حملة( هنتغير بجد)

موضوع: حملة( هنتغير بجد) 1/10/2009, 17:39

بعد الحمد لله والصلاة على الحبيب المجتبى

ثم اما بعد؛

حملة

( هنتغير بجد )

لاعضاء منتدى شاعرنا الاعلامى المرحوم / عبدالقوى الاعلامى

هدفها من اسمها هنتغير بجد

سياستها تحبيب الشباب فى الاسلام

شعارها هندخل الجنة سوا

ستتكون الحملة من حلقات كتير

وكل حلقة لها اسم

وكل اسم بتدور حوله الحلقه

وكل حلقة عباره عن حوار بين اتنين

+الاول وهو اللى هيغيرنا بجد

=والتانى وهو الشاب او الفتاه

يعنى انا وانتِ

ورجاء من كل قارئ

يقول رأيه بصراحة

وانا مش هزعل منكوا

وياريت نطبق الكلام ده بجد

علشان نتغير بجد

ونفرح نبينا

وندخل الجنة سوا

ومهما تكون ذنوبك

ومعاصيك

و بعدك عن ربك

معانا

كلنا هنقرب اوى من ربنا

بس

خليك معانا

يلا بينا ...

الحلقة الاولى

(المقدمة)

+السلام عليكم

=وعليكم السلام

+عامل ايه ؟

=تمام

+ومع ربك عامل ايه؟

=زى اى شاب بعيد عن ربه

وكل فين وفين لما يركع ركعة

و باستخدم بصرى فى الحرام

وبعق ابوى وامى

و..و..و..

+طب وانت ايه اللى بعدك عن ربنا؟

=ان اى واحد يقولى لازم علاقتك

مع ربنا تكون 10من10

او0من10

+يعنى ايه؟

=يعنى معظم الناس متبعه قاعدة

(الحلال الخنيق والحرام الفاجر)

يعنى يأما يمين خالص

يأما شمال خالص

مفيش حد ماشى فى النص

بس منحاز لليمين شويه

+وانت عجبك حالك مع ربنا ؟

=طبعا لا بس

اعمل ايه؟

=وبعدين استحاله ربنا يغفرلى

ذنوبى ده انا عملت ذنوب

ماحدش عملها فى العالم

وعملت كبائر كتييير و..و..

+تعرف انك كده قانط من رحمة الله

القنوط من رحمة الله اصلا من الكبائر

=طب اعمل ايه؟؟!

+ان مصدق ربنا فى كل كلامه ..

=طبعا من غير تفكير

+ممكن تسمع الايه دى

=اتفضل ..

+قال الله عز وجل

(قل يا عبادى الذين اسرفوا على انفسهم

لا تقنطوا من رحمة الله

ان الله يغفر الذنوب

جميعا انه هو الغفور الرحيم)

=صدق الله العظيم

+انت مش حاسس ان الايه دى

بتكلمك انت

=حاسس

+خلاص انت لسه مش متأكد

ان ربنا هيغفرلك

ويمسحلك ذنوبك

ويعتقك من النار

=انا ما قلتش كده

+امال ايه؟

=انا قصدى من السهل ان اعمل اى عمل وربنا يمسح كل ذنوبى

+انت ماتعرفش مين هو الله

=انا عارف

+ماتعرفش ان ربنا

كريم

ورحيم

وعظيم

ولما يغفركل ذنوب العالم

مش هينقص من ملكه شئ

=عارف والله

+امال مستنى ايه

طب تخيل معايا المشهد ده

لو قلت

اللى عاوزربنا يغفرله

يرفع ايده

الناس هتنقسم ل3 انواع

النوع الاول

هيرفع ايده من غير ما يفكر

النوع التانى

هيرفع ايده وهو بيقول

انا هعصى ربنا تانى بس

اهو تقل ذنوبى

والنوع التالت

بيقول حتى لو ربنا مسح ذنوبى

هعصى ربنا تانى

انا كده كسبت ايه

=قصدك ايه من المثال ده

+قصدى خليك ذكى و ثق فى الله

وتأكد انه مش هيرفضك

بس ارفع ايدك بجد

سيب الباقى على ربنا

=والله انت غيرت تفكيرى

خالص

=قولى بقى ازاى ربنا يغفر لى كل

ذنوبى

+ده اللى هتعرفه فى الحلقه التانية بأذن الله

اهم حاجه

تيقن نفسيا ان ربنا هيغفرلك

ولا يبالى

+يلا سلام

=قول السلام عليكم احسن

+انت صح

+السلام عليكم

=وعليكم السلام ورحمة الله وبركاته

الى اللقاء فى الحلقة التانيه

مع

حملة

(هنتغير بجد)
وبكره ان شاء الله مع حلقه جديده يا أعضاء منتدانا ياغالى
بس عايزين ندخل كل يوم ونقرا الحلقه وانا معاكوا ان شاء الله
ونتغير بجد
نتغير للاحسن والاحسن والاحسن
وهيبقى ده شعارنا ان شاء الله

فى انتظار ارائكم يا أخوانى فى الله
ومشاركاتكم فى الحمله

الفكره منقوله

تحياتى

الام الحنون</FONT></U></FONT>

موضوع: رد: حملة( هنتغير بجد) 1/10/2009, 19:34

فكرة راائعــة أمنا الحنون

جزاك الله عنها الفردوس الاعلى من الجنة

هدانا الله و اياكي

و غفر لنا و لك

و نفعنا جميعا بما قدمت

تقبلي مروري

مع خالص ودي و تقديري و احترامي

موضوع: رد: حملة( هنتغير بجد) 3/10/2009, 17:16

سلمت يداك دائما على ما تقدمه من موضوعات رائعة وجميلة

لك منى كل التحية والتقدير وأجمل وأرق الدعوات المباركات

وفقك الله إلى كل ما هو رائع كعادتنا معك دائما

وجعله فى ميزان حسناتك ولا حرمك الله الأجر

لكِ منى تحية معطرة بشذى الورد والريحان

موضوع: رد: حملة( هنتغير بجد) 15/12/2009, 18:48

حملة( هنتغير بجد) Www.almsloob.com-c5815dceb3

كلنا هنتغير بجد

موضوع: رد: حملة( هنتغير بجد) 15/12/2009, 23:23

أستاذتنا وفاضلتنا الحنون

منذ أن أكرمنا الله بك أخت لنا في الله

ونحن نتغير يوما بعد يوم إلي الأفضل

» نفس النتيجة.........مش هنتغير بقى
» حملة تاجي..............حجابي
» حملة لصلاة الفجر
» حملة منع التدخين
» حملة مصر بلالالامواقع جنسيه