نشرة أخبار نسائية تهم الرجال لعام 4000 م

السيدات والسيدات
العواف عليكن أقدم لكن نشرة أخبار الساعة التاسعة بتوقيت مدينة القاهرة من أذاعة
ميت كفر حلاوة حيث قامت السيدة جملات مرسى
فتح الباب رئيسة الجمهورية بأختيار رئيسة وزراء مصر القادمة وهى الدكتورة فتحية
البلتاجى والتى اختارت بدورها الوزراء الأتى اسمائهن بعد : السيدة نوال البرنس
وزيرة للخارجية و والفريق أول منى عبد الحفيظ الطنطاوى
وزيرة للدفاع واللواء سميرة أبراهيم وزيرة للداخلية والدكتورة ماريان فلتس وزيرة للصحة
والسيدة أمانى فرج غالى وزيرة للمالية والسيدة جميلة برغل وزيرة للتربية والتعليم والسيدة فاطمة أبو بركة
وزيرة للعدل كما امرت سيادة رئيسة الجمهورية بتعيين السيدة حميدة فهمى كرئيسة
للمجلس القومى لحقوق الرجل كما امرت سيادتها السيدة وفاء الكتتاتنى رئيسة مجلس
الشعب بضرورة أفتكاس قانون لحماية هذا
المخلوق من الأنقراض قاصدة بذلك (الرجل )طبعا حيث ان العنصر الرجالى أصبح يمثل
حوالى 1 % تقريبا من اجمالى تعداد السكان مما يؤدى الى قيام الدولة بأستيراد
الرجال من الخارج لمحاولة سد العجز الموجود حاليا وتغطية الأحتياج المحلى منه لذا
فقد دعمت السيدة رئيسة الوزراء المجلس القومى لحقوق الرجل بمبلغ 400 مليار جنيه
مصرى فى محاولة الحفاظ على السلالة والنوع حيث اثبتت الدراسات والتجارب ان الرجل
المستورد يكلف الدولة الكثير من الأموال مقارنة بالرجل المصرى الغلبان الذى يرضى
بقليله .


وقد اعتمدت دكتورة
كتاتنى قانون حماية الرجل المعيل بسبب الأعتداء المتواصل من بعض الزوجات على
رجالها المساكين مما أدى الى اشتعال المظاهرات الرجالية مرة أخرى فى ميدان أسماء
فهمى بمصر الجديدة ومعنا مراسلتنا من الميدان سامية عبد الجابر : سامية ايه الوضع
عندك ؟ والله الوضع خطير للغاية والرجالة هنا حوالى 250 راجل وبيزيدوا وبيهتفوا ضد
حكم النسوة وبيقولوا يسقط يسقط حكم النسوة وطبعا ده بعينهم عشان يبقى يعملوا فيها
رجالة ويحكمونا زى الأول كذلك فيه بعض الرجال بيطلبوا المساواة فقط عايزين يشقلبوا
الكون عموما انا معايا راجل هنا .. أسمك ايه ؟ انا اسمى سعاد . طيب انت جاى تعمل
ايه ياأستاذ سعاد ؟ والله انا جاى انادى
بالمساواة وربنا يخلصنا منكم ونرجع فى حرية تانى زى زمان انتو استعبدتونا يا شيخة
احنا خلاص قربنا نطلع من هدومنا لولاش الكسوف والخشى . طب بدون انفعال ايه اللى
منكد عليك حياتك ؟ انا كل يوم الهانم مراتى ترجع من الشغل تلاقينى لسة مخلصتش
الغدا اعمل ايه اشوف العيال وطلباتهم ولا اشوف الغسيل ولاايه بالضبط ودكهى النهار
جت من الشغل مبوزة لسة باسألها انت مالك لقيت البوكس فى عينى على طول وأديكى شايفة
عينى عاملة ازاى يعنى ده كلام يرضى ربنا حرام عليكوا وانا بأطلب من معالى رئيسة
المجلس القومى لحقوق الرجل تشوف ليها حل لحمايتنا من هذا البطش . شكرا مراسلتنا
سامية عبد الجبار من ميدان اسماء فهمى بمصر الجديدة . هذا وقد قامت وزارة الصحة
بتجهيز 3 سيارة اسعاف ودفعها للميدان تحسبا لاي حالات اصابة بين الرجال المساكين .


