علشان انتى اللى رسمتيها

تعرفى انى الشجره الحلوه
اللى رسمتيها
انا دلوقتى ماسكها فى يدى
وقاعد وحدى اتامل فيها
وبشوف فيها
صورة قلبك
عسلك شهدك
فاهم كل لغات معانيها
ودايما اهجر صحراء عمرى
واسلم امرى
واتخيلنى قاعد تحتيها
علشان انتى اللى رسمتيها
   ***
واوعه تفكرى
انى السكه
اللى انتى فيها
ودخلتيها
انا راح ازرعلك
او اغرسلك
شىء تانى فيها
غير الود
الزرع الاخضر
لون الطيف اللى مابين سحرك
او شىء يخدش زرعك فيها
لا والله
زرعك زرعى
طرحك طرحى
انا راح احب النبت الطالع منها
واوهب كل حياتى عشانها
ومش هادخلها
غير باحاسيسى
برغم انا فيها
ساكن بواديها
ورحى يوماتى
ترفرف ليها

السيد الأستاذ الشاعر محمد عبد القوي
لا استيع أن  أوفيك حقك علي  هذه القصيدة التي اهتزت لها طربا وقرأتها أكثر من مرة

إن شاء الله سنستعين بك بإذن الله

صافى شان كتب:

إن شاء الله سنستعين بك بإذن الله

معلش كنت مستعجل ومش مركز شوية ونسيت اشكرك علي القصيدة الجميلة ودي هايلة جدا والموسيقي فيها عاله وتمام قوي l

قصيدتى عن الدستور

ما شاء الله علي المستوي الشعري
بارك الله فيك