يالى بتسال عن مصر وجاهل مكانها
اسال كتاب التاريخ يدلك عن مقامها
مصر الابيه بلدالسلام
مشهوره لكل الدنيا بالامن والامان
واهلها طيابه واجدع الجدعان
نيلها بيجرى فيها شايل الخير
وناسها ملينين طيبه وحب للغير
جعلها رب العباد درع البلاد والدين
اسال كتاب التاريخ يالى جاهل مقامها
يحكيلك قصص اتكتبت بدم ولادها
لسه ندا صلاح الدين بيرن فى ودانى
فلسطين دى شرف الامه وحطين دى ميعادى
حطين يا غاليه علينا يسلم ادين نسرك
وعين جالوت الله يسلم ادين قطزك
ونداء وااسلاماه بيهز عرش الطغاه
ياريتنى كنت معاهم لاجل ما اردد نداهم
واكسب رضا الرحمن
ولسه يا سيدى امجاد متتعدش
وبور سعيد والسويس رجال متتهتش
وقفوا فى وش الغزاه جبال متتهزش
ولاهلهنا فى سيناء بطلات متتعدش
ياسلام عليهم رجال برغم المحن صبرين
احتار فى وصفهم الزمن
يلين الحديد ودول كما الجبل ثبتين
وإن كنت ناسي افكرك
في عز النكسه لينا بطولات تحيرك
شباب وقف كما الأسود صمم يموت ولا أنه يتحرك
سألت دمائهم كما شلال على رمالك
وهتفوا الدم غالي يا وطن والغالي يرخصلك
لا همهم عيله ولا مال ولا طين
ولاهمهم عدو ولا دبابات ولا قله التعيين
ما قالوش زي الى خان والجبان
انسحبوا الجبن سيد الميدان
و يا يا العبور فينك وحشني من سنين
وفين رجالك وروحك إلى تفرح القلب الحزين
يومها كنا عارفين احنا مين وعدونا مين
سلاحنا كان مرفوع لنصره وطن ودين
وبعدك عشنا في غيبوبه ثلاثين من السنين
وصحينا على صرخه شبابك
يا بلادنا ليه الذل حالك
ومسلمه خيرك للي خانك
إن الأوان يا بلادي تشدي عودك
إن الأوان تفتح ورودك
غيري توب الذل ده توب العز توبك
ولأجل خاطري بلاش تسلمي للكلاب من تانى مفتاحك
موضوع: وصف مصر 
30/7/2015, 02:39
