تشيز كيك سهلا
لمقادير:1بسكويت سادة كبير او 2 صغيرين وممكن تزودى الكمية لو بتحبى البسكوت فيها كتير
3 معالق كبيرة سكر
8 معالق حليب بودرة
3 جبنة كيرى او بريزيدون
علبتين زبادى
كيس كريم شانتى
زبدة سايحة حوالى معلقتين
الطريقة :
اول حاجة هنكسر البسكويت كويس فى الكبة لغاية ما يبقى فتات
هنحط علية الزبدة ونبثة كويس بالايد ونحطة فى صنية ونضغط علية بالايد كويس وندخلة الفرن 5 دقايق بالكتير ويكون الفرن هادى وممكن تستخدمى ورق الكب كيك بيقى رووعة واحسن من الصنية
نخلط باقى المكونات فى الخلاط ونحطها على البسكوت بعد ما يبرد تماما وبعدين ندخلها الفرن 10 دقايق والفرن يكون هادى يادوبك تتماسك ونسبها تبرد شوية وبعدين ندخلها التلاجة لغاية ما تتماسك تماما
هنعمل جلى اى نوع فواكة يعجبك بالطريقة المكتوبة على العلبة ونبدأ نحطة بالراحة جدااااااااا بالمعلقة فوق الصنية وبعد ما يكون برد وندخلها التلاجة لغاية ما الجلى يتماسك وبعدين تقدم بالهنا والشفا
ملحوظة:
انا بفضل استخدام ورق الكب كيك لانه بتبقى احلى فى التقديم ومش بتتعب فى التقطيع
ضاعفى الكمية على حسب ما انتى عايزة بس بنفس المقادير
موضوع: تشيز كيك سهل 
7/6/2013, 00:51
