إذااحترقت لمبتكم وش تسووون فيها

بسم الله الرحمن الرحيم

إذا احترقت هاللمبة وش تسوون بها
تعالوا نشوف برا وش يسوون بها ،

اول شي يجمع له هالعده ( زرادية - سطل - اسمنت - مسمار ربط تقريباً مقاس 3.5 - سكروب - فرشة أسنان - ملعقة - عصا عشان يحرك به الأسمنت - طبعا موية عشان الإسمنت ) ،

اول شي بالزرادية وبالسكروب وبما يلزم نفتح الفتحة أسفل اللمبة لين تصير بالشكل هذا ،

وبالفرشاة والمعجون .. قصدي الموية ننظف ما بداخل اللمبة إلين تلق لق ،

بعدين نسوي الخلطة (سمنت + موية وشوية تراب ) ونحركها بعصا الجريش لين تضبط ،

الحين نحط الأسمنت جوا اللمبة ونعبيها على الآخر ،

بعدين نحط المسمار بالعكس يعني نخلي راسه جوا ونبدأ نعبي اللمبة بالإسمنت لين تفلل ،
وتخليه فترة تقريباً 72 ساعة عشان يجف الإسمنت ويصير يابس مثل الحصاة ،

بعد مانشف اللي جوا اللمبة تماماً نكسر القزازة حقت اللمبة ولا نبقي منها ولا كسرة ابد ،

تصير بالشكل الرخامي هذا الرهيب ،

نجيب الدريل ونفتح بالجدار فتحة ،

بعدين نجيب اللمبة اللي كانت لمبة قصدي وندخلها بالفتحة ،

طبعاً ابو الشباب تعب كل هالتعب عشان يعلق طاقيته جعله اللي مانيب قايله ،
المهم انه بيصير معلاق على الجدار بطريقة مبتكرة وحلوه ، وتقدر تحط اكثر من وحده جنب بعض

طريقة حلوة

تسلم ايدك ويعطيك العافية على النقل

طريقة حلوة جدا
وكمان احنا ممكن نعملها يد للباب
تسلم ايديك يا عمو اكرم

» قصص فيها حكمة
» سماء بكل ما فيها
» المشكلة مش فيها لكن فيك انت
» أخطاء يقع فيها الشعراء
» أخطاء تقع فيها اول مرة في الجيم