تعالو شوفو افكارى وتدبيرى لشقتى فى غربتى

[center][b][size=25]
[center][b][size=25]

اخواتى الفاضلات
كل عام وانتم ومصر بخير يارب
وربنا يصلح حال مصر والمسلمين فى كل مكان
اللهم امييييييييييييين
انا ماليش مواضيع فى القسم هنا فقلت
اما اوريكم بعض الافكار اللى عملتها
فى الغربة طبعا فى مصر بنجيب حاجتنا
وعارفين اننا هنستعملها ان شاء الله
لكن هنا ممكن نتنقل من بلد لبلد
ووممكن نستغنى عن حاجات كتير او لو هاننزل مصر
مش معقول هناخدكل اللى اشتريناه هنا
فبحاول اوفر واستغنى عن حاجات كتير على قد
مبقدر وكل اخواتنا فى الغربة كدة مش انا لوحدى
طولت عليكم اسيبكم مع الصور ويارب تعجبكم

1-
اولا دى قارورة مياة

وطبعا كلنا بنحوش الاكياس الفاضية وبتاخد مكان ودى فكرتى
قطعتها من تحت وريحتنى من دوشة الاكياس وانتى تقدرى
تعلقيها زى متحبى حسب المكان عندك

2-المرتبة الاسفنج

كانت عندنا وكانت على بعضها وكبيرة وعاملة مشكلة وكان
جوزى رايح يرميها

قطعتها وخليت واحدة اعرض من واحدة عشان تكون الاعدة
والصغيرة تبقى الضهر وكان عندى قماش وخيطه وثبته فيها

ودة الشكل النهائى وكل اللى يشوفها ميصدقش انها المرتبة

3-انبوبة الغاز
عارفين طبعا ارفها وانها بتصدى عالارض وكدة
فى مصر عندى شيالة لها لكن هنا نوووووووو
ودى فكرتى المتواضعة

علبة جبنة بس جامدة وحطيت عليها الانبوبة

4-الغسالة الاتوماتيك

هنا انا حطاها فى الحمام
ومش لاقية حافظة لها زى اللى فى مصر فعملت اى
جبت جلاد الكتب ولزقتها كلها بيه هو طبعا زى الاستيكر

معرفتش اصورها كلها لانها من بعيد مش باين الجلاد

5- الســـــــــــــــــكر

بنجيب طبعا السكر هنا بالشكارة 5 او 10 كيلو
ودى طريقتى لحفظه

6- المخدات الفيبر بتاعة الغربة

طبعا هنا مفيش قطن زى مصر وبنتسعمل الفيبر
وبتهبط ومش مريحة وبنظطر نجيب غيرها فلقيت
عندى كذا واحدة وكلهم زى قلتهم عاوزين تانى
انا جمعت كل 2 فى واحدة مثلا او واحدة ونصف على
حسب الارتفاع اللى عندك واللى انتى عاوزاة

[/size][/b][/center][/size][/b][/center]

منقول

طريقتها هنا بالتفصيييييييييل والصور اتفضلو
http://forums.fatakat.com/thread3652975

7- دة سبت بلاستيك
بنجيب فى خضار ساعات من اماكن معينة
وعلقته فى الحمام
واستغنيت عن شيالة الحمام اللى فى مصر

8- دى درفة دولاب

كان قديم وكالعادة جوزى كان رايح يرميه فانا استغليت المرايا
وحطيتها ورى الكمودينو وهما كانو 2 لكن التانية اتكسرت

9- ودى صورة جماعية

الاطباق الالمونيوم دى بدخلهاالفرن بس للاسف
مش عندى دلوقتى من الغويطة اللى بنجيب فيها الرز
ممكن اعمل فيها بطاطس او حلويات وعالفرن
يعنى استخدمها انا مرة كمان وارميها
والاطباق الفل بتاعة اللحمة والفراخ
باخدها الحديقة والخروجات ويوم الشوى بتنفع

اما علبة القهوة بسلق فيها بيض
مرة واتنين وارميها على اللى بعدها ماتفضى
وعلب الدونات والتورتة باخد فيها حلويات برضه
وعروض بندة
استغنيت بيها عن المفارش البلاستيك كلها
بفرشها فى الدواليب والادراج وفى المطبخ
وعلب الملح مبرميهاش وبحفظ فيها جميع انواع التوابل وزهرة الغسيل

اتمنى ان افكارى المتواضعة تنال اعجابكم
ودعواتك بقى ومتنسوش التقييم
استودعكم الله الذى لا تضيع ودائعه

منقول

» تعالو شوفو ازازة الكانز بيتعمل بيها اية
» تعالو شوفو ازاي بيكون الفن الياباني
» أيام الدراسة الساعه 6 الصبح تعالو شوفو كيف حالة ال
» من افكارى العلمية ( 1 ) ( الدموع )
» تعالو نرحب باخينا عز الرجــــــــــــال