شرح كل مفاتيح كونكر للمبتدئين "

أهلا بكم أحبتي الأعزاء محبي كونكر "

بينما كنت أفكر فى طرح موضوع جديد من نوعه يقوم بشرح شامل
للأشياء الأبتدائية والبسيطة فى لعبة كونكر لتسيهل الأمور على المئتدئين فى اللعبة
ولهذا قدمت هذا الموضوع لشعوري بحاجة المبتدئين إليه ، ليساعدهم على فهم اللعبة بشكل أسرع وتعرفاً أكثر على لعبة كونكر ، وتفهيمها بشكل بسيط

لذا قررت أن أضع هذا الموضوع المتواضع بين أيديكم ، وأتمني من الله أن يكون بالمستوي المطلوب

وينال إعجابكم

,؛

وسأحاول أن اشرح باسلوب بسيط اوي من غير تعقيد
في اول بدايتي مع لعبة كونكركنت مخنوق اوي ، لان الشاشه زي ما انتوا عارفين مليانه ايقونات كتير.
ومكنتش عارف وظيفتها ايه بالرغم اني الحمد لله بعرف انجلش كويس .
وكان لازم يكون في حد يفهمني أيه وظيفة الأيقونات الكتيرة دي

والحمد لله كان ليا واحد صحبي بنتكلم مايك ياهوو وهوا كان بيشرحلي وانا انفذ لحد متعلمت ولسه بتعلم لحد دلوقتي.
ففكرت اعمل موضوع اشرح فيه معظم الايكونات عشان الناس اللي لسه بيتعلموا اللعبه

ونبتدي على بركة الله

شرح كل مفاتيح كونكر للمبتدئين " 123at9

1- دا المكان اللي فيه معلومات اساسيه عن مكانك بالظبط"احداثيات يعني "
وفيها اسم السيرفر وكمان البنج " لو رقم البنج قليل يبقي النت كده شغال سريع وزي الفل لكن لو الرقم عالي يبقي موش كويس " وطبعا الوقت والتاريخ

2 - " الخريطه " ( ودي فيها شوية معلومات مثل:
. الفرند بيبان علي شكل ماسه خضرا كده
. زميلك في الفريق بيبان علي شكل نجمه زرقا فاتح
. انت بتبان علي شكل نجمه زرقا غامق
. اللي انت متجوزه بيبان علي شكل قلب احمر
. اي حد من الاعداء بيبان علي شكل جمجمه بيضة
. كابتن التيم بيبان علي شكل نجمه صفرا

3- المكان دا بيبين صور اعضاء "التيم " .
والعمود الاصفر اللي علي يمين الصوره دا الهلث بتاع كل شخصيه
لو الشريط الاصفر دا قل يبقي معناه كده انهم بيتعرضوا للضرب
ولو الصوره ضلمت دا معناه انه الشخصيه دي بعيده شويه عن الماكان اللي انت فيه

4-المكان دا اللي بيبان فيه رسايل السيستم
" ودي رسايل الشركه بتبعتها بيكون فيها معلومات عن اللعبه وكده "

5- دا المفتاح اللي بيخليك تختار انك تجري او تمشي
" لو هوا اخضر يبقي كده هاتجري لكن لو احمر دا كده هاتمشي "

6- العدسه دي ممكن تضغط عليها وبعدين تضغط علي اي حد انت عايز تشوف هوا لابس ايه
" بتبين اللبس والاسلحه بتاعت الاشخاص التانيين "

7- المفتاح دا بيدك وضعين للشاشه " جربهم بنفسك "

8- دا بيخليك تظهر او تخفي " الخريطه "

9- النص الاحمر دا بتاع الصحه او الهلث او الدم " كلهم نفس المسمي لكن كل واحد يسميها زي ما هو متعود يسميها "

دا لو هوا كامل يبقي كده صحتك كامله ، لكن كل ما يقل دا معناه انه صحتك بتقل
ولو قل خالص يبقي انت هاتموت يعني لازم تخليه دايما مليان .
ودي كل ما تقل تستخدم حاجات بتزودك هلث ودي هاتلاقيها بتتباع في كل مدينه .
او بتقع من الوحوش ع الارض

10- النص الازرق دا بتاع الماجيك " السحر او المانا"
نفس الشرح بتاع الصحه لكن ماجيك

11- العمود الازرق دا اسمه " ستامينا "
( بص فيه مهارات معينه بتحتاج انه العمود دا يبقي مليان وكل ما تستخدم المهاره دي كل م العمود دا هايقل ولو قل خالص يبقي موش هاتعرف تستخدم المهارات دي .

