النهارده انا جايبلكم طريقه لفلفه الارشر لحد ال 130 والموضوع ده انا عملته عشان افيد الناس بصفه عامه والمبتدئيين بصفه خاصه
نبتدى على بركه الله
فى البدايه لفلفه الارشر مقسمه الى 6 مراحل وهم كالاتى
المرحله الاولى : (1-75
احنا فى المرحله ديه فى الاول هنعمل للاكونت الكام مهمه اللى فى الاول هيجيب بعدهم لفل 12
بعد كده احنا هناخد الاكونت وهنطلع بيه على البيرد وندخله تيم مع ارشر 120 او 130 واكيد ال 130 احلى
هتتلفلف مع التيم لحد لفل 70 خلال 3 ساعات تقريبا وبعد كده هتدخل الارينا وتجيب الهديتيين وتعملك الكويستات بتاعتك وتاخد الenlighten pointاو الهاند زى ما بيسموها كده انتا جبت لفل 75 بسرعه
المرحله التانيه:(75-88
المرحله ديه هتكون الكويسته بتاعتك فى الديسرت وزى ما احنا عارفيين بتبئى ممله اوى فاحسن حل انك تبتدى فى مهمات Job Center عشان تتلفلف بسرعه وفى نفس الوقت تعمل استفه عشان تعرف تلعب والمهمات ديه شرحها هنا
الشرح التام :- لجميع مهام " Jop Center " " الآيتم الفرى " بالصور
المرحله الثالثه:(88-100
[i]عملت مهمات الايتم الفرى وبئى معاك استفه معقوله خلال المرحله ديه انتا كل اللى هتعمله انك هتعمل كويستاتك كل يوم وتدخل الارينا وممكن انتا تعمل الكويستات لوحدك عشان تتلفلف او تخلى اى ارشر كبير يعملهالك وتفضل على كده لحد ما تجيب ال 100
المرحله الرابعه:(100-110
كبرنا خلاص وجبنا لفل 100 او حاجه لازم تعملها انك تعمل مهمه الفانا و التاور ودول الشرح بتاعهم هنا
بعد كده هتعمل نوب وتلفلفه لحد ما تاخد منه 2000 فى بى عشان تدخل اللاب
او ممكن تعمل مهمه تذكره اللاب عشان تدخل من غير فى بى وديه شرحها هنا
مهمة تذكرة اللاب {لدخول اللاب من غير 2000 فى بى
بعد كده هندخل اللاب من عند عم الحاج ده فى التاون سيتى
بعد ما تدخل هاتروح على الاحداثيات اللى فى الصوره ديه
المكان ده اسرع مكان يلفلف الارشر بلا منازع لحد ال 110 لان اللفلفه هناك بتبئى 1000/100 لكل ضربه اسكتر بمعنى ان كل عشر اسكترات بتاخد بسى وده بسبب انا الوحوش كتيره جدا وبتطلع بصفه مستمره والكلام ده عن تجربه شخصيه انا جبت هناك من ال 100 لل 110 فى مده ما بين 3 و5 ساعات
المرحله الخامسه:(110-120
فى المرحله ديه انتا تاخد الاكونت بتاعك وتطلع على الريد ديفيل وتعمل كل يوم الكويستات وتدخل الارينا ويا سلام لو معاك برينج ستون مثلا لو هو 3 ايام شغله الساعه واحده او اتنين بليل عشان تاخد منه 4 اكسبوشن من الماركت مش تلاته ومع البسيهات اللى بيدهالك وانتا بتضرب ووانتا قافله و لما تسيبه مفتوح هتجيب ال120 بسرعه وبرده الكلام ده عن تجربه شخصيه
المرحله السادسه
فى المرحله ديه احنا هنعمل الكويستات اللى بتبتدى من اول 120 وبنبتدى الكويست ده من الماركت من عند واحد اسمه Cloud Saintالكويست ده بيتعمل مره فى اليوم وبيديك بسيهات بقيمه 5 اكسبول والكويست الواحده انتا بتموت فيه 5100 وحش والرقم ده منقسم على اربع انواع من الوحوش والانواع ديه مش ثابته اول نوع هتموت منه 600 وحش والتانى 1200 وحش والتالت 1500 وحش ]والنوع الرابع والاخير 1800 وحش ولما تييجى تعمل الكويست ده الراجل فى الماركت هو اللى بيختارلك انواع الوحوش يعنى هى مش ثابته على انواع معينه
وفى طريئه تانيه عشان تتلفلف لل 130 وهى ان لو معاك واحد صحبك 130 او اعلى اطلب منه انه يدييك بسيهات وديه فى رائى اسرع طريئه للفلفه من ال 120 لل 130 بس لازم تكون ضارب اكسبوشن عشان تزيد بسرعه
الموضوع ده انا عامله بمجهودى ومش منقول ولا واخد فكرته من حدوالحمد لله انا مجربه كله بنفسى ووصلت الارشر اللى معايا لل 130 وبئدر ارفع دلؤاتى اى شخصيه لل 130 ديه كانت فى رائى احسن طريئه تلفلف بيها الارشر لو حد عنده فكره احسن يا ريت يئول عليها وميبخلش على الاعضاء بيها واللى عنده نقد على كلامى يئول ممكن اكون انا اولت حاجه غلط فيئدر هو يعرفنى انا غلط فى ايه ويفيد الاعضاء كلهم
ربيع رجب دسوقي مشرف
العمر : 31عدد الرسائل : 382بلد الإقامة : الفيوماحترام القوانين : العمل : الحالة : نقاط : 6280ترشيحات : 12
موضوع: الشرح الشامل للفلفه الارشر من ال1 لل 130 
21/3/2010, 23:53
