سيناريو ساخر لـ"بثينة كامل" من قانون التظاهر

سيناريو ساخر لـ"بثينة كامل" من قانون التظاهر


تدوينة بثينة كامل

lمصر العربية،عمرو شريف
سخرت الناشطة السياسية والإعلامية بثينة كامل من قانون تنظيم التظاهر، عبر تدوينة لها على موقع التواصل الاجتماعي "فيس بوك"، حيث سردت سيناريو من تأليفها لأحد الأشخاص المتقدمين بطلب لوزارة الداخلية للحصول على تصريح لتنظيم مظاهرة.

ونص التدوينة كالتالي:
- ألو وزارة الداخلية فرع المظاهرات؟
- أيوة يا فندم أتشرف باسم حضرتك؟
- دكتور محمد رضا
- د. محمد، حضرتك شرفتنا بالاتصال قبل كده؟
- أيوة
- اتفضل يا فندم الأوردر بتاع حضرتك
- عايز أحجز مظاهرة بكرة من الساعة 2 للساعة 6 بعد إذنك
- تحت أمرك يا فندم، تحب أمن مركزي، 777، 999 مع تأمين المظاهرة؟
- أمن مركزي بس من فضلك إحنا ورمنا
- هاهاها... شربات يا فندم.. طب تحب أثناء فض المظاهرات الميه ساقعة ولا سخنة؟ ولا نلغي الموضوع ده خالص ونخش غاز وهروات على طول عشان لبس حضرتك ما يتبلّش؟
- فيك الخير ولله الواحد بيحب يروّح البيت ناشف برضو
- دا لو روّحت اصلاً يا فندم.. هههاهاها.. تحب أزود لحضرتك قناصة، خراطيش، بلطجيّة مع الأوردر؟
- لا زي الفل كده شكرًا
- تمام يا فندم أعيد مع حضرتك الأوردر واحد مظاهرة مع أمن مركزي من غير مية، حاجة تاني يا فندم؟
- لا شكرًا