" العمود دا بيزيد لوحده لكن لو انت قعدت ع الارض هايزيد بسرعه جدا "

12- دا شريط الاكس بي :
كل لما تضرب وحوش كل لما اللون الاصفر يمشي من الشمال لليمين ولو الشريط الاصفر اتملي كلله كده هاتاخد لفل جديد

13-المستطيل دا بتاع الشات :
لما تحب تكلم حد بتكتب الكلام في المكان دا

14- دي مفاتيح الاستخدام السريع :
ممكن تسحب اي ايتم او مهاره او حبوب صحه او حبوب ماجيك .
المهم لو حطيت مثلا صحه علي زرار اف واحد وبعدين دوست علي اف واحد علي الكي بورد
هاتلاقيك استخدمت الايتم دا بسرعه " ودا بيوفر وقت طبعا "

15- دول هانشرحهم بعدين

16- المفتاح دا ممكن ترفعه او تنزله عشان تتحكم في المساحه اللي بيبان فيها الرسايل

17- دايرة الاكس بي :
الدايره دي لما تكمل هايظهرلك اسكلات الاكس بي

18- مفتاح البرودكاست " رسايل السيرفر"
البرودكاست دا عباره عن رساله بتكتبها بتكلفك 5 سي بي اس ( cbs )
ولازم تكون اكبر من لفل 70 عشان تقدر تبعتها.
المهم لو دوست ع الزرار دا هاتشوف كل رسايل البرودكاست اللي اتبعتت قبل كده

19- المفتاح دا لو دوست عليه هايظهرلك اسماء الناس اللي انت بتتكلم معاهم كتير وهانقول تسجل الاسماء دي ازاي حالا

20- بعد متجط الاسم في المستطيل هاتدوس علي المفتاح دا
وبعد كده هاتلاقي الاسم اتنقل في المفتاح رقم 19 وبكده تقدر تكلمه بسهوله في اي وقت
" تضغط علي الاسم كلك شمال بس" حتي لو انت موش ضايفه في الفرندات

21- الزرار فيه كام اختيار زي:

talk: دا اي كلام هاتكتبه هايظهر لكل الناس اللي حواليك

whisper : كلامك موش هايوصل الا للشخص اللي انت محدده

guild : كلامك هايظهر لكل اعضاء الجيلد بتاعك

team : كلامك هايظهر لاعضاء التيم بتاعك بس

service : كلامك هايوصل للجي ام " مدير اللعبه" او الفرندات بتوعك" ممكن نستخدمها كل دقيقتين بس"

broadcast : اي حد في السيرفر هايشوف كلامك " لازم يكون معاك 5 سي بي اس ولازم تكون لفل 70 او اعلي عشان تقدر تستخدمها "
طب ازاي بقي تختار اسم اي لاعب بالذات عشان تتكلم معاه؟

فيه اكتر من طريقه زي:
- تكتب اسمه في المستطيل

- ممكن تضغط علي زرار شفت وتدوس كلك شمال علي الشخص نفسه

- ممكن تدوس زرار الت وكلك شمال علي اسم الشخص علي الشاشه

22- لو دوست علي الزرار دا هايمسحلك اي كتابه علي الشاشه

23- دا زرار اللي بتتحكم فيه في كذا حاجه تخص شات اللعبه والتوضيح اهو في الصوره دي

شرح كل مفاتيح كونكر للمبتدئين " Chatpe0

نيجي بقي للمفاتيح رقم 15 اللي قلنا هانشرحها بعدين

اولا : Status

المفتاح دابتعرف منه الملعومات بتاعت الشخصيه بتاعتك ولما بتدوس عليه هاتلاقي اربع مفاتيح علي الجمب الشمال هانشرحهم واحد واحد
1-مفتاح المعلومات الاساسيه

