبير يشتريله كبير
المثل ده أنا معرفتش قيمته إلا لما مرت بيا القصة دي
زي ما أنتم عارفين إني بدرس في المعهد العالي للإعلام عشان آخد بكارليوس إعلام وأعمل في مجال هوايتي الأساسية
وكنت باصلي في المصلية وأنا طالع لقيت واحدة معروفه معانا في الدفعة بإنها بنت مشاغبة وبتحب تضحك مع الشباب وأنا وزمايلي مجتنبينها وملناش سهاري معاها
المعهم البنت قالت لي بركاتك يا شيخ مصطفي وأنا قلتلها عقبالك
المهم البنت ندهت عليا وقكان في أيدها كانز عصير حبيبات وقالت لي ياشيخ ممكن تقولي علي حاجة
قلتلها أولا أنا مش شيخ مش عشان صليت ركعتين أبقي شيخ
المهم قالت مش إحنا المفروض نغب اللبن غب ونمص الماء مص
قلت لها آه أنا أسمعكده
قالت طيب العصير ده أعمل فيه إيه أغبه زي اللبن ولا أمصه زي الميه
بصراحة أنا ضربت لخمة وقلتلها معرفش
قالت لي ممكن تسألي
المهم لما روحت الفيوم الموضوع ده شغلني روحت التدريب للكابتن وبعد التندريب مشيت مع الكابتن أنا والكابتن حمادة وحفيد عوكلمة حق شووية وقلت له المسؤال ده
قام الكابتن سرح شوية بسيطة ييجي دقيقة
وقالي يا مصطفي الناس اللي تسأل سؤال زي ده اسمهم التفيهقون
قلت له يعني إيه قالي يعني ناس بتتفذلك علن جهل وخلاص والناس دي مضرة جدا
المهم قلت له حل المسألة إيه
قال يا مصطفي الطبيعة الغالبة علي العصير الماء ولا اللبن
قلت له الماء
قالي يبقي يسري عليها حكم الماء
وبعدين قالي بص في الأصل يا مصطفي وسيبك من الفرع في الحاجات دي
يعني لوكانت الغالب علي العصير لبن يبقي حكم اللبن
ولو الغالب الماء يبقي حكم الماء
قلت له فعلا ياكابتن اللي مالوش كبير يشتريله كبير
والناس كبيرهم العلماء ومش وبيرجعوا ليهم وكل واحد عاجبه عقله حتي ولو هيوديه في دجاهية
كلها خلاص بقت علماء نفسها
بقلمي
مصطفي الأعصر
موضوع: اللي مالوش كبير يشتريله كبير 
2/12/2009, 09:57
