انتقم .. شر إنتقام
باعنى .. مش هقول بكام ..
جرحتك يا حبيبى .. عارفه
كفاية يا حبيبى حرام ..
أنا عايشه فى عذاب وألام
بعدك يا حبيبى .. خايفة
لكن .. يا حبيبى بلاش
تسيبنى للأيام .. إنتقم
... .... ...
جيت أشوفك .. وفـ عينيا
كل أيامى اللى فاتت ..
ليه شايفنى .. واحدة خاينة
من زمان .. مشاعرها ماتت ..
قول لقلبك .. الطيب
يسامحنى عشان .. أعرف أرتاح
ده أنا ظنى فيك .. عمره ما خيب
وأنا راجعه .. مكسورة الجناح ..
أنا مقدرش أعيش من غيرك ..
يا حبيبى .. ما تسيبنيش .. إنتقم
... ..... ...
لسه فاكرة .. دموع عينيك
لما جت تترجى فيا ..
شلت إيدى من إيدك
يومها ما صعبتش عليا ..
الوقت أنا قلبى فـ إيديا ..
من حقك إنك تجرحنى ..
ومهما تكون آسى عليا ..
عذابى معاك هايريحنى ..
أنا مقدرش أعيش من غيرك ..
يا حبيبى .. ما تسيبنيش .. إنتقم
:
موضوع: انتقم 
6/9/2016, 02:42
