إمرأه من الجنة

موضوع: إمرأه من الجنة 30/11/2008, 01:45

عاد الشيخ حسين من صلاة العشاء بعد ان صلى بالمصلين إماما فهو إمام المسجد الكبير

بالقريه وهو رجل فقيه علامه مشهود له بحسن الخلق ولفصاحة وحلاوة الصوت

فتح الباب فوجد زوجته جالسة

هو السلام عليكم

هى وعليكم السلام

هو انا جبت لكم العشا

هى ياما جاب الغراب لأمه

هو طيب قومى جهزى العشا وصلى على النبى

معا عليه افضل الصلاة والسلام

الشيخ حسين وزوجته وأولاده فرغوا من تناول العشاء

هو إعملى الشاى يا أم محمد

هى دايما (متصربع ) ما انت طول النهار بتشرب شاى فى شاى

هو إن كان ده يزعلك بلاش

هى بلاش ليه يا أخويا أنا بجيب حاجه من بيت أبويا

هو صحيح إزى أبوك وأمك وحشونى

هى هئ إشمعنى النهارده بتسأل عنهم

هو دول حبايبى والله ولهم عندى محبة كبيرة

هى أف طيب

هو أقوم أصلى ركعتين لله وبالمرة أدعيلك ربنا يخلي ويهديك

هى يهدينى ليه يا أخويا إنت شايفنى مجنونه وألا مجنونه (يا إخواتى شوفوا الراجل وكلامه )

الشيخ حسين صلى الركعتين ودخل غرفة نومه وجلس على السرير وجاءت أم محمد

هو يا أم محمد أنا عاوزك تعاملينى كويس زى ما أنا بعاملك ربنا يرضى عنك دا إنتى ست

صالحه وطيبة وأنا بعاملك بما يرضى الله

تعرفى يا أم محمد لو شفتى الناس بيحترمونى قد إيه فى الشارع والجامع

طيب أقول لك على حاجه تعرفى إن رئيس مجلس المدينه بيصلى ورايا وأحيانا البيه المحافظ

ولو تشوفيهم وهما بيسلموا على بعد الصلاه وهما عاملين لى إحترام جامد قوى

أقول لك حاجه ثانيه بقى تعالى يوم الجمعة الجايه وشوفينى وإسمعى الخطبة وبصى على الناس

وانتى تعرفى إن الجميع يحترم الشيخ حسين ( تيجى يا أم محمد تيجى )

هى بس كده أنا ها أروح وأشوف ومنه أشم شوية هواء

هو أيوه كده يا أم محمد يا عسل

هى عسل والا بصل نام بقى

يوم الجمعة يخرج الشيخ حسين فى أزى وأجمل ملابسه

وخرجت أم محمد خلفه وتوجهت ناحية المسجد

المسجد الكبير ممتلئ عن آخره وهناك مصلين بالشارع ويقف الشيخ على المنبر ويبدأ

الخطبة (عشره على عشره ) لم يخطئ فى جملة ولا فى حرف وفتح الله عليه فى هذه الجمعة

بالذات يتنهى من الخطبتين ويقام للصلاة ويصلى بالناس ( الله الله على صوته ) يتنهى من الصلاة

يحضر المصلين للسلام على الشيخ وعلى رأسهم رئيس المدينة ورجال الشرطة من المركز

ينصرف كل إلى حال سبيله وكانت أم محمد قد وصلت للمنزل قبل وصول البشيخ

يعود لداره مبتسما السلام عليكم

هى وعليكم السلام

هو هه شفتينى يا أم محمد

هى شفت الناس كلها قاعدين هاديين راسخين محترمين وانت الوحيد إللى واقف صوتك عالى

وعمال تهاتى وتنبح فى صوتك

موضوع: رد: إمرأه من الجنة 30/11/2008, 08:34

ههههههههههههههه ، حلوه اخى ( يسرى )
كان الله فى عونك يا شيخ حسين ،
وربنا يهديك يا ام محمد ههههههههههههههه عسل ولا بصل نام بقا !
الشيخ ده هايدخل الجنة ان شاء الله عشان خاطر ام محمد هههههههههه .
اخى الجميل احسنت فى طرحك الرائع ولكن !
اتقصد ان يكون العنوان (امراة من نار الدنيا ) . ام انا مخطه ؟ !
شكرا لك اخى

موضوع: رد: إمرأه من الجنة 30/11/2008, 20:52

موضوع: رد: إمرأه من الجنة 30/11/2008, 21:46

مش عارف ليه قلبي حاسس بإني أعرف الراجل ده

وخصوصا إنه بيشترك معاك في حرفين ( س ي )

موضوع: رد: إمرأه من الجنة 2/12/2008, 05:47

وكل عام وانت بكل الخير

موضوع: رد: إمرأه من الجنة 8/12/2008, 04:26

مصطفى المرغنى كتب:

ههههههههههههههه ، حلوه اخى ( يسرى )
كان الله فى عونك يا شيخ حسين ،
وربنا يهديك يا ام محمد ههههههههههههههه عسل ولا بصل نام بقا !
الشيخ ده هايدخل الجنة ان شاء الله عشان خاطر ام محمد هههههههههه .
اخى الجميل احسنت فى طرحك الرائع ولكن !
اتقصد ان يكون العنوان (امراة من نار الدنيا ) . ام انا مخطه ؟ !
شكرا لك اخى

اخى الحبيب الاستاذ مصطفى

اولا كل عام وانتم بخير بمناسبة عيد الاضحى المبارك

ثانيا عذرا للتأخر فى الرد بسبب النت واعطاله

ثالثا اشكرك لردك وتشريفى فى موضوعى

وانت ايها الأخ الكريم لم تخطئ فى العنوان ولكنى استحيت ان اكتبه ( إمرأه من نار )

وذلك إحتراما لمن معنا من الشقيقات الفاضلات

واكرر شكرى لسيادتكم

موضوع: رد: إمرأه من الجنة 8/12/2008, 04:32

رأفت الجندى كتب:

اخى الحبيب الاستاذ رأفت الجندى

كل عام وانتم بخير وشكرا لهديتك السمينه والعام القادم ترسل لنا جمل

موضوع: رد: إمرأه من الجنة 8/12/2008, 04:37

أكرم عبد القوي كتب:

[b]مش عارف ليه قلبي حاسس بإني أعرف الراجل ده

وخصوصا إنه بيشترك معاك في حرفين ( س ي )

كل عام وانتم بخير

اخى الحبيب الأستاذ أكرم عبد القوى

يمكن يكون إحساسك فى محله فبشرنا بالجنة

ولو إن إسمى ليس فيه (س ) ولا ( ى )

على كل حال انت اسعدتنى اليوم بدخولك للموضوع والرد عليه

لا حرمنا الله من تواصلكم
[/b]

موضوع: رد: إمرأه من الجنة 8/12/2008, 04:39

الوتر الحزين كتب:

وكل عام وانت بكل الخير

سيادة النائب شرفتى والله وشكرا لك وكل عام وانتم والاسرة الكريمة بخير

موضوع: رد: إمرأه من الجنة 8/12/2008, 14:46

أؤكد لك يا عبقري منتدي أنني اسمتتعت معك جدا
ويكفي انني أقرأ هنا لأدباء كاتبين انتاجهم بأنفسهم حس وذوق ومعني وليس نقل عمال علي بطال
كل سنة وانت طيب

» عزم إمرأه
» تربية إمرأه ..
» الجنة ؛ أتدرون ما الجنة ؟ .
» كل أنثى امرأة و لكن ليس كل إمرأه أنثى...فهل أنتِ ا
» في وصف الجنة