سمسمه الحلوه

--------------------------------------------------------------------------------

كان فى مره بنت اسمها سمسمه
كانت سمسمه بتحب اوى الحلويات وكل شويه تاكل مصاصات وشيكولاتات وبنبونى كتير اوى وكانت جدتها على طول تقولها كده غلط ياسمسمه كده اسنانك تسوس لانها مش كانت بتغسل اسنانها كمان وكانت جدتها على طول تقولها بدل ماتاكلى الحلويات كلى الخضراوات احسن زى الجزر والخيار والخس والطماطم بس كانت سمسمه مش بتسمع كلام جدتهاوفى يوم خرجت الجده وتركت سمسمه لوحدها وفضلت سمسمه تدور على الحلويات وقالت انا هاكل بنبونه واحده بس لكن بعد مااكلتها قالت الله دى حلوه اوى هاخد واحده كمان الله طيب اشوف الشيكولاته دى طعمها ايه الله وفضلت سمسمه تاكل وتاكل لحد ما حست بالم شديد اوى فى اسنانها وفضلت تبكى وتقول اااااااه ياسنانى اه اااااااااااه ورجعت جدتها ولقيتها خلصت الحلويات كلها وسمسمه بتبكى بالم اسنانها واخدتها جدتها للدكتور والدكتور قالها اسنانك مسوسه ومش قويه عشان بتاكلى حلويات كتير ومش بتغسلى اسنانك ومش بتاكلى الخضراوات
فقالت سمسمه لجدتها حرمت ياجدتى حرمت انا هاكل الخضراوات بدل الحلويات وهغسل اسنانى على طول بالفرشاه والمعجون عشان السوسه مش تدخل اسنانى
خااااااالص