عيادة الدكتور عمو حولان

موضوع: رد: عيادة الدكتور عمو حولان 16/10/2009, 00:44

اقتباس :

ياعم نام بقى وريحنا

هو الحول جالك حتى فى المواعيد

ياساتر على حظنا المنيل بسببك

تعالى أقولك كلمة فى سرك

فيه أسد جعان فى المنتدى اللى جنبنا والأسد ده مشفش الأكل من تلاتة أيام

روح ألعب معاه شوية ... ده هيفرح بيك جداً

موضوع: رد: عيادة الدكتور عمو حولان 16/10/2009, 00:57

اقتباس :

أسجل أعجابي بهذه الشخصية

وأنا بدورى ومن هذا المؤتمر العالمى أسجل إعتراضى على بيع

اللحوم بالكيلو بينما فى الدول المتقدمة يتم بيع

اللحمة بالمتر وهذا إن دل فإنما يدل على وحدوية

البؤرة اللا مركزية مما ينتج عنه شخصيات سيكوباتية فى المجتمعات الطرية

والخالية من السوس وكمثال على ذلك الواد عبده البقال يشرب الماء من

الحنفية دون النظر لأي إعتبارات أسرية

موضوع: رد: عيادة الدكتور عمو حولان 16/10/2009, 01:25

اقتباس :

عمو ياعمو
انا ديما بحس إن بقي بيحرقني أوي لما أكل فلفل متعرفش ليه

مرحب ياحاج ( زوما ) أنت فين يااااااااراجل من زمان

عموما أنتى الحمد لله جيتى للدكتور المناسب لحالتك

ومش عايزك تخافى لأن المرض اللى عندك ده رغم خطورته

إنما مع الدكاترة الكبار مثلى بيكون علاجه بسيط جدا

أولاً هتجيبى من عند دكانة عم رجب الخراط ربع كيلو عصير بطيخ

والصباع الصغير بتاع رجل نملة مطلقة من أربع شهور

والعين اليمين بتاع غراب يتيم الأم وشعرة من قفا واحد يكون

اسمه ( نتن ياهو ) وتخلطيهم مع بعض

وتحطيهم فى فرن المكرويف لمدة أربعة أيام وبعدها هتلاقى البيت

ولع متشغليش بالك لأن حرارة النار هتنسيكى حرارة الفلفل وبكدة

ممكن تاكلى فلفل زى ما أنتى عايزة

لأ تنسى وأنتى ماشية تاخدى خمسين جنيه من الممرضة اللى برة

وأنا هعدى عليكى بنفسى أطمن عليك فى قسم الحروق فى المستشفى العام

موضوع: رد: عيادة الدكتور عمو حولان 18/10/2009, 00:42

ممكن استشاره ياعمو الدكتور حولان ؟
أنا لما بخاف قلبى بيدق بسرعة
وشكرا مقدما يادكتور

موضوع: رد: عيادة الدكتور عمو حولان 18/10/2009, 01:46

الحمد لله

الحولان إختفى

تقريبا قبضوا عليه وأنا شخصيا إرتحت منه

ربنا يستر ولا يدخل المنتدى الإسلامى ويكتب فيه تهانى

موضوع: رد: عيادة الدكتور عمو حولان 18/10/2009, 02:46

أستاذنا الدكتور عمو حولان

سعدنا بعودتك لنا

ولى سؤال طبى

هل صقعت العتاريف ؟؟؟
عيادة الدكتور عمو حولان - صفحة 3 286372

موضوع: رد: عيادة الدكتور عمو حولان 18/10/2009, 02:50

عمو حولان

أعانى من سقعنة فى العظام

موضوع: رد: عيادة الدكتور عمو حولان 18/10/2009, 16:47

أرجو لو الحولان وصل تستدعوه

لعلاج الفار اللى أكل القطه ومن يومها ما جاش يوم لقدام

( يارب يتوه وميجيش )

( يارب الأنتربول يثبض عليه )

( يارب يقع مع عسكرى المرور )

( يارب يمشى فى خرابه كلها كلاب )

موضوع: رد: عيادة الدكتور عمو حولان 18/10/2009, 16:49

يا أنا يا إنت يا حولان

لو ها اعمل لك الف مشاركة فى اليوم لازم

أضايقك زى ما بتضايقنى

( بنا يشفيك يا دكتور)

موضوع: رد: عيادة الدكتور عمو حولان 20/10/2009, 19:02

عمو حولان كتب:

مرحب ياحاج صفاء

فينك يااااااااااااااراجل

على العموم أنا مسامحك من العلقة اللى أنا أكلتها من الواد

سعيد الميكانيكى بسبب البطيخة اللى أنا أخدتها منه يوم زفافك

وأنتى أخدتيها ومدفعتيش تمنها لغاية الآن .

