ديوان الشاعر الأستاذ محمد رمضان

متى يا أمة خير المرسلين ؟

*****

حبيبي يا رسول الله أنا من المقصرين

فلم يتحرك قلمي رغم الأنين

وأصبح واجما من الهول حزين

أساءوا للرسول .. فأين المسلمين

فداك أبي وأمي وروحي أجمعين

فهم قليل .. فأنت الصادق الأمين

اللهم صلِّ عليه في كل وقت وحين

محمد رسول الله إمام المتقين

وشفعه فينا يوم الحساب .. يوم الدين

وأوردنا حوضه الأوفى غير نادمين

وأهلك أعدائك .. أعداء الدين

فهم لا يُعجزونك .. فأنت القوي المتين

هي ليست الأولى فمن أساءوا كثيرين

وفي كل مرة يأتينا النصر المبين

أفواجا وأفواجا إلى الإسلام مهرولين

فقد أثارتهم إساءات المجرمين

هم شرزمة حقيرة من الضالين

أعانهم المغضوب عليهم المهووسين

يا سيد الخلق يا رحمة للعالمين

إحياء سنتك طعنات للكائدين

فبها تسيل دماؤهم كالمخزولين

والله كفيل بهم ولو بعد حين

فلنعمل ونقتدي به متحضرين

ونهزمهم بعلومنا .. فلسنا مُفلسين

فلدينا العلم والمال مجتمعين

ولا ينقصنا سوى كوننا متحدين

فمتى يا أمة خير المرسلين ؟

نستفيق ونعيد أمجاد الأولين !

محمد رمضان
17/09/2012

حلة محشي

*****

يوم وانا عازب في السعودية

نفسنا ناكل حلة محشي

نشتري جاهز ؟ فكرة غبية

مهما ها ناكل ما هانشبعشي

قلنا خلاص وعقدنا النية

نعمل محشي وبعدين نمشي

جبنا كرنب غلينا المية

كُلنا نعمل كُلنا نحشي

ريحة المحشي طالعة قوية

حلة كبيرة .. أوعي تكِشي

شلنا الغطا بالراحة شوية

كانت صدمة كبير ف وشي

ساب الرز يا خيبة قوية

مابقاش محشي .. خسارة يا كرشي

محمد رمضان
23/8/2012

الفلوس يا ناس الفلوس

**********

الفلوس يا ناس الفلوس ... ياما زلت ف النفوس

اللي محتاج الفلوس ... وشه دايما في عبوس

واللي مش محتاجها تلقاه ... ع الفقير عمال يدوس

والفقير من حاجته تلقاه ... ع الإيدين عمال يبوس

والعفيف منهم لا يمكن ... ينحني دي عزة نفوس

هو ينفع حد يبقى ... يبقى مش محتاج فلوس

أيوه ينفع بس لما ... يبقى فيه إيمان ف النفوس

الغني ساعتها يدفع ... للفقير حق الغموس

والفقير ساعتها ممكن ... يبقى فرحان مش يؤوس

والشباب بدل ما يقعد ... في البيوت جالس جلوس

يسعى يتحرك ويجري ... هو مش محتاج عروس ؟

والتاجر بدل الكتير ... بالقليل مش راح يحوس

لما يكسب اللي قده ... يومها هاتشيله الرؤوس

واصحاب الأعمال ساعتها ... يدوا للعامل دروس

يدوه حقه وبزياده ... مش بقلعهم الضروس

كل واحد منا ممكن ... يبقى عنده كتير فلوس

لما دينا الغالي يبقى ... أقوى حاجة ف النفوس
الخميس 26-1-2012

يأتينا مبتهجا

*****

بلوعة الشوق ولهفة الولهان

في ليلة سعيدة من أجمل الأزمان

يأتينا مبتهجا ومعه فرحتان

وأجلها من فرحة بلقاء الرحمن

يا من تريد الجنة من باب الريان

أقبل مبتسما قد هل رمضان

إغتنم الفرصة واترك العصيان

قد حان الوقت وفتحت الجنان

أسرع فقد صفدت شياطين الجان

لن يبقى سوى هواك فهيا يا إنسان

ألا تريد الجنة ألا تريد المرجان

وقاصرات الطرف أليست في الحسبان

ألا تريد فرارا وبعدا عن النيران

أكثر من الخيرات تجنب الطغيان

وليلة القدر ترقب لتترك الأحزان

لا ترفض الهدية خذها من المنان

قد هل شهر الخير والرحمة والغفران

يأتي ويمضي سريعا يترك لنا الحنان

يا ليته يكون كل الشهور رمضان

لكانت الدنيا تفوح بالريحان

محمد رمضان

صوتك أمانة

*****

يارب أشكوا إليك ضعفي وقلة حيلتي
فقد حاولت مع الناس قدر استطاعتي
*****
وحلمي أن يسود شرعك وطني الحبيب
فاشرح يارب صدري وصدر أخلتي
*****
وانصر يارب من يتقيك فنصرك قريب
واجعل يارب أحبتي سببا في سعادتي
*****
صوتك أمانة فاجعل لدينك منه نصيب
لا يغرنك معسول الكلام واسمع كلمتي
*****
أحببت أن أكون لك ناصحا فهل من مجيب
وبمشيئة الله لن تندم وإليك مودتي
*****
إسلامي وناصري وفلول ذو فكر مريب
فاظفر بمن بشرع الله سيحكم دولتي
*****
يارب يا هادي إهدني واهدي أحبتي
مَكِّن لدينك أن يسود وانصر فكرتي

