امتحانات الشفوى فى كلية الطب

امتحانات الشفوى فى كلية الطب أصعب من مهمات هيراكليس الاثنى عشر ...
من قرأ الاساطير الاغريقية يعرف ان ملك أرجوس طلب من هيراكليس اثنى عشر مهمة مستحيلة .. نذكر منها قتل اسد نيميا الذى لا يخترق جلده اى سلاح بشرى وقتل افعى الهيدرا التى كلما قطعت لها رأس .. نما لها اثنتين بدلا منه !!
على ذكر أفعى الهيدرا لا انسى ابدا استاذة الهيستولوجى العتيقة التى امتحنتنى برفقة اثنين من زملائى الاكفاء فى العام الاول من الكلية ....كانت تطالع كراسة الهيستولوجى الرائعة التى رسمها زميلاى ببراعة تفوق الوصف ... تمصمص شفتيها فى تحفز ... ثم قالت لهما فى رقة :
كراستكم زى الزفت .. ورسمكم هباب ... ده برضه رسم طالب طب ...!!
ابتلعت ريقى فى خوف ... وفكرت :
اذا كان ده رايها فى الكراستين بتوع زمايلى ... اومال هتعمل ايه يا واد يا سلطان لما تشوف ابداعاتك ..
طوال عمرى لا اجيد الرسم .. الا اذا اعتبرتمونى من رواد الفن التكعيبى او من تلاميذ سلفادور دالى ...
افقت من افكارى على فحيح افعى الهيدرا: ناولنى كراستك يابنى
تصفحتها ببطء وتمعن ..
قلبت كل صفحة ثم رفعت عيناها الى وقالت :
: قوم افتح الشباك
_حاضر يا فندم ... "هترمينى منه ولا ايه ؟!!
فتحت الشباك وفى سرعة خاطفة ألقت بالكراسة الى الشارع ...
_طيب يا افندم ... اشوف حضرتك بقى فى الدور التانى ..
بس الامتحانات فى سبتمبر لطيفة برضه

منقووووووووووووول