2-مفتاح اللبس والاسلحه

بيوريك الحاجات اللي انت لابسها كللها ولو دوست علي اي حاجه دوبل كلك هاتقلعها ولو سحبتها وحطيتها في مكانها هاتلبسها
3-مفتاح الاسكلز بتاعت الاسلحه

دا فيه الاسلحه اللي انت استخدمتها من اول مدخلت اللعبه وانت لفل 1 وفيه حاجه اسمها نجوم السلاح والنجوم دي بتزيد مع اللفل وهاتلاقي في تقسيمه للاسحله دي وهيا كالتالي
one handed يعني الاسلحه اللي بتتمسك بايد واحده
tow handed الاسلحه اللي بتمسكها بايدك التنين
other اسلحه مختلفه
4-زرار الاسكلز بتاعت الشخصيه

بيوريلك الاسكلز بتاعتك واللفل بتاعها سواء اسكلز عاديه او اسكل اكس بي او ماجك اسكل

ثانيا:Friend

المفتاح دا لو انت عايز تعمل صداقه مع حد كل اللي عليك انك هاتدوس عليه وبعدين تدوس make friends وبعدين تدوس علي الشخص اللي عايز تعمل معاه صداقه وهوا بعمل نفس اللي انت عملته هاتلاقي اسمه ظهر عندك في لستة الفرندات واسمك ظهر عنده برضه زي كده

لو هوا فاتح اسمه هايكون ابيض ولو قافل هايكون احمر
1-كلمة check دي لو دوست عليها هاتعرفك صحبك لابس ايه وشوية معلومات كمان عنه
2-كلمة delete لو دوست عليها هاتمسحه من اللسته عندك وكده تكون الصداقه اللي بينكم انتهت
3-كلمة Enemy دي فيها كل الناس اللي قتلوك قبل كده ولو حد مشي من جمبك هايبان علي الخريطه علي هيئة جمجمه بيضا
4-كلمة mentor دي بقي عايزه تركيز شويه

كلمة مينتور يعني استاذ(بالبلدي كده)وكلمة apprentices ابرينتكس (يعني تلميذ بالبلدي برضه)
انت ممكن تكون استاذ وممكن تكون تلميذ
عشان تكون استاذ هاتدوس كلمة مينتور وبعدين app+ وبعدين تدوس علي الشخصيه اللي انت عايزها تبقي تلميذ ليك
عشان تكون تلميذ هاتدوس كلمة مينتور وبعدين كلمة mentor+ وتدوس علي الشخصيه اللي عايزها تبقي استاذك
انت هاتستفاد تلات حاجات من التلاميذ دول
1-اكسبيرينس(اكس بي)كل لما التلميذ يعمل كويستاته وياخد اكس بي انت كمان هاتاخد اكس بي
2-بليسينج :لو التلميذ استخدم praying stone هوا هاياخد بليسنج تايم وانت كمان هاتاخد بليسينج تايم
3-ستون+1:كل لما التلميذ يموت وحش وياخد منه أي ايتم بلاص وان هايديلك نقطه ولما انت توصل 100 نقطه هاتاخد استون بلاص وان(ابسط ياعم)علي فكره لازم يكون التلميذ واخد الايتم بلاص وان من الارض يعني موش شاريه او عامله تريد مع حد
لو انت تلميذ هاتستفاد من الاستاذ حاجه واحده انك هاتشاركه في القوه بتاعته(البوتنسي ايام زمان او الباتل باور دلوقتي battle power

ودي العلاقه بين لفل المنتور وعدد الابرنتكس
لفل المنتور__________ لفل الابرنتكس
70-109 __________2
110-119 __________3
120-129 __________5
130-133 __________7
134+ __________10