محمد رمضان
16/05/2012

لعبوها صح

*****

لعبوها صح إن حصل كده

يجيبوا فلان .. يكيدوا العدا

مين العدا ؟ .. أنا وانت وده

ودم شهيدنا يروح سدى

بخطة عظيمة طويلة المدى

علان ساعدهم .. أكيد مش كده ؟

إعلام مأجور يسمع للندا

شَّوه .. ضَّخم .. نول الرضا

صفوا الكل وجابوا ده وده

علان مخزول وفلان ابتدا

يلم الشمل يضل بهدى

يا خوفي لنبقى أكباش الفدا

وثورة مصر تضيع بالرضا

أوعى يا مصري ده حلم إبتدا

تستسلم بدري وتنسى الندا

شهيد ومصاب ضحوا برضا

علان معانا غلطان واهتدى

اتظلموا معانا .. عارفين مش كده ؟

نديهم فرصة .. نكيد العدا

يا رب يا هادي امنحنا الهدى

محمد رمضان
29/05/2012

يا غافر الذنوب

*****

يا عالم بكل الأمور

يا غافر الذنوب يا غفور

يسر لنا كل الأمور

واهدينا ونشوف النور

نور الإيمان والسرور

وابعدنا عن أي شرور

إجعل عدونا مقهور

واحفظنا من أي جور

واحفظنا من قول الزور

واجعل كلامنا مأجور

أمن علينا الدور

واشرح لنا الصدور

ولي علينا البرور

مش الإمام الفجور

خلي شبابنا غيور

على دينه من غير نفور

عايزينه يبني الجسور

مش كل مرة يثور

إنعم علينا بالحور

ونعيم كمان ف القبور

سكنا جوه القصور

ف الجنة يوم النشور

يا غافر الذنوب يا غفور

اهدينا ونشوف النور

*****
محمد رمضان

أذكر ربك وانسى الهم
*****

أذكر ربك وانسى الهَم ... فكر بس إنك مهتَم

بأمور دينك يلاَّ يا عَم ... وانسى الدنيا دي حالها يغُم

إوعَى تسيب نفسك زعلان ... قول لهمومك بقى تتلَّم

إوعَى لَتصبح يوم ندمان ... لما تلاقي نفسك في ألَم

ليه تسيب نفسك للشيطان ... يلعب بيها بكل نَهَم

حسيت مرة انك خجلان ... من ذنبك حسيت بندَم

خالق السما من غير عمدان ... يغفر ذنبك بس اهتَّم

تجعل توبتك فيها بيان ... توبة نصوحة مافيهاش ذَم

زود قلبك بالإيمان ... يومها تحس انك ف نِعَم

ربك خلقك يا إنسان ... واداك عقل تروح به قِمَم

لما تلاقي نفسك تعبان ... قوم واتوضا وصلي وهِم

واذكر ربك مش نسيان ... سبحان ربي ده كله كَرم

صدقني ها تصبح ف أمان ... وحياتك بقى ليها نَغم

واذكر ربك وبلاش نَم ... كُتر النَم يجيب الهَم

وان كنت أنا بيك مهتَم ... ده لمصلحتك والله يا عَم

محمد رمضان
26/02/2012

حقيقة تايهه يا ولاد الحلال

*****

حقيقة تايهة يا ولاد الحلال

تاهت قصادي ف بحر الضلال

حاولت اجيبها لكن محال

موج الضلال يمحي الجبال

لعبة سياسة لعبة عيال

مكر ودهاء فوق الخيال

خبر وعكسه ف اثنين مقال

انشر وماله الاثنين سجال

دي أمريكيه مفيش مجال

والله مصرية وانتوا ف ضلال

وانا خدت عفو بعد النضال

ده عفو ناقص محتاج كمال

وحاجات كتير تملاء تلال

فين الحقيقة فين الرجال

تاهت ومحتاجة ابتهال

لله ده بيه تحيا الآمال

حقيقة تايهه يا ولاد الحلال

يوم ما تلاقيها نلت المنال

محمد رمضان
15/04/2012

حرية الإبداع

*****

حرية الإبداع ..
أم هو الحرام المباع ؟
أغرقتمونا وشبابنا في الوحل
حتى النخاع
يا من بفنكم الزائف
أطفأتم الشعاع
ويا من تهدفون لا لشيء
سوى الإمتاع
إن كان في الحرام فهو قمة الإبداع
أين ضميركم .. ؟
أفقد مات أم هو في الضياع ؟
فقد طغى ضلالكم
وأفسدتم الطباع
ألم تعلموا أن الله خالقكم
وأمره مطاع ؟
أم أنكم للشيطان والهوى
أصبحتم في إنصياع
أم تظنون أنفسكم تعيشون
في القلاع
وها هو إعلامنا الضال قدر المستطاع
يمنح لكم الفرصة
كي يصبح إثمكم مشاع
لكن هيهات هيهات
فلن تترككم السباع
فسيأتي يومكم وتصبحون كالرعاع
وقتها ستعلمون
أن طاعة ربكم هي قمة الإبداع

محمد رمضان
2/4/2012

» لقاء تلفزيوني احتفال بصدور ديوان الشاعر محمد ربيع محمد كسر الازاز
» ديوان الشاعر محمد عبد القوى حسن
» فيديو - برنامج يوم جديد مع الشاعر محمد ربيع حول ديوان الطاحونة
» ابن الأستاذ محمد رمضان في التدريب
» الأستاذ محمد رمضان علي كرسي الإعتراف