عارفين ستارة الخرز .. أنا عملت زيها بس ستارة قلوب

أنا بقى عملت زيها بنفس الطريقة بس ستارة قلوب بالقماش

واهيه صورتها

إيه رأيكم ..
بس ِأنا معملتهاش بخرز أنا عملتها بقلوب حمراء قماش

جبت :
قماش أحمر بيلمع فيه زي كسر الألماظ بس مش باين في الصورة كويس المتر ب20ج جبت نص متر

وجبت حبل كده احمر من عند الراجل اللي بيبيع البكر والخيط مش عارفه اسمه ايه

وخرز احمر كبير شويه باين تحت في اخر الستارة

وكرتونه رسمت عليها قلوب وبعدين قصقصت القلوب دي وغلفتها بالقماش

قلب وش وقلب ظهر وبعدين حطيت الحبل في النص ولزقت عليه

وخرمت الخشبة بالشنيور

ودلدلت منها الحبال زي ماانتوا شايفين
سهله خالص

ومخدتش مني وقت إلا في قص القلوب الكارتون بس

عجبت جوزي قوي .. وبيقولي اعملك مشروع واكسب من وراكي ..
هههههههههههه .. شوفتوا الاستغلال الامثل ..

آه ونسيت اقول لكوا عارفين الجرس اللي بيبقى في الخلخال بيعمل صوت
علقته في آخر السترة تحت الخرزة في كل حبل واحده
بقيت بتعمل صوت .. زي الخلخال ..
ناس غاوية ازعاج ..
اللي تدخل تقول رأيها بصراحة ومش هزعل ..

منقول

» موقع ياباني لشغل الخرز.اعمال فنية بالخرز.اصنعي كل شيء من الخرز واليكي الطريقة
» الجدع فيكم يعمل زيها
» طريقة سهلة وبسيطة لعمل ستارة
» ورد من الخرز !!
» اشغال يدوية بي الخرز ( منقول )