طب ل وعايز تاخد الحاجات اللي قلناها فوق اللي هيا الاكسبيرينس والبليسنج والاستون+1 هاتدوس كلمة
mentor reward وبعدين تيجي قصاد كل واحده وتدوس claim

ملحوظه:لو عايز تطرد أي تلميذ عندك علم علي اسمه وبعدين دوس Expel
لو انت تلميذ وعايز تسيب الاستاذ بتاعك دوس كلمة Leave Mentor بس في الحاله دي هاتدفع 50 الف وموش هاتقدر يكون ليك استاذ الا بعد مرور 3 ايام
5- كلمة Partner
دا يعني الشريك
البارتنر دا تقدر تبدل معاه أي ايتم حتي لو مقفوله(معمولها لوك يعني)
كل واحد مينفعش يكون ليه اكتر من 20 تريد بارتنر
عشان تعمل بارتنر مع حد هاتدوس كلمة friend وبعدين partner وبعدين +trade partner وبعدين دوس علي الشخص اللي عايزه يكون بارتنر ليك وهوا كمان يعمل نفس الحوار دا
علي فكره التريد بارتنر موش هايشتغل الا بعد تلات ايام من اول متعمل بارتنر مع أي حد

ثالثا:Pk

لو دوست ع الزرار دا هاتلاقي اربع كلمات

pk تقدر تقتل الوحوش واعضاء التيم واعضاء الجيلد واي لاعب تاني
team تقدر تقتل الوحوش اوي أي لاعب ماعدا اعضاء الفريق او اعضاء الجيلد
peace تقدر تقتل الوحوش بس ومتقدرش تقتل أي لاعب
capture تقدر تقتل الوحوش اوي أي لاعب رد او بلاك نيم

في الاصل انت اسمك بيكون ابيض وكل متقتل لاعب هاتلاقي عدد البي كي بتاعك بيزيد بمقدار 10 بي كي لكل لاعب تموته ولونك هايتغير كالتالي
اسمك ابيض لو انت ااقل من 30 بي كي
اسمك احمر لو انت من 30 لحد 100 بي كي|
اسمك اسود لو انت اعلي من 100 بي كي
انت بتنزل واحد بي كي بونيت كل 6 دقايق(يعني مثلا لو انت 12 بي كي بونيت هاتبقي صفر بي كي بعد 72 دقيقه(

رابعا:Guild
الجيلد دا يعني شله (بالبلدي برضه) المهم بيكون عباره عن مجموعه من اللاعبين ليهم هدف معين او طريقة لعب معينه وبيتجمعوا في جيلد واحد(زي عصابه كده)
أي لاعب ممكن يعمل جيلد(بس الاحسن متعملش جيلد الا لما تكون قوي وتقدر تحمي افراد الجيلد عشان متبقاش ملطشه في اللعبه لكل من هب ودب)
لو انت موش في جيلد معين ودوست كلمة جيلد هايظهرلك الصوره دي

status بتعرف منها معلومات عن الجيلد زي اسم الجيلد واسم الفائد ووضعك في الجيلد وعد اعضائ الجيلد وكده

Bulletin لو دوست هنا هاتشوف الاعلان اللي قائد الجيلد عامله(او أي رساله القائد بيحب كل اعضاء الجيلد يشوفوها)

donate دوس هنا لو عايز تتبرع بفلوس للجيلد

allies هنا بتعرف الجيلد اللي مصاحبين الجيلد بتاعك

Enemies هنا بتعرف الجيلد اللي ضد الجيلد بتاعك

Join دوس هنا وبعدين دوس علي قائد الجيلد اللي عايز تبقي تبعه عشان تدخل في الجيلد بتاعه(بس موش هاتعرف تخش الا لما القائد يوافق)

لو انت دخلت تبع أي جيلد هاتلاقي كلمة Quit لو دوست عليها هاتخرج بره الجيلد

لو انت قائد جيلد هاتلاقي كلمة Kick out دي عشان تقدر تخرج أي عضو بره الجيلد بتاعك

position دا وضعك داخل الجيلد وعلي فكره فيه تلات اوضاع وهما

Guild leader دا صاحب الجيلد وبيقدر يتحكم في أي حاجه تخص الجيلد

Deputy leader دا بيكون شخص قائد التيم واثق فيه اوي وعاطيله السلطه انه يدخل لاعبين جداد للجيلد

