الشاعر عبد القوى الأعلامى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالأحداثموسوعة الأعلامى الحرةأحدث الصورالتسجيلدخول

شاطر
 

 الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
أيام زمان
عضو فضى
عضو فضى
أيام زمان

ذكر
عدد الرسائل : 1314
الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  210
بلد الإقامة : مصر المحروسة
احترام القوانين : الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  111010
العمل : الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  Profes10
الحالة : الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  510
نقاط : 7703
ترشيحات : 3
الأوســــــــــمة : الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  Awfeaa10

الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  Empty
مُساهمةموضوع: الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي    الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  I_icon_minitime20/12/2013, 23:07

الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي  4490

شقاوة كريم في مملكة العصافير
للأطفال تحت سن 6 سنوات
تأليف / ناصر العزبي




الشخصيات
راوي
كريم
الشجرة
الشمس
الجوع
الرياح
عصافير
أطفال




ــ استعراض غنائي ــ




الراوي : كَّاك .. كَّاك ؛
أنا هـ احكيلكوا حكاية الأرنب
الأطفال : كَّاك .. كَّاك ؟! كَّاك .. كَّاك ؟!
الأرنب ما بيبكَّبكّش .. الوزة هي اللي تبكَّبك
الراوي : جحا وحماره ؛
ماء ماء .. هـ احكيلكم عنه أما يمأمأ
الأطفال : الحمار ما بيمأمأش ..
المعزة هيَّ اللي تمأمأ ، المعزة هيَّ اللي تمأمأ
الراوي : يبقى خلاص أهو انتوا فهمتوا ؛ عايزين أيه تاني وأنا احكيلكوا ؟
الأطفال : " مفكـرين " تحكيلنا .. ؟! تحكيلنا ؟!
" مقترحين " احكيلنا حكاية الأراجوز
" مؤكـدين " أيوه احكيلنا عن الأراجوز
الراوي : الأراجوز ؟ " مقلداً الحمار " هاء هاء هــاء
الأطفال : الأراجوز ما بينهقش
الراوي : أصل الأراجوز ده مغلِّبني
الأطفال : لما بكون صاحي بيجيلنا
الراوي : " مقلداً الأراجوز " كرررررر
وأما بكون كسلان .....
الأطفال : " صوت النائم " خخخخخ
الراوي : يبقى خلاص أهو انتوا فهمتوا ؛ عايزين أيه تاني وأنا احكيلكوا ؟
الأطفال : " مفكـرين " تحكيلنا .. ؟! تحكيلنا ؟!
احكيلنا حكاية العصافير .. ويَّا صاحبنا اللي اسمه كريم
الراوي : أحكيلكوا حكاية العصافير ؟
الأطفال : أيوه احكيلنا عن العصافير
الراوي : هـ احكيلكوا حكاية العصافير ، هـ احكيلكوا حكاية العصافير
هـ احكيلكوا حكاية العـ صافيــــــــــــــــــــــــــــــــــــر




