ديوان المسحراتى .. الشاعر أبو العلاء أحمد حرز

ديوان المسحراتى

أخوتى وأخواتى الأعزاء

هنا موعدنا مع أعذب الكلمات

ومعا سنستمتع بارق العبارات

مع الشاعر الأديب الأستاذ أبو العلاء حرز

فى سلسله من القصائد الشعرية العامية

تحت عنوان المسحراتى

فبما ان الشعر ديوان العرب وسجل لتاريخه

فتلك القصائد تعد تأريخا وتدوينا يسطره قلم شاعرنا الكبير ليرويه عنه التاريخ

متخذا من المسحراتى لفؤاد حداد نهجا انتهجه ليبنى عليه قصائده

جاعلا المقدمة والنهايه لتكون مقدمة لأبياته ونهاية لها

وتلك التجربة ليست بالمستغربه فقد سبقه إلى ذلك كبار الشعراء

على سبيل المثال برده للإمام البصيرى.. اتى على نهجها امير الشعراء

بقصيدته نهج البرده وتلاهما شاعر ينظم قصيدة نهج نهج البرده

أساتذتى لن اطل عليكم الحديث

لنستمتع سويا بعمق المعانى وجمال الكلمات

المسحراتى

بقلم الشاعر الأديب الأستاذ أبو العلاء أحمد حرز

مسحراتى 25 يناير

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
امشى يوماتى
وافضل أنادى
على جدودى
راسمين حدودى
وحافظين سدودى
من قبل خوفو
ومن عهد مينا
لاعمرة باعها
ولا اشترينا
ولااغتصبها
ولاعادينا
.
من ارض تونس
طلعت شرارة
شالها حمامى
كانت اشارة
مسكت فى جسمى
علت فى حسى
شعشع لى رسمى
بقت آمارة

ياعم لطفى
وياست سارة
نادى لمرسى
ومعاة سمارة
نرفع علمنا
يرجع منارة

خلاص ولادنا
سكوا المغارة
وهايبنوا فوقها
مليون عمارة

دى السرقة ماشية
والماشية واقفة
مع وقف حالى
تاه السؤال

والمشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

...........................

أبو العلاء أحمد حرز

اليوم الاول من رمضان
الموافق 1/9/1432 هجرية

مسحراتى 25 يناير

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

ياعم ياللى
فارد دراعك
والدنيا حوسه
اطوى قلاعك
خلينى جنبك
أمسك صباعك
وبة اشاور
على جياعك
دة الكرسى عالى
كلة فى متاعك
عمال أطاطى
أصلك فى واطى
الاسم ريس
ومعاك زعامة
والكل هيس
قلب الندامة
الخلق نايمة
جنب حيطانك
مش لاقية شغلة
رد فى سلامك
يأبو قلب قاسى
خليك حنين
على الغلابة
وبلاش تكلهم
زى الديابة
اسمك مبارك
مين اللى جابك
واية اللى صابك
احكيلى قولى

ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

........................

أبو العلاء حرز

اليوم الثانى من رمضان
الموافق الثلاثاء 2/9/1432

مسحراتى 25 يناير

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
مصوراتى
فى البوم حياتى
فتحت صورتى
لقيتها سودة

وحلفت أنى
آخذ بتارى
والا لانة
عامل كأنة
رجع لى عكا
والقدس صارت
فى أيدة مكة

فاكرنى هانسى
سراديب مظالم
ودماء شبابى
وقصور بناها
على مصابى
عليت وكبرت
على ترابى

ياعم أصحى
النوم قليل
خلينى آآئيل
ساعة العصارى

دة الحزن ميل
على بيبانى
وعلى شطوطى
قطع لى صوتى
وقالـى توهى

يانفس دورى
فى مراجيح حياتك
شقلبت راسك
وشربت كاسك

شوفى اللى داسك
ومين اللى باسك
على أم راسك
علشان متنسى
فى يوم حماسك

ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه

أبو العلاء حرز

الثالث من من رمضان 1432
الثالث من اغسطس 2011

مسحراتى 25 يناير

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
على طبلتى
فى البلاد جوال
من مصر أم الدنيا
وتونس الخضرا
حتى بلاد الشام

دايما أهاتى
قوم يازناتى
لم الصبايا
ولم العيال

ياعم ريشة
يابو دريشة
افتحها حبة
يدخل هوانا
تسمع كلامنا
وكلام منال

خلينا نخرج
نعمل مظاهرة
نرفع علمنا
نكتب مقال

ياعم جودة
صحى لى حودة
وقول لبلبل
ينادى عيشة
والست مريم
تندة جلال

انا كنت خالى
وكتير بادارى
بس النهاردة
حاسس بحالى
كأنى ميت
دفنوا العيال

دى اللقمة دقه
والعيشه مره
سرقوا سريرى
سرقوا الحلال

والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي
في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