Guild member دا عضو في الفريق مالهوش أي سلطه

Donation دي كمية الفلوس اللي انت دفعتها تبرع للجيلد

Guild name اسم الجيلد

Guild leadr اسم قائد الجيلد

Guild fund دي كمية الفلوس اللي في الجيلد(راسمال الجيلد)

Members عدد اعضاء الجيلد

خامسا : Action
دي فييها 10 حركات جربهم بنفسك

سادسا:Trade
دي لو عايز تبيع او تشتري او تبدل أي ايتم مع أي لاعب
دوس عليها وبعدين دوس علي اللاعب اللي عايز تترد معاه لو هوا وافق هاتلاقي الشنطه بتاعتك اتفتحت حط الاتيم اللي عايز تتردها وموش تدوس اوك الا لما الاعب التاني يحطلك الايتمز اللي انت عايز تاخدها منه وبعدين دوس اوك

سابعا:Team

انت ممكن تعمل تيم وتدخل فيه ناس جامده لو انت عايز تعمل الكويست بتاعتك او تدخل فيه ناس اللفل بتاعها قليل لو عايز تاخد في بي بوينت(عشان تدخلي بيها اللاب (
create دوس هنا لو عايز تعمل تيم وتكون انت القائد بيتاعه(لو انت اصلا في تيم موش هاتلاقي الكلمه دي)
join دوس هنا لو عايز تدخل تيم مع حد تاني وبعدين دوس علي قائد التيم(اللي عليه نجمه صفرا)لكن لو انت اصلا في تيم موش هاتلاقي الكلمه دي
انت ممكن تيجي تدخل مع حد ميرضاش يدخلك يبقي من الاحسن متبعتش كتير لانك ممكن تزهفه وفي الحاله دي هايموتك
invite دوس هنا لو انت الفائد وعايز تدخل حد معاك لكن لو انت موش القائد موش هاتلاقي الكلمه دي ولو انت القائد وجيت تبعت دعوه لحد مشترك في تيم تاني الدعوه موش هاتوصله
Dismiss لو انت القائد دوس هنا عشان تلغي التيم ولو انت موش القائد موش هاتلاقي الكلمه دي
Option لو انت القائد دوس هنا عشان تحدد كام حاجه في التيم مثلا كلمة forbid لو علمت عليها صح كده أي حد موش هايقدر يبعتلك طلب انه يدخل معاك في التيم وكلمة money كده أي لاعب هايقدر يلم فلوس وزيها كلمة items
Kick out عليم علي صورة الشخص وبعدين دوس الكلمه دي لو عايز تخرجه بره التيم(لو موش انت القائد موش هاتظهرلك الكلمه دي)
Exit دوس هنا لو عايز تخرج بره التيم(بتظهر للاعضاء بس موش القائد)
Follow دوس هنا هاتلاقيك ماشي ورا القائد اوتوماتك
Auto join لو دوست هنا هاتلاقيك بتدخل أي تيم جمبك بصوره عشوائيه
Auto invite لو انت قائد ودوست هنا هاتبعت دعوات بصوره عشوائيه لاي حد ماشي جمبك عشان يدخل التيم بتاعك

سابعا:Option
والشرح في الصوره

شرح كل مفاتيح كونكر للمبتدئين " 782109878

شرح كل مفاتيح كونكر للمبتدئين " 782109878

ألف مبروك افتتاح القاعه الجديده

ويسعدني الرد علي اي استفسارت بخصوص اللعبه

والله الموفق

شرح كل مفاتيح كونكر للمبتدئين " 52hh1

» حصريا جميع مدن كونكر للمبتدئين
» فيس بوك" يحول الشباب العربي إلى "جواسيس"
» " أسواق من الماضي" 2 "
» " أسواق من الماضي " 4 "
» "" أسواق من الماضي " 6