تعالوا اسمعوا مني عتابي

تعالوا اسمعوا مني عتابي

أساتذتي الأفاضل : اليوم الجمعة جلست مع نفسي فإذا بي أكتب هذه لخاطرة البسيطة والتي تعبر عما يجول بنفسي من عتاب لنفسي أولا ثم للأقربن فالأقربين وأنتم بالطبع من الأقربين .. وأتمنى أن تنال إعجابكم .
مع خالص شكري وتقديري ..


يا نفسي يا أهلي يا أحبابي ... تعالوا اسمعوا مني عتابي

أعاتبكم أنا من دلوقتي ... من قبل ماييجي يوم حسابي

من نعم الله خدنا كتير ... من غير حساب ولا تدبير

لاغني منا ولا فقير ... إلا وخد منها كتير

من غير قناعة ولا تفكير ... ولا شكر لعلي قدير

طمع وحقد مرير ... وعدم رضا بالتقدير

فقير بيحقد ويغير ... وغني من طمعه فقير

دي نعم ربنا ما لها حدود ... لكن الإنسان منا جحود

يا خد وينكر ويحود ... على الحق من غير مجهود

إمتى يا إنسان تحمد ربك ... مش بالكلام لأ من قلبك

ده الرزق دايما على قدك ... لكن الرضا بس معاندك

لو ترضى ها يكون يوم سعدك ... وده وحده كنز ومين قدك

ليه تبص فوق مش على قدك ... وتحط إيدك على خدك

إسعى وارفع من قدرك ... والله يعينك ويساندك

أستاذي محمد
كلمات في منتهي العمق والجمال وفن يحثنا علي الفضائل ويعليمن قيمتنا
شكرا لحضرتك

اقتباس :

فقير بيحقد ويغير ... وغني من طمعه فقير

معني جميل لا الفقير راضي ولا الغني راضي
تسلم مشرفنا علي هكذا شعر

اقتباس :

إمتى يا إنسان تحمد ربك ... مش بالكلام لأ من قلبك

ده الرزق دايما على قدك ... لكن الرضا بس معاندك

لو ترضى ها يكون يوم سعدك ... وده وحده كنز ومين قدك

الله عليك استاذ محمد
مش هقولك غير
تسلم ايدك

واقول
الحمدلله على ما انعمت علينا


اشكـــــــــــــرك

الأخ والأستاذ الفاضل : كابتن أحمد منصور

جزاك الله خيرا وشكرا لمرورك الكريم

وسعدت بتعليقك فبارك الله فيك

الأخ والأستاذ الفاضل : سعادة السفير

مرورك الطيب أسعدني

جزاك الله خيرا وبارك الله فيك

الأخت والأستاذة الفاضلة : لينا

الشاعرة لينا تعجبها خاطرتي

ياله من شرف لمخيلتي

شكرا لمرورك الكريم وجزاكي الله خيرا

ما أجمل العتاب لو كان هكذا
سلمت يا استاذ محمد