نشرة أخبار قصيرة جدا

السيدات والسادة نذيع عليكم نشرة الاخبار الساعة التاسعة اليوم الخميس الموافق 21\6\2012 من قناة الحرافيش نبدأها بميدان التحرير حيث تجمع حشد غفير من أنصار السيد مرسى دفاعا عن الكرسي وقف المتظاهرون يهتفون ضد المجلس العسكرى ومعنا من الميدان مراسلنا اشرف الغضبان .
أشرف ما هى الاحوال ؟
الأحوال تمام وعال العال .
ممكن تسال حد من الجماهير بيعمل ايه فى الميدان ؟
تمام يا استاذة سوزان معايا الأستاذ اسمك ايه ؟
انا اسمى سيد البيه من الفيوم وجاى هنا عشان اهتف واقول يسقط يسقط بياع السكر .
بس ياسيد بيه الناس هنا بتقول يسقط يسقط حكم العسكر .
ياعم انا مالى ومال أم العسكر انا صاحب قهوة وكنت باشترى كيلو السكر قبل المدعوقة اللى اسمها الثورة دى بثلاثة جنيه ونصف جملة دلوقتي بسبعة جنيه ومش لاقيه يبقى ايه يسقط يسقط بياع السكر ورزقى على الله .
استاذاشرف انت سامعنى معاك سوزان اسأل حد تانى .
معايا حضرتك اسمك ايه وبتشتغل ايه ؟
نعم .
بقول حضرتك اسمك ايه وبتشتغل ايه ؟
مين .
انت انت .
انا .
اه اتفضل .
كتر خيرك يا باشا .
انا حسن ..حسن بلف وصنايعى كاوتش وبشتغل فى ورشه فى المنيرة .
طب ياحسن انت جاى الميدان تعمل ايه ؟
مين اللى جاى يا باشا ؟
ركز معايا يا ابو على ما تزهقشى امى معاك يا ساتر اوف.
منا معاك اهو ياريس بس مش عارف ليه انت مش واقف على بعضك كده خيلتنى يا اخى .
حقك على يا ابو على . شكلها كده هاقدم استقالتى من القرف اللى انا فيه ده .
فيه واحد شكله محترم اسم حضرتك ايه ؟
انا اسمى فاروق الاول يا اكسلانس .
أهلا ده طلع من الفلول القدامى حاجة تمخول .
طب يا استاذ فاروق انت جاى هنا تعمل ايه ؟
والله انا جاى أقابل كاظم بك .
نعم يا خويا هو انا ناقصك مين كاظم بك ده.
ده يبقى ناظر الحقانية .
بالصلاة على النبي بقى الموضوع كدة .
أيوة .
ياستاذة سوزان الحقينى انا حانط فى النيل وانا استاهل ضرب الجزمه وابويا ما ربنيش انى اشتغلت فى المحطه دى أأأأأأأأأأأأأه.
والى هنا سيداتى انساتى تنتهى نشرة الاخباروالمخرج جتله نقطه وعلى النعمه لنجيب درفها . (صاحب القناة )
مع الاعتذار لرواد الميدان ليل نهار .




[center]

مهما تنكر فأنت أديب وأديب درجة أولي ممتازة
سيناريو أجبرني علي احترامه

أستاذنا الكبير مصطفي باشا عبد العاطي
أؤيدما قاله أخي كلنا لها
وأزيد علي ذلك
أنك بقلم الساخر الذي لا يخلو من دهاء بينت لنا أنهناك الكثير ممن يقفون ( هناك ) لا ليهم في الثور ولا في الطحين

ومعك كل الحق
فبعضهم ذاهب لقضاء الويك إند
وبعضهم لعله ينال قطعة من التورتة السياسية
وبعضهم ذهب لأخذ بعض الصورالتذكارية
.................. وهكذا

دمت متفجر القلم وقاد القريحة

كلنا لها كتب:

مهما تنكر فأنت أديب وأديب درجة أولي ممتازة
سيناريو أجبرني علي احترامه

الأخ الحبيب كلنا لها الدرجة الأولى الممتازة غالية علينا أشكركم على المديح والشعور الطيب .

المحترم استاذنا الفاضل أكرم باشا انه لشرف لى ان أكون من اعضاء منتداكم الجميل فقد وجدت أخوة افاضل يحتضنون ما أكتبه وما يكتبه الجميع لكم تحياتى واشكركم على الرسالة الرقيقة .

الاخ الحبيب حمادة انت شاب ذكى ولماح وافهم انت دى حاجة الحاجة الثانية ما تخافش من حد وتعالى اشيلك على راسى من فوق انت واهل الفيوم كلهم .تحياتى لكم .

اقتباس :

انا اسمى سيد البيه من الفيوم وجاى هنا عشان اهتف واقول يسقط يسقط بياع السكر

ههههههههههه
ده حضرتك ياأستاذنا شردت الفيومية على الآخر
قلمك رشيق يتميز بالتركيز ومتابعة الأحداث بشكل خفبف الظل
سلمت يمناك وننتظر جديدك بشوق

محمد الأزهرى كتب:

اقتباس :

انا اسمى سيد البيه من الفيوم وجاى هنا عشان اهتف واقول يسقط يسقط بياع السكر

ههههههههههه
ده حضرتك ياأستاذنا شردت الفيومية على الآخر
قلمك رشيق يتميز بالتركيز ومتابعة الأحداث بشكل خفبف الظل
سلمت يمناك وننتظر جديدك بشوق

محمد بك الفيوم وأهلها على راسنا من فوق لأنى باحبهم والله وأشكركم جزيلا على الثناء علينا لكم تحياتنا وبوركت اخى