وفى خبر عاجل قامت
قوات الجيش النسائى المصرى بالتعاون مع عناصر من الشرطة النسائية باحباط محاولة
تهريب 1200رجل من الحدود الجنوبية وتم مصادرة المضبوطات استعدادا لاحراقها او
استخدامها فى اعمال السخرة لحفر قناة تربط بين النيل ومنخفض القطارة لتحقيق الحلم
المصرى القديم فى توصيل ماء النيل الى الصحراء الغربية وتوليد الكهرباء من منخفض
القطارة وهذا ما فشل فيه اجدادنا القدامى من الرجال .


هذا وقد قامت السيدة وزيرة
الدفاع بالاعلان عن قبول دفعة جديدة من الرجال للقيام بأعمال السكرتارية والعمل فى
مجال التمريض .


قامت السيدة رئيسة
الجمهورية اليوم بأستقبال السيدة مارلين كينث رئيسة أمريكا وتم الأتفاق على صفقة
لبان ومصاصات وشيكولاتة من الصناعات المصرية المتطورة مقابل صفقة من الطائرات الامريكية
الحديثة .


تم عمل اتفاقية اليوم
بين الوفد المصرى الذى يزور حاليا القدس التى أصبحت للاسف عاصمة لاسرائيل علي يد الحريم
العرب وكانت تفاصيل الاتفاقية هى اعارة اهرامات الجيزة لمدة 10 سنوات لاسرائيل
مقابل 100 مليار جنيه وهذا ما اثر حفيظة بعض نساء الاعمال مثل سيدة الاعمال خديجة
ابراهيم الشاطر وحفيظة ابو العينين اللاتى اردن اعارتها بمبلغ اكبر لايران او قطر
.


اخبار الرياضة : فازت
اليوم فرقة ميت كفر حلاوة على فرقة ام بيومى بهدفين للا شئ احرز الهدفين اللاعبة
سمية تريكة وبذلك فاز فريق ميت كفر حلاوة ببطولة الدوري العام .


والى هنا سيداتى
سيداتى تنتهى نشرة الاخبار والى نشرات اخرى القاكم على خير ان شاء الله .





ملحوظة :
هذه النشرة كده وكده لغرض الترويح فقط لكن الرجالة رجالة عشان الزوجات المحترمات
ماتسوقش فيها ولهن تحياتى , وجميع الاسماء الواردة بالنشرة من خيالى وليس لها وجود
.

أنا ماليش دعوة
الستات أحسن حاجة واللي ييجي عليهم يبقي بطل هههههه

كابتن أحمد منصور كتب:

أنا ماليش دعوة
الستات أحسن حاجة واللي ييجي عليهم يبقي بطل هههههه

طب خليك معايا وما تخافش هى موتة ولا اكتر .شكرا اخى الكرىم احمد بك على مرورك الكريم .

اقتباس :

هنجيب حقكم

الاخت الفاضلة ولاء أهم حاجة فى الموضوع ده كله تجيبوا حقنا وتنسوا الايام اللى فاتت لأننا غلابة وبعدين النشرة دى كده وكده والله لك تحياتى وشكرى على مرورك الكريم ودمت بخير .

اكرم باشا اللى انت ماتعرفوش انهم اشتاتا اشتوت مفيش حاجة بتأثر معاهم عشان كده لازم يكون فيه تخطيط محكم دلوقت الست الغاضبة من جوزها بتروح ديوان المظالم يعنى هنخبط فى الحيطة لا محالة . دمت لنا مشجعا . اشكركم على المرور العطر .

لي عوده ياباشا

شوف حضرتك
تروحو ديوان المظالم ترحوا الأمم المتحده تروحو لعمو حولان مفيش فايده
الست مجرد مابتبكي علي طول الحق بيبقي معاها

بارك الله فيك