اللي تمنيته

موضوع: اللي تمنيته 4/5/2011, 17:03

اللي تمنيته

اللي تمنيته معاك
شاركته بدموعي وياك
فرحة وحب وشوق
وخوف من الأشواق
وحب عايزه يدوم
ومايفطر قلبي يوم
ولا يجريني وراه
تمنيته حب نظيف
مايقبلش التزوير
ولايظلم حد معاه
إزاي أقدر اليوم
أبعد عنك اللوم
اللي بيحاصرني ويتحداك
رسومك فاضلة بقلبي
وبتسأل عليك من بدري
ولو غبت يوم وبعدت
وجيت ياقلبي تعبت
حتلقاني دوم برعاك
لقيت عمري بيعدي
وأشواقي رافضة تهدي
وزي المفتون الولهان
لقيتني دوم حيران
إزاي ح أعيش من دونك
بعد كل اللي عانيته
وروحي بدونك ترتاح
جاي اليوم تعاتبني
زعلان وبتخانقني
علي إيه والله ماأعرفش
ولا عايز أعرف كمان
أخر عهدي بيك
كانت عيوني بداريك
وتحفظ عهدك وتقول
ياحبي أنا شاريك
ياحبي أنا شاريك
ابن سينا.

موضوع: رد: اللي تمنيته 4/5/2011, 17:43

حتلقاني دوم برعاك
لقيت عمري بيعدي
وأشواقي رافضة تهدي
وزي المفتون الولهان
لقيتني دوم حيران

سلامة عمرك يابعد عمرى . ويبعد عنك الحيرة .
جميل ماسطرت أناملك ..تقبل تحياتى ومرورى

موضوع: رد: اللي تمنيته 5/5/2011, 08:18

الشاعر ابن سينا
احسنت بكل لغات العالم
سلمت يداك

موضوع: رد: اللي تمنيته 5/5/2011, 10:21

كابتن محمد عبدالرؤوف -
شكرا علي مرورك الكريم ويسعدني دوما تواجدك في متصفحي.

أخوك - ابن سينا.

موضوع: رد: اللي تمنيته 5/5/2011, 10:33

أمسك عندك غلطة أنت رديت علي الكابتن محمد وطنشت أستاذي أبو العلاء
ودي فيها محاكمة عسكرية شعرية وانا حاكمتك خلاص وحكمت عليك بعشرين بيت مدح في العبد لله
بس ايه الشعر الرهيب ده يارهيب
تصدق بقي يادكتور إني اتكسفت من نفسي وقلت حتي أخواتنا الاشقاء بيكتبو بالمصري وأنا مش عارف
اكتب كلمتين علي بعض بالأفركانوا
هو فيه لغة اسمها افريكانو اساسا
رهيب يارهيب

موضوع: رد: اللي تمنيته 5/5/2011, 11:37

أستاذى الشاعر الطبيب ابن سينا

أبياتك غاية فى الروعة وغاية فى الجمال

لا حرمنا الله ابداعك

صح لسانك

ودمت متألقا فى سماء الابداع

موضوع: رد: اللي تمنيته 5/5/2011, 16:25

استاذنا ابن سينا
سلمت يداك
تقبل مرورى

موضوع: رد: اللي تمنيته 5/5/2011, 19:28

الأستاذ المستشار الأدبي والشاعر أبو العلا حرز -
شكرا لمرورك الكريم وأسعدني تواجدك العذب في متصفحي
وسلامة عمرك وتعيش وكلك ذوق,تقبل خالص تحيتي وودي.

أخوك - ابن سينا.

موضوع: رد: اللي تمنيته 5/5/2011, 19:30

الأخ حماده -
شكرا علي مرورك الكريم وأسعدني تواجدك في متصفحي فلك كل الشكر.

أخوك - ابن سينا.

موضوع: رد: اللي تمنيته 5/5/2011, 19:33

الأخت عبير عبدالقوي -
تسعدني دوما إطلالتك الكريمة علي متصفحي وإطراءك العذب الذي تنثريه هنا,تقبلي تحيتي وودي.

أخوك - ابن سينا.

» نفس اللي حصل لي
» اللي اتجوزوا
» اللي بيكرهوك
» كيف تحرق دم اللي سرق جوالك؟؟
» اللي يبص لي بعين أبص له بعشره