مصر يا غالية رايحة لفين

مصر يا غالية رايحة لفين
أساتذتي الأفاضل : بحمد الله تعالى إنتهيت من تأليف خاطرة جديدة عن أحوالنا في مصر
وأتمنى أن تنال إستحسانكم .
ونسألكم الدعاء لمصر بأن يحفظها ويحفظ جميع بلاد المسلمين .. آمين

مصر يا غالية رايحة لفين

بشوف أحوالك وانا حزين

أهلك ناسك مش صابرين

لإعتصاماتهم الفئوية مش ناسيين

حتى شبابك المثقفين

في التحرير والعباسية منقسمين

والبلطجية والحرامية منتشرين

مش سايبين حد في حاله دول فاسدين

وفي شوارعنا كل ما نخرج مش آمنين

حتى ولادنا وفي مدارسهم دول خايفين

فين الأمن وفين الشرطة يا حكومة فين

من غير أمن ومن غير شرطة مش راضيين

وفي شوارعنا غاب مرورنا دول راحوا فين

حتى ان وجدوا يبقى وجودهم شكله مهين

عربيات تلاقيها واقفة على الصفين

والعسكري واقف يتفرج ولا سائلين

والأرض الزراعية الخصبة راحت فين

جاروا عليها ومش سايبين

نقصت جدا واحنا لسه مش حاسين

إن الأرض لما بتنقص أمر مشين

والتموين كنا عليه معتمدين

رز وسكر ويا الزيت مكتملين

أصبح كل ما نيجي نصرف ييجوا ناقصين

مرة الرز ومرة الزيت ونروح فين

والأسعار دايما في الطالع مش نازلين

والتجار كتر خيرهم مش حاسين

فرصة وجاتهم مش سايبينها ولا خايفين

مش لاقيين حد يحاسب دول ظالمين

ليه يا بلدي عايزين نهدى مش قادرين

كل ما تخلص فيكي أزمة تيجي اثنين

احتجاجات ومظاهرات مش نافعين

نعمل إيه يا مصر يا غالية مش عارفين

بس يا بلدي خلاص عرفنا الحل فين

ندعي يا رب يا رب يا خير معين

احفظ بلدي واحميها من الشياطين

ناس شياطين مش بني آدمين دول خاينين

خانوا بلدهم خانوا الدين

انت عليهم إخسف بيهم مش آسفين

واهدي ولاة الأمر علينا المجتهدين

هما سبيلنا وانت أملنا ليوم الدين

واحنا علينا نعمل بقى مش معتصمين

لازم كل شريف يتحرك ويبقى رزين

عقلنا بقى لازم يتحرك مش واقفين

نبني بلدنا نحمي ولادنا نحمي الدين

ياله يا مصري أنصر بلدك ده انت مدين

أيوه مدين لبلدك ياله إوفي الدين

بكره بلدنا بإذن ربي ها توصل فين

الله أعلم بس إحنا مش يا ئسين

بعد دعائنا ومعاه عملنا مكتملين

بكره يا بلدي نعيش معاكي أحلى سنين

والله كلامك حلو زين


زي العنبر والرياحين


أستاذي محمد بك رمضان

جال قلمك وصال بين همومنا وآلامنا بحس المتعايش ومهارة الأديب

ارفع لك القبعة ( ولو ان الدنيا برد ) احتراما لما خطه قلمك الفاهم


.

أستاذنا الفاضل : أكرم بك عبد القوي
عنبر ورياحين مرة واحدة
إيه الروائح الجميلة دي يا كابتن
بارك الله فيك ولا حرمنا تعليقاتك الجميلة
وما أنا سوى مواطن مصري بسيط حاول أن يعبر عما يجول بخاطره
ولم أصل لهذه الدرجة الرفيعة التي ذكرتها ( أديب )
وجزاك الله خيرا .. ولي عظيم الشرف تفضلك بقراءة خواطري وإبداء رأيك فيها

يجب علي كل الأقلام ألا تيأس وأن تصحح الحال كما تفعل
أستاذ محمد أكيد كتبتها باحساسك لانها وصلت للقلب بسرعه

جميل أن يفاعل الفكر والقلم مع الأحداث ويشارك مجتمعه أحلامه وآلامه
شكرا

والعسكري واقف يتفرج ولا سائلين


لأن الضباط خايفين يبقي العساكر اييييييييييييييييه

مرتعشين

سلم قلمك وصح بدنك

الأخت والأستاذة الفاضلة : رانيا نور الدين

بصراحة يا أستاذة رانيا .. أنا مش عارف أقولك إيه

أنا حاسس إني بتعامل مع أختي الصغيرة ( الصغيرة سننا والكبيرة علما وخلقا )

وبصراحة ببقى سعيد قوي بتعليقاتك العفوية والتلقائية واللي ما فيهاش تكلف

لا حرمنا الله من مواضيعك وتعليقاتك الجميلة والتي تشع البهجة والثقافة على المنتدى

وأما عن مصر فلا تقلقي عليها فكما قلت سابقا فإن الله حافظها بمشيئته سبحانه وتعالى

وبارك الله لنا فيكي