الحوريه : للشاعر محمد عبد القوى حسن

الحوريه
شعر: محمد عبد القوى حسن
-----------------------------
من عبير بسمة عيونك سندس الفرحه بجمــــالك
من خدود فرحة رموشك وابتسام الورد جـــــارك
اكتب النسمه اللى راسمه ضحكتين على خد شالك
واحترم طلعة ورودك فى تفانين اكتحــــــــــــــالك
فى عسل سحرك وضيك وفى حليب صفو اشتهائك
وفى مراسى امنياتك يكتب الشعر فى كتابــــــــــك
ينزل البدر لدروبك يشعل الاكوان عشانــــــــــــك
يشرب النور من عيونك يستحم فى نور حنــــانك
ياحلاتك فى صفاتك سبحانه المولى اللى زانــــك
مستحيل الصعب شبهك وانتى شبه المستحيـــل
فى الكونين ماشفت مثلك اوفى كون اجمل جميل
الندى يشرب فى عطرك حتى عرقك سلسبيــــل
اشربك نظره بديعه واحلمك مهره فى ليــــــــــل
فى عيونك سحر بابل وفى حنينك نيل طويــــــــل
وفى شعورك حس راقى بين عروقى شىء نبيــل
تنقشى فى نبضى حروفك ينطقك نبضى غـــزال
مليونين كلمة بحبــك من بساتين الجمــــــــــــال
كلمتين نفسى اقولهم فى عيونك كلمتيـــــــــــــن
لو بحار الدنيا تنفد ماينفدوش الكلمتيـــــــــــــن
كلمه من شهد الشهاده من جمال زايد زيــــــاده
يشهد العالم بسحرك وانا اقول دى شهاده عــاده
انتى فى حسنك ووصفك ماانتى محتاجه لشهـاده
وكلمه من حس الرهافه من عيون شف الشفافه
لو جميع الكون لطيف ماشبه لطفك لطافـــــــــه
الهوى حاول يسابقك ما قدر يمشى بجـــــــوارك
والحنين والياسمين دبلانين غيره من جنانــــــك
لو سنين عمرى بطولها بكل اشعارها وعطورها
عشتها انا لجل كلمه من شفايفك نفسى انولهـــا
ضمتين من شفتين تلات حروف بينقطـــــــــــــوا
نقطتين مليانين نبض وحنين بيسقطــــــــــــــــوا
فى كل انهار السنين السحر والشوق ياحــــــلاتك
يطلع النور والبدور يدخلوا فى عطور صفاتـــــك
منك واليك الزهور اللى شاربه من كاساتـــــــــــك
تسكر النسمات والامنيات فى كلمه من سكاتـــــك
قطعوا الشبان ايديهم يوم انتى مريتى عليهـــــــم
والجميلات غازلوا فيكى يوم انتى مريتى فى واديهم
والقمر والشمس وسماهم نادوكى نفسهم مره تهاديهم
نظره حلوه كلمه غنوه نسمه سلوى حسى بيهم
اما انا فى بحر الهنا رحمه الله علــــــــــــــــــــــى
موتى فيكى بيهاديكى روحى ليكى ابسط هديــــه
روحى على كفى اليسار وكفى اليمنى الوصيــــــه
فى الوصيه كلمتين اوعى تنسى ما فى الوصيـــــه
فى الحياه ميت فى حبك والممات انا قلبى قبرك
وفى جنانى وفى حنانى وفى امانى انتى الحوريه

ياحلاتك فى صفاتك سبحانه المولى اللى زانك
مستحيل الصعب شبهك وانتى شبه المستحيل
فى الكونين ماشفت مثلك او فى كون اجمل جميل
الندى يشرب فى عطرك حتى عرقك سلسبيل
اشربك نظره بديعه واحلمك مهره فى ليل
فى عيونك سحر بابل وفى حنينك نيل طويل
وفى شعورك حس راقى بين شعورى شىء نبيل
تنقشى فى نبضى حروفك ينطقك نبضى غزال
مليونين كلمة بحبك من بساتين الجمال
كلمتين نفسى اقولهم فى عيونك كلمتين
لو بحار الدنيا تنفد ما ينفدوش الكلمتين
كلمه من شهد الشهاده من جمال زايد زياده
يشهد العالم بسحرك وانا اقول دى شهاده عاده
انتى فى حسنك ووصفك ماانتى محتاجه لشهاده

متمكن حضرتك بشكل غير عادي

مسافر زاده الخيال شكرا لمرورك الراقى ياصديقى
تقبل محبتى واحترامى

جمال فاق الوصف وشياكة جامده بالمعاني
انت مش شاعر انت فنان

كلمة صح وفي محلها
الأستاذ محمد فناااااااااااااان
وملوش حل

الاستاذه نيفين عادل
اشكر كلماتك المشجعه لى
وسعيد لاعجابك بقصيدتى

الجميل حماده قرنى صلاح
اشكرك ياصديقى الغالى
ودام توهجك واخلاصك لاخيك

فيها لكنة عربية ساحرة
انت ساحر كبير
لطربتني جدا
يسم القلم

اخى راعى المراعى
اشكرك كثيرا ياصديقى العزيز
وان من البيان لسحر
تقبل محبتى دوما
وشكرا لك على التواصل
ولا تحرمنا حضورك الراقى

اخى راعى المراعى
اشكرك كثيرا ياصديقى العزيز
وان من البيان لسحر
تقبل محبتى دوما
وشكرا لك على التواصل
ولا تحرمنا حضورك الراقى

» التشكيل بالصوره فى قصيده الحوريه للشاعر محمد عبد القوى حسن
» بتشوق / للشاعر محمد عبد القوى حسن
» كلنا عمال اولاد عمال _ للشاعر محمد عبد القوى حسن
» فيديو - أغنية غية حمام للشاعر محمد ربيع ألحان محمد سامي
» مناقشة ديوان أسئلة ما بتنتهيش للشاعر محمد ربيع محمد بدار وعد