خطأ هندسى خطير فى شارع مصطفي النحاس يتسبب فى إهدار أكثر من 31 مليون جنيه
يعني اي حد بيفهم مباديء اقتصاد هيجيله شلل من الصورة دي !!
قرروا يوسعو شارع مصطفي النحاس .. فقوم يلغو مترو مصطفي النحاس اللي تم انشاؤة سنه 1963 .. لحد هنا قشطه شغال ..
لكن تردم علي عشرين كيلومتر من القضبان الفولاذية علي خطين رايح جاي ويسفلتو فوقهم دي جريمة واهدار مال عام !
الخط ده معمول من قضبان متواليه .. القضبان بتتقاس الوزن علي الطول المعياري .. يعني بيوزن الرطل لكل يارده .. كل يارده من القضيب وزنها 140 رطل تقريبا .. يعني كل متر فيه سبعين كيلو فولاذ صافي !
يعني كل كيلو متر فيه علي كل خط سبعين طن فولاذ ... يعني الاربع قضبان اللي بيشكلو السكة الحديد في كل كيلو فيهم 260 طن فولاذ .. يعني العشرين كيلو اللي هي طول خط مترو مصطفي النحاس فيهم خمسه الاف واربعمائة طن فولاذ !
سعر طن الفولاذ انهاردة في البورصة العالمية 816 دولار !
يعني الدولة العبقرية بتاعتنا اللي بيرأسها المفروض واحد من اعرق خبراء الاقتصاد في الشرق الاوسط ردمت علي فولاذ قيمته اربعه مليون واربعمائة وسته الف دولار !!
يعني حوالي واحد وتلاتين مليون جنيه مصري !
والادهي من كده انهم اكيد دفعو فلوس لمقاول عشان يردم ويسفلت الخط .. يعني دي جنايه اهدار مال عام مع سبق الاصرار والترصد ..
بس زي مانتو عارفين احنا دولة غنيه والحاجات الصغيرة دي متهمناش ومش بنوطي نجيب اللي بيقع منا ع الارض !
تاريخ الصورة 11 سبتمبر 2013
منقول للأهمية
موضوع: خطأ هندسى خطير فى شارع مصطفي النحاس يتسبب فى إهدار أكثر من 31 مليون جنيه 
12/10/2013, 10:51