( يدخل كريم ممسكاً بمنجل يحاول قطع الشجرة )
الراوي : لأ يا كريم ؛ بلاش تقطع الشجرة
كريم : هقطعها يعني هقطعها
عصفور : حرام عليك يا كريم .. دي آخر شجرة في الجنينة
كريم : هقطعها يعني هقطعها
الراوي : طب وهتستفيد أيه من كده
كريم : هـ اوسَّع الجنينة .. وأعملها ملَّعب كبير ألعب فيه مع أصحابي
( يمنعوه عنها )
الشجرة : أنا الشجرة .. أنا الشجرة .. ليه تقطعني وأنا فـ أرضك
وكـل حياتي طُـوع أمرك .. بـدون مـجـهـود بـطَلَّـعلـك
ثمــار حلــوة بتنـفـع لَّـك .. أنا الشجـرة .. أنا الشجـرة
كريم : برضه هقطعها يعني هقطعها ..
الراوي : استنى بس يا كريم .. رايح فين
كريم : هجيب بلطة عشان أقطعها بسرعة " يخرج "
الشجرة : " تنادي " يا عصافير .. يا عصافير ..
العصافير: " تتجمع " صو صو صو
الشجرة : أيه رأيكوا ؟
عصفور : مش هيرجع عن اللي في بيفكر فيه غير لما يحس بقيمتك
العصافير: لازم يحس بقيمتك
الشجرة : مظبوط كلامكوا ؛ يبقى لازم استخبى منه .. شيلوني بسرعة من هنا قبل ما يرجع
العصافير: يلَّلا بينا " يتحركون بالشجرة إلى مكان غير مرأي " صو صو صو
الشجرة : " تلمح كريم قادماً " ده جاي على هنا .. استعدوا
كريم : " داخلاً وبيده بلطة " أنا قلت هقطعها يعني هقطعها " منتبهاً " الله !! الشجرة راحت فين ؟!
الشجرة : " تنادي من مكانها " يا شمس يا شمس ؛ خلي المكان يبقى حَّر
الشمس : " داخلة " أنا الشمس
الشجرة : زودي حرارتك وخلي المكان حَّر نار
الشمس : حالاً أوام وكله هيبقى تمام
( الشمس تلف حول كريم )
كريم : الله !! أيه الحرارة دي ؟! .. الدنيا بقت حَّر قوي كده ليه ؟! أيه الشمس دي .. مفيش حاجة هنا أدارى تحتها ؟!
العصافير: دي أول حاجة
الشمس : مش هتلاقي ضل تدَّارى فيه مني ومن حرارتي
الشجرة : " تنادي من مكانها " يا ملك الجوع
الجوع : أنا الجوع
الشجرة : خليِه يجوع ويحتاج ثماري
الجوع : حالاً أوام وكله هيبقى تمام
( الجوع يلف حول كريم )
كريم : الله !! أنا بقيت جعان قوي كده ليه ؟ أنا هدَوَّر على فاكهة أكلها وأروي عطشي بها
العصافير: دي تاني حاجة
الجوع : لما تجوع أو تعطش ، لما تدوَّر مش هتلاقي الفاكهة اللي تعوزها لأنك قطعت الشجر اللي بطرح الفاكهة
الشجرة : يا عواصف ويا رياح
الرياح : أنا الرياح
الشجرة : شوفي شغلك معاه
الرياح : حالاً أوام وكله هيبقى تمام
( الرياح تلف حول كريم )
كريم : الله !! أيه الهوا والتراب ده ؟! .. دي عواصف شديدة قوي ! مفيش حاجة هنا أدارى ورَّاها ؟!
الرياح : دوَّر ، مش هتلاقي أي حاجة تدارى مني ورَّاها !
كريم : والجو بقى مكتوم كده ليه ؟! .. أنا تعبان ومش قادر أتنفس
العصافير: الجو مكتوم لأن الأكسجين اللي في الهوا قليل
الراوي : الشجرة هي اللي كانت بتزوِّد لنا الأكسجين لما بتتنفس
كريم : أنا ما كنتش أعرف كل ده
العصافير: أُمال اللي كنت تعرفه أيه ؟
كريم : كنت مفكر إنها بتجَّمل المكان بس
العصافير: دي الحاجة الرابعة
كريم : أنا ندمان على اللي عملته في الشجر .. ندمان قوي
العصافير: يعني عرفت غلطتك ؟
كريم : وبعترف بها .. " متألماً " آه .. آه .. ألحقوني .. الدنيا حَّر وهموت مالجوع .. ألحقوني هتعمي من العواصف
الراوي : خلاص ؛ كفاية كده يا عصافير ، كريم اعترف بغلطه .. اتحركوا بسرعة وأنقذوه
كريم : وهُمَّه يقدروا يعملوا أيه ؟
العصافير: هنرجعلَّك الشجرة تاني .. صو صو صو
( تتحرك العصافير لتعود بالشجرة )
الشجرة : شكراً يا شمس " تقدم لها التحية فتنصرف "
شكراً يا ملك الجوع .. أشكرك يا رياح " كل منهما يتلقى التحية وينصرف "
الراوي : شفت أنت بقيت كوَّيس إزَّاي
الشجرة : واتفضل .. أدي كمان تفاح من اللي عندي
كريم : أنا بـ اعتذر .. بـ اعتذر لك ولكل الشجر اللي قطعته
الشجرة : لأ ؛ أنت تعتذر لكل اللي أنت تسببت في ضررهم للناس وللعصافير
كريم : بـ أعتذر لكل الدنيا ، أنا خلاص عرفت قيمة الشجر ، وهزرع شجر كتير بدال اللي قطعته .. وانتوا كمان يا ريت تساعدوني ..
العصافير: يعني خلاص ؟!
كريم : انتوا عصافير طيبة قوي ، عملتوا كل ده عشان تعرفوني غلطتي ، أنا بـ أشكركم قوي يا عصافير
ــ استعراض ــ
إحنا عصافير بنحب نطير وبنملى الدنيا حب وخير
عصافير عصافير عصافير عصافير ها ها . ها ها
بنـحــب نطــير ونـحــب الخــير ها ها . ها ها
***
ويَّــا الأزهـــار تحــلى الأيــام
وعــلى الأشجــار نرقص وننـام
***
عصافير عصافير عصافير عصافير ها ها . ها ها
بنـحــب نطــير ونـحــب الخــير ها ها . ها ها
الرجوع الى أعلى الصفحة اذهب الى الأسفل
 
الخميس، 20 يناير، 2011"شقاوة كريم في مملكة العصافير" مسرحية للأطفال بقلم ناصر العزبي
استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1
 مواضيع مماثلة
-
» "بيت سعيد السعيد" قصة للأطفال بقلم ناصر العزبي
» "فزّاعة لا تهابها العصافير" قصة للأطفال بقلم: محمد على شاهين
» سلسبيل" مسرحية للأطفال بقلم أحمد قرني
» " الهاتف" مسرحية للأطفال بقلم مؤمن سمير
» مملكة الغبار ـــ غسّان حنا - مسرحية

صلاحيات هذا المنتدى:لاتستطيع الرد على المواضيع في هذا المنتدى
الشاعر عبد القوى الأعلامى :: مكتبة الأعلامى :: مكتبة الأعلامى :: المكتبة السياسية-
انتقل الى: