ديوان الشاعرة عبير عبد الودود محمد

ديوان الشاعرة المصرية

عبير عبد الودود محمد

مبروك يا حبيبتى يا مصر
ديوان الشاعرة عبير عبد الودود محمد 1244530595

مبروك يا حبيبتى يا مصر

مبروك عليكى النصر

مبروك يا شعب النيل

يا شعب ياغالى يااصيل

باصرارك وشجاعتك وعنادك

قهرت الظلم ...حررت بلادك

من النهاردة مش هنكون تانى خايفين

او السنة متلجمة ...وايدين متكتفين

هنبدا من تانى نبنى بلدنا

ونعوض يا مصر كل اللى فاتنا

هنعدى بيكى لبر الامان

يللى ذكرك ربى فى القرآن

كلنا ايد واحدة

رافعين شعار الوحدة

والدنيا علينا شاهدة

عشتى يابلدى يا حرة

وعاشوا رجال الثورة

ماذا افعل

إنني في حيرة من أمري
لا اعرف ماذا أفعل؟
هل هو حقا يحبني؟
أم أني مجرد لعبة لنْ يلبَثَ أن يَمَلّني ؟
اهدأ يا قلبي .. فالحب ليس بالتمنّي
وجرحي القديم تركني كأني
طائر ذبيح من الألم يغني
تمهل فؤادي .. عليك بالتأنّي
والتجربة مرة فهل تُثَنَي؟
تمهل ولا تعطِ الأمان
فى وقت ضاع منه الحنان
أعلم أنك للحب ظمآن
تشتاقُ دفْءَ الأحضان
لكن الحب فى هذا الزمان
حرفان
تُشنَّف لهما الآذان
وعن دخول القلب يأبيان
وسرعان ما ينتهيان
ليعود كلُّ شيء كما كان
ويذوي في عالم النسيان
ذكرى لقلبٍ حيران
كمركب تاه عن الشطآن
تمهل يا قلبي الولهان
حتى لا تخرج من الميدان
للمعركة مرة أخرى خسران

حب فى حب

حب حب حب

بقت كل الناس بتحب

لكن من غير ماتحب

او تعرف معنى الحب

كلمة عليهم سهلة

ولا حاجة معاهم فارقة

وقلوب ف هواهم شاردة

تايهة وتانى مش راجعة

الحب زمان كان احساس

بتحسه بصدق الناس

دلوقتى بقى بينداس

وماشى مطاطى الراس

لو روحنا او جينا

بينادى الحب علينا

فين ايامنا وليالينا

ليه ضاعت من ايدينا

اجمل ايام تنعاش

راحت ليه ببلاش

ف الدنيا ليه مابقاش

غير الكداب والبكاش

ليه مشاعرنا بقت باردة

علينا قلوعها فاردة

واحاسيسنا تايهة وشاردة

فى سكة مافيهاش مودة

صرخ الحب وباح

الحب ف كل زمان مباح

من المسا للصباح

من غير الم وجراح

لكن........نفهم ايه هو الحب

وازاى نعرف نحب

ده اجمل شئ ف الدنيا

الـحــــــــب

فجر جديد

سجل يا تاريخ ...اشهد يازمان
على مصرى اصيل راح الميدان

قام بثورة ضد الطغيان

يهتف بالحرية...ويسقط السجان

لحد هنا... قال كفاية

خلصت خلاص الحكاية

حكاية شعب نسج من خوفه رواية

عاش فيها ذليل...والنهاردة

بيكتب باديه النهاية

وبداية عهد جديد

فيه الايد ف الايد

والقلب من حديد

عينه على بكرة اللى جاى اكيد

على شمس جديدة... صافى نورها

تسعد بيها بلدنا...واللى يزورها

يتمنى يعيش فيها...وابدا ما يغادرها

تعيش بلادى ...مصر تعيش

اللى يخربها ...فيها ما يعيش

يلا يا شعب وانت يا جيش

احموا بلدنا من السرقة والتهبيش

دى ام الدنيا...مثيلها مافيش

من عشر سنين واكْتر
ديوان الشاعرة عبير عبد الودود محمد 1244530595

إنني في حيرة من أمري
لا اعرف ماذا أفعل؟
هل هو حقا يحبني؟
أم أني مجرد لعبة لنْ يلبَثَ أن يَمَلّني ؟
اهدأ يا قلبي .. فالحب ليس بالتمنّي
وجرحي القديم تركني كأني
طائر ذبيح من الألم يغني
تمهل فؤادي .. عليك بالتأنّي
والتجربة مرة فهل تُثَنَي؟
تمهل ولا تعطِ الأمان
فى وقت ضاع منه الحنان
أعلم أنك للحب ظمآن
تشتاقُ دفْءَ الأحضان
لكن الحب فى هذا الزمان
حرفان
تُشنَّف لهما الآذان
وعن دخول القلب يأبيان
وسرعان ما ينتهيان
ليعود كلُّ شيء كما كان
ويذوي في عالم النسيان
ذكرى لقلبٍ حيران
كمركب تاه عن الشطآن
تمهل يا قلبي الولهان
حتى لا تخرج من الميدان
للمعركة مرة أخرى خسران