أبو العلاء حرز

الرابع من رمضان 1432
الرابع من اغسطس 2011

مسحراتى 25 يناير

أصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
مظبطاطى
ظابط ألآتى
على وجودى
ظبطت عودى
على جروحى
نادانى نوحى
يانفس بوحى
احرق فى ذاتى
زى الآلاتى
انادى وأهاتى
أصحى فى الغفلان
ياعم مصرى
قوم شوف حقوقك
من قبل موتك
وأرفع فى صوتك
من قبل سجنك
دة ريسك سجان
ركب حمارى
وخد منى دارى
لا فى يوم سألنى
ولا حتى زارنى
ولا دق بابى
جفت دموعى
ضاعوا صحابى
ضعفت سواعدى
ومشيت اخبط
وأطق بابـى
بختى يطقطق
وجع فى راسى
قل حماسى
ومش اختصاصى
أنى أسير حيران

ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي
في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي
حته من موال
اصحى يانايم
وحد الدايم

السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

.........................

أبو العلاء حرز

5 رمضان 1432
5 /8/2011

مسحراتى 25 يناير

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
و مغنواتى
سيكا وبياتى
افضل اهاتى
أصحى فى النعسان

ياعم لطفى
لناره طـفى
دنا هامشى حافى
واترك لة خفى
واطلع على الميدان

اية بس حاصل
وفى قلبى واصل
نشوف شبابنا
ونمسح عزابنا
نسمع كلامهم
ونسبح الرحمن
ياحلو ياللى
على قلبى ماللى
حاسس بنبضى
عايش بغلبى
حاضن فى حزنى
ماشى كما السكران
من قهر حكمة
ومن قبل عهدة
ماشفنا غيرهم
ركبوا السفينة
شربوا ابارنا
وسكنوا مارينا
وحطوا أيدهم
على كل جيرة
جاب العصابة
جنب الغلابة
تاكل وتنهش
ما احنا فى غابة
اسمعنى يالا
وقوم تعالا
نام عند صابر
وأم بهانة
وحس بيهم
يومين تلاتة
وشوف غرامهم
وكمان منامهم
ومين اللى فيهم
نايم جعان

ناس كانوا قبلى قالوا في الامثال
الرجل تدب مطرح ماتحب
وانا صنعتي مسحراتي
في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي
حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

أبو العلاء حرز

السادس من رمضان 1432
السادس من اغسطس 2011

مسحراتى الثورة

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى منقراتى
بقلمى و دواتى
عمال أدقدق
افتح يادقدق
ياعم حمزة
قول للتلامذة
واشرح لماذا
الف وهمزة
شربت دموعنا
من يوم رجوعنا
لا زرعنا سينا
ولا عادينا اللى يعادينا
تقلشى غازى
والناس غوازى
ولابد ننرقص
بصوان تعازى
ويقول كفاية
رجعنا سينا
عاجز عكازى
فى طريق يوازى
وخلق ماشية
تتعكز على رجلى
دنا أيدى سايبه
والصحة غايبة
كبرت فى راسى
أصاحب بساسى
مسى التماسى
ياللى حرمنى
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كماالعاشق ليالي طوال
وكل شبر وحته من بلدي
حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى

....................

أبو العلاء حرز

السابع من رمضان 1432
السابع من اغسطس 2011

مسحراتى 25 يناير

العامل

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
مسحراتى منقراتى
شغال اقطع
فى عروق حياتى
وانادى على الغلبان
سنين طويلة
عمال اقطع
فى حديد مقطع
قطع نهارى
قطع لى عمرى
أعمل كبارى
واحفر مجارى
لاجل بلدنا
تعلا وتطلع
مالقتش فايدة
ولافايدة عايدة
على الغلابة
كلة مبرطع
باعوا المصانع
وقفلوا الجوامع
ياسيدى صانع
خليك فى بيتكم
بأمر حاكم
مافيش محاكم
مين يبقى حاكم
يحكم ويقطع
قرارة طابع
على خدودى
وحبلة واصل
قافل حدودى
كبير ومانع
وفى رزقى طامع
والكل سامع
ولا حد قال لى
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم

...........................

أبوالعلاء حرز

الثامن من رمضان 1432
الثامن من اغسطس 2011

» ديوان الشاعر ابن سينا
» ديوان الشاعر أبو العلاء حرز
» ديوان الشاعر يسرى الأرنب
» ديوان الشاعر ناصر صلاح
» ديوان الشاعر محمد عبد القوى حسن