العبارة فى الشيكارة

اليوم وقف المتظاهرين من انصار جماعة الاخوان وانصار حزب الحرية والعدالة

ربى اجعل كلامنا خفيف عليهم أمام المحكمة اللى كانت دستورية

يهتفون للريس مرسي ادينا الأشارة نجيبهملك فى شيكارة

ومن هنا تذكرت اعلان كان بييجى فى التلفزيون بتاع الراجل الفتوة ابو شنب

اللى كان بيقول العبارة فى الشيكارة وكنت دايما اسأل نفسى ياترى ايه هى العبارة؟

لحد ماعرفت النهاردة ان العبارة دى هى اعضاء المحكمة الدستورية .

ما هذه البلطجة التى يقوم بها هؤلاء البشر وكيف يسمح السيد الريس مرسى بهذا ؟

اعتقد انه سيكون هناك تعقيب على ما يحدث من الرياسة فيتم عمل اتصال تليفونى واحد

يجمع اصحاب الشيكارة بالصفارة للعودة الى قواعدهم لان ما يحدث امام الدستورية

منقول مباشر على الهواء لجميع دول العالم يعنى فضيحة بجلاجل ياناس

كفايا انقسام البلد بتضيع يا بديع اتقوا الله الدنيا مش دايمة على حالها النهاردة مرسي بكرة ام الخير

افيقوا يا مصريين قبل ما تبقى البلد كلها فى الشيكارة وساعتها لن ينفع الندم .

حماده قرني صلاح كتب:

يا اهلا بالباشا اللي مش باين ومش سائل في حماده حبيبه
والله ياباشا محدش عارف البلد ماشية علي فين ورايحة لمين
زهقنا بقي وعايزين الأمور تمشي أنا اتخنقت
ويكفيكم جميعا شر حماده لما يتخنق
ياكل بط علي طول
انتم الخسرانين
ههههههههههههههههههههههههههههههههههههههههاي

خى الحبيب
حمادة
ندعوا الله ان لاتذهب البلد الى مصير مجهول حتى لا نقع فى ما لا يحمد عقباه .
لك الله يامصر .
وان شاء الله الامور هتمشى ياهندسة عشان ما تتخنقش .
لانى عارف ان خنقتك مكلفة .
واحنا مش ناقصين مشاكل معاك .

أخى الحبيب حمادة
لك كل تقدير واحترام .

أستاذي الكبير مصطفي بك

نحن ما بين مطرقة الإخوان وسندان الفلول

كسرنا سيوفنا والتزمنا بيوتنا

بانتظار رحمة ربنا

أستاذي

يعود إلينا قلمك المغرد بهد وحشة تركها في صدورنا افتقدناه خلالها

فلا تطيل عنا الغياب فقد اعتادت النفس علي ملامسة احرفك التي تعبر عنها

.

اقتباس :

كسرنا سيوفنا والتزمنا بيوتنا

بانتظار رحمة ربنا

اخى الحبيب أكرم بك
ان كسرت سيوفنا فهناك أقوى من السيوف وهى اقلامنا الحرة التى لم ولن تنكسر تحت اى حصار فنقود بها مسيرة الامة ونطيح بها رؤوس الظلم والاستبداد .ولن نكون بين مطرقة هذا او سندان ذاك لأننا ابناء هذا الوطن نصنع المعجزات من اجل الحرية .

استاذنا الحبيب
سعدت بكلماتك الرقيقة
لك التحية والتقدير والأحترام .

كلام حضرتك يا أستاذ مصطفي زين وعلي الراس والعين لكن نقف مع من ضد من الوطن مشقوق نصفين والدعاء الآن مطلوب

الوضع خطير يا جماعه يارب انقذ مصر

وحشتنا يا أستاذ مصطفي أزاي حضرتك
والله سواء اللي حصل بالدستورية وبا قدام الإتحادية
واللي لسه هيحصل لما تختفي الطعمية
محدش عارف اللي ممكن يحصل بعد نص ساعة وفعلا ده مخطط أجنبي بس إن شاء الله مصر مش زي أي بلد وربنا هيحفظها

نوبي أصيل كتب:

كلام حضرتك يا أستاذ مصطفي زين وعلي الراس والعين لكن نقف مع من ضد من الوطن مشقوق نصفين والدعاء الآن مطلوب

أخى الفاضل النوبى الاصيل
لاحول ولا قوة الا بالله اقولها وليس عندى رد اخر
اللهم نجنا من شر انفسنا ونجنا من شر شياطين الأنس قبل شياطين الجن .
اشكرك استاذنا الفاضل لتواجدكم الكريم فى متصفحنا .
تحياتى .

كابتن أحمد منصور كتب:

وحشتنا يا أستاذ مصطفي أزاي حضرتك
والله سواء اللي حصل بالدستورية وبا قدام الإتحادية
واللي لسه هيحصل لما تختفي الطعمية
محدش عارف اللي ممكن يحصل بعد نص ساعة وفعلا ده مخطط أجنبي بس إن شاء الله مصر مش زي أي بلد وربنا هيحفظها

اخى الحبيب كابتن احمد
كيف حالك انت اللى واحشنا .
كما توقعت حضرتك قبل ما تختفى الطعمية حصل اللى حصل وقامت حرب ضروس امام المدعو قصر الاتحادية .
وتغيرت الخريطة الفسيولوجية للمواطن المصرى وشاهدنا ما شاهدناه على شاشات التلفزيون سقط شباب ما بين قتيل وجريح .
اللهم نجى مصر من المهالك .
تحياتى وتقديرى لحضرتكم .