اقتباس :

و اتشرف اني اكون اول مريض تعالجه

يا مرحب يااااااااراجل دي عيادتك

اقتباس :

( ما دام بالمجان ما حدش خسران حاجة )

هههههههههههههههه هو صحيح دخول العيادة والكشف بالمجان

ولكن الخروج منها بخمسين جنيه وبطيخة بس

اقتباس :

وصف الحالة : الإحساس بمعاناة اخواننا في فلسطين

و عدم القدرة على اي رد فعل ايجابي

قلة نوم نتيجة تأنيب ضمير و ألم ناتج عن خوف سوء العاقبة

لا دى بسيطة جداً والعلماء الكبار مثلى بنسمى الحالة دي ( أنفلونزا الضمير )

وده مرض معدى جداً وبدأ يدخل إلى البلاد عن طريق بعض البلدان مثل فلسطين

والعراق وأفغانستان ... وعلاجه بسيط جداً وهو عدم مشاهدة نشرات الأخبار أو

قراءة الجرائد ويجب سماع الحاجة نانسى عجرم ثلاث مرات قبل

الأكل وقبل النوم مباشرة .

اقتباس :

السيارة كذلك عندها سخونة بالليل و برودة بالنهار

أعملى لها كمادات ( حمض الكلوريد المركز )

مرتين الصبح وبالليل لمدة ثلاثة أيام

اقتباس :

و كذلك تعاني من عسر هضم

لا دى بسيطة خالص ممكن قبل الأكل تعطى لها نصف متر أسفلت مسلوق

لأن ده بيفيد السيارات وخاصة فى سن الشيخوخة المتأخرة

اقتباس :

و لا تسمع الكلام

أكيد عندها إلتهاب فى الأذن الوسطى وعلاجه مرهم بذرة البطيخ

وأنا بقدمه بأسعار معقولة وسعر الشحن ثابت أينما كنت

اقتباس :

و القطة عندها إفراط في الكسل و الاكل و الميزانية مصابة بعجز كلي

لا بسيطة ... خدى القطة في نزهة فى الأحياء الشعبية ويا ما أكترها خليها تتفرج

على الناس وساعتها اللى يشوف بلاوى الناس تهون عليه بلوته والقطة هترجع

من المشوار ده زى الفل إن شاء الله .

اقتباس :

و دمت لخدمة الصالح العام عمو الدكتور حولان

الله يبارك فيكى بس لا تنسى تدفعى الخمسين جنيه والبقشيش

للممرضة اللى ماسكة ساطور بره ... وأنا فى خدمة كل أعضاء الأعلامى

يا عمـو الدكتور حولان

بالنسبة لمرض انفلونزا الضمير دواءك مــر و انا لا استسيغه افضل المرض أحسن

لكن بالنسبة للسيارة انا اعطيتها ما وصفت لي و ما عاد يسمع لها صوت و لا حركة

اما عن القطـة فأخذتها للحي الشعبي جدااااا( لاننا اصلا في حي شعبي عادي )

و هناك لما رأت أحوال القطط كتبت يافطة : لنعش كراما او لنمت باحترام

و عملت مظاهرة خرج وراءها كل قطط الاحياء ( حوالي 60 مليون )

فطاردها اصحاب الهمة بالهراوات و هربت منهم و هي الآن تعاني من صدمة نفسية حادة واكتئاب مزمن انتظر رايك يا دكتور .

( بالنسبة للبطيخة : هل فيه حد يبعث لناس قرع هدية زفاف و يقول انه بطيخ ؟؟؟ و العلقة تعيش و تاخذ غيرها يا دكتور )

» تحذير من مستشفى الدكتور عمو حولان
» عيادة المريض
» حقيبة الإسعافات الأولية .. ضرورة فى عيادة طبيب الأسنان
» مفاهيم خاطئة : اللواء نادي السحلي - عيادة المريض
» عمو حولان اين انت