من عشر سنين واكْتر
حبك زى الزّرع لَخْضر
يطرح غرام و شوق
جوَّ القلب يعْمَر
حبك وردة احلامى
شايلاها تملى فِ احْضانى
الاقي معاها عطر ايامي
ياخدني حنيني ليك
تايها ومتخدر
من عشر سنين واكتر
قلتلى بحبك واعشقك
وعلى وَقْعها زهر الربيع أثمر

سميتنى ليلى وانت قيس
حسْدتني عبلة يا عنتر
غرامك شهد حياتى
وحبك أحلى من السكر
حنينى ليك زيه مفيش
وروحي فِْ بُعدك مش هتعيش
تعال يا عمري ومتْسبْنيش
ده عشانك ورد الربيع زهَّر

حبيتك من أول نظرة
تعال اليوم مش بكرة
دَ حبك حقيقة مش فكرة
و عمره عشر سنين واكْتر

إلى أمى

يا نبع صافى من الحنان

يا حضن دافى كله امان

يا هدية غالية من الرحمن

يا اوفى قلب

واصدق حب

محتجالك يا امى تضمينى

فى حضنك وتحمينى

من غربتى وسنينى

تعبت يا امى من الغربة

ياما عشت فيها ايام صعبة

نفسى ارجع لحضنك واللمة

ياما تعبتى يا امى معايا

وشيلتى همى وشقايا

ولا عمرك قلتى كفايا

علمتينى اشيل المسؤلية

واحارب لاجل القضية

ولا يوم اقول انا مالى

انا ليه اشغل بالى

نفسى اكون وياكى فى عيدك

واهديكى الف بوسة وبوسة على خدك وايدك

وضاع الأمان

ديوان الشاعرة عبير عبد الودود محمد 1244530595

يا نبع صافى من الحنان

يا حضن دافى كله امان

يا هدية غالية من الرحمن

يا اوفى قلب

واصدق حب

محتجالك يا امى تضمينى

فى حضنك وتحمينى

من غربتى وسنينى

تعبت يا امى من الغربة

ياما عشت فيها ايام صعبة

نفسى ارجع لحضنك واللمة

ياما تعبتى يا امى معايا

وشيلتى همى وشقايا

ولا عمرك قلتى كفايا

علمتينى اشيل المسؤلية

واحارب لاجل القضية

ولا يوم اقول انا مالى

انا ليه اشغل بالى

نفسى اكون وياكى فى عيدك

واهديكى الف بوسة وبوسة على خدك وايدك

تضليل فى تضليل

وبقينا مش عارفين

مين مع مين

او مين ضد مين

وطريقنا مودينا لفين

اللى صرخوا وطالبوا بالتغيير

رجعوا تانى ...قالوا كنا غلطانين

اتفرقوا وبقوا حزبين

اخ بيضرب اخوه

من غير اخلاق ولا دين

بلد الامان

ضاع منها الامان ف غمضة عين

يا بلدنا يا بلد الاهرامات والنيل

بلد الازهر وحضارة الاف السنين

ولادك ...بيكى على فين رايحين

عليهم ليه هونتى

ولشعار التخريب رافعين

دمروكى ...حرقوكى

ولا هما فاهمين

انك مستهدفة ومطمع للطامعين

باديهم ادوا الفرصة لكل الحاقدين

بين الشعب يضربوا إسفين

ويرووا الارض بدم المصريين

حكومة وشعب لبعض متربصين

الحكومة لحق الشعب رافضين

والشعب لحريته بيحارب

ولو قلعوا عنيه لاتنين

يارب احفظ بلدنا انت خير الحافظين

وانصرنا على اعدائنا

اللهم يا ناصر المظلومين

أنثى حرة

دى الحقيقة مش مجرد كلام مسموع

مش كلام انا قلته ونسيته

انا انثى حرة متعرفش معنى الخضوع

دربك بكل اخلاص انا مشيته

هى كده الدنيا خادع ومخدوع

وانا فيك انخدعت وادى شمع حبك طفيته

انا عزيزة النفس وراسى دايما مرفوع

ولا تفتكر يوم انك بغدرك وطيته

ايدى اللى مسحت انا بيها الدموع

برجك العالى بيها انا بنيته

خلاص معادليش وياك رجوع

ولا تسال اسمك ليه انا محيته؟؟؟

» الشاعرة جليلة رضا .. عبير عبد القوى الأعلامى
» ديوان الشاعرة هيفاء السعد
» ديوان الشاعرة زينب القرقورى
» ديوان الشاعرة إيناس المرشدى
» ديوان الشاعرة وادى الدموع ..المملكة المغربية