السيدات هن الأكثر شعورًا بفارق أسعار منتجات الطعام، وهن الأكثر قدرة على التوفير في المصاريف، والبحث عن بدائل، سواء كانت أوفر، اضمن أو أنظف، وأعلنت بعضهن: "أن لكل شيء بديل ولكل أزمة حل"، وفي مطبخ المنزل من الممكن عمل كل المنتجات التي تشترى جاهزة سواء من المطاعم أو المتاجر والأسواق.
"بدأت أعمل كده فعلًا، باستبدل اللي موجود في السوق، وبعمله في البيت، ونستغنى عن الجاهز والغالي، والفكرة دي هنفذها في كل حاجة لأن كل حاجة تقدر تعملها في البيت"، كانت كلمات "شيرين محمد" صاحبة صفحة "مطبخ شيرين"، على الفيس بوك، والتي تحرص من خلاله على تشجيع السيدات لفعل ما تقوم به.
شاركت السيدات كيفية عمل منتجات اعتادوا شرائها من الخارج، كـ"الميونيز، الكريب، الكاتشب، الكب كيك" وغيرهم: "كل ده سهل، بس الست المصرية محتاجة تشجيع، ودافعة وحد يتكلم معاها ويقولها جربي، وده اللي أنا بحاول أعمله".
تؤكد "شيرين"، أن السيدات يمكنهم توفير أموال كثيرة من عمل كل شئ في مطبخهم: "أصل حرام نجيب من بره، وكله عمايله سهل، حرام فعلًا بنغرم فلوس كتير، حتى البرجر والفراخ الإستربس بنشتريها من بره 3 أضعاف تمنها لو معمولة في البيت".
بدأت النساء تشارك في الأمر، يقومن بتصوير المنتج، الذي صنعوه منزليًا لتشجيع الأخريات، على الرغم من عادتهم السابقة لشراء الجاهز، تقول "شيرين": "أصل دايمًا حاجة البيت أنضف وأحلى".
"كل حاجة ولها بديل، وكل حاجة تتعمل في البيت بس كسل من الستات"، بهذه الكلمات تحدثت "دينا سمير" من داخل مطبخها، ولجأت "دينا" إلى عمل كل المنتجات بمنزلها، بل وبدأت في عمل الوجبات المنزلية لمن يطلب منها ذلك: "حتى البيتزا ممكن تتعمل في البيت وهنوفر كتير، فيه ناس بتقول البيتزا لازم من بره، بالعكس في البيت بتبقى حلوة، والكاتشب وصلصة البيتزا كمان في البيت بيتعمل وبيبقى حلو، زي بتاع بره وأنضف وأوفر 100 %".
"البرجر، السوسيس، حتى الحلاوة الطحينية"، وكل ما تشتريه معظم الناس جاهز، أو من المطاعم، تنصح "دينا" بعمله في مطبخ المنزل: "المشكلة إنه في ستات بتخاف تجرب، أو بتستسهل، على الرغم إنهم ممكن يعملوا الحاجة ويسيبوها أسبوع في الفريزر، خاصة إني بقيت أخاف من غياب الضمير في مطاعم بره، في البيت أضمن حاجة خاصة للأطفال".
أما "فريدة اسماعيل" فعانت كثيرًا في إقناع ابنائها بالبعد عن أكل المطاعم والجاهز، والاكتفاء بأكل المنزل، وهو ما جعلها تحاول توفير البديل في المنزل، عملت "لانشون الفراخ واللحم، شربة الماجي، البرجر، حتى الكشري، كل ده سهل، وأوفر، وصحي أكتر، وأنضف ومفهوش مواد حافظة ولا مكسبات طعم ولون، بقول بلاش استسهال مادام نعرف نعمل الحاجة في البيت".
alwan.elwatannews
موضوع: توفيرا للنفقات.. "ستات": كل حاجة بتتعمل في مطبخ البيت 
11/12/2016, 01:01
