أمثال شعبية ليبية

موضوع: أمثال شعبية ليبية 23/10/2009, 13:21

جبتلكم بعض الامثال الشعبية ان شاء الله تعجبكم
يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .

* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .

* مدام ولدي حي يا سعدودي .. نوار قبرعون فوق خدودي .

* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .

* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .

* كل شئ دواه الصبر ، إلا قلّت الصبر ماليهاش دواء .

* اللي ضرباته أمه راحت فيه .

* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .

* كل شئ تلقاه في السوق ، كان أمك وبوك .

* اللي يحب روحه ، يقعد بروحه .

* شرْقه بريقك ، توّريك عدوّك من صديقك
قرد موالف ولا غزال شارد .

* يا تعس من عنده ابنتّه حارة ... بنيّة وحيدة تفيّض المرارة .

* يا عيون مصبركم على غاليكم ... كيف ترقدوا نوم الهني ويجيكم .

* تمنيتلك يا قلب ما تتمنى ، حجة وتوبة والصلاة والجنة .

* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ...

تنوحي على روحك العمر بطوله .
* اللي ما تعرفش تندب ، علاش يموت راجلها .

* حاسدين الأعمى على طول عكازه .

* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .

* إمشي صحيح لا تعتر لا اطيح .

* اللي مرته قصيرة ، يفرح ويقول صغيرة .

* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .

* بالله يا قلبي شرتعها ... يا رحمة ربي موسعها .

* فيه من كلامه مستكه وقرنفل ، وفيه من كلامه حار زي الفلفل .

* قال للقبر ردلي بوي ... قالّه أنا نستنى فيك .

* زوجت بنتي باش نرتاح من بلاها ، جتني وأربعة صغار وراها .

* حط الفلوس في فم المدفع يسكت .

* الكذاب .. أصبر شوية وانشده .

* زي رجل البهيم القدامية ... لا تحك
، لا تصك .

* اشكون يسبقك ، إذا تجري وحدك .

* ما يغلبك كان اللي يقولك أعطيني فلوسي
نضحك ونلعب غير شهلولية ... وضرب المعاني ما يفوت عليّا .

* دير المليحة يا ولد وأنساها ... كان عشت على طول الزمان تلقاها .

* لو كان نشكي للنجوم يغيبوا ، البحار

تـنزح والصغار يشيبوا .
* والله يا قِـلـّة طويسة مُـرّة .. تقلّـع

غشاش القلب يطلع برّة .
* دخانك عماني ... وطبيخك ما جاني .
منقول
تحياتي

موضوع: رد: أمثال شعبية ليبية 24/10/2009, 03:36

موضوع: رد: أمثال شعبية ليبية 24/10/2009, 09:23

أستاذتنا الوقور

لا حرمنا الله من تواجدك الدائم

ولا من هذا العطاء الفياض

موضوع: رد: أمثال شعبية ليبية 24/10/2009, 09:25

أستاذتنا الوقور

لا حرمنا الله من تواجدك الدائم

ولا من هذا العطاء الفياض

موضوع: رد: أمثال شعبية ليبية 24/10/2009, 09:27

أستاذتنا الوقور

لا حرمنا الله من تواجدك الدائم

ولا من هذا العطاء الفياض

موضوع: رد: أمثال شعبية ليبية 24/10/2009, 09:28

رنة خلخال كتب:

موضوع: رد: أمثال شعبية ليبية 24/10/2009, 09:31

أكرم عبد القوي كتب:: أستاذتنا الوقور

لا حرمنا الله من تواجدك الدائم

ولا من هذا العطاء الفياض

» أمثال شعبية فلسطينية
» أمثال شعبية إماراتية
» أمثال شعبية عمانية
» أمثال شعبية مغربية
» أمثال شعبية سعودية