السلام عليكم
بصوا انا بجد بحبكوا جدا وبموت في القسم ده جدا جدا
النهارده هوريكوا عروسة ابني حسن ورجل بنطلوني طبعا بعد ما ضاق من الحمل قررت استفيد
بيه قسمته نصين نص هوت شورت وده هعمله موضوع لوحده اصله بقي حكايه
المهم خلينا في العروسه
لا مش هيتجوز دي العروسه اللعبه طبعا حبيب ماما قطع شعرها نتفهولها يعني
مش عارفه ايه العدوان ده والتوحش المهم انا لحقت المسكينه
وقررت اني احجبها مهي ملهاش حل غير كده بعد ما بقت قرعه
وواخدت رجل البنطلون بتاعي وخلتها تمسكه بايديها ام كف رقيق وضغير
وقفلته من تحت وعملتلها علقيه من الخيط الستان في رقبتها شنقتها يعني وبقت شنطه للمشابك بس حسن مسبنيش اتهنه بيها
عملها شنطه شربات ليه
ودي صوره المرحومه قصدي العروسه محدش يتخض
كل يقول اعوذ بالله من الشيطان الرجيم
[
المفروض كنت اكتب اصحاب القلوب الضعيفه متتخلش واللهي الاضاءه هي اللي موحشاها
ودي ازازه كاتشاب لزوم البطاطس كنت عامله منها كدا شكل بس جارتي اخدت منهم ودي اللي فضللي انا ناويه اعمل مجموعه تانيه
واللي علي راس الازازه ده طقيه عروسه كروشه بارضو شعرها اتقطع
دي بقي ازازه شامبو بانتين ال700 قطعتها ولفيت عليها خيط المكرمية وبقت علبه للفرش الاسنان
دي علقيه للاشاربات من حلقه المكرميه وخيط المكرميه بارضو
دول بقي خلخيل انا عملتلهم موضوع قبل كده وشالوا من هنا انا بحب القسم ده
مش بعرف ادخل اي قسم تاني غير المحتاره طبعا دي حاجه تانيه كفايه رغي شوفوا
بقي
انا عايزه دعوه حلوه لحسن حبيبي روح قلبي ربنا يخليه ليا ويجعله ابن صالح وبار بيا يارب
رد صغير مش هيضر واللي بالي بالك الي فوق ده ايوا الخمس لمبات عايزاهم ينورا
لومش هتكتبي رد ولا هتقيمي ماشي بس دعوه حلوه ليا انا وحسن وركزوا علي حسن ابني ولكم المثل
علشان انزل الموضوع الجديد اللي بعمل فيه دلوقتي ومصوره كل حاجه بس ادعوالي اخلص علشان انزله
الموضوع اللي جاي حمادة تاني خالص
صدقواني اللي فات حماده واللي جاي حمادة تاني خالص