قصيدة أنبهرت فيك.

أنبهرت فيك

أنبهرت حيل بحسنك وبهاك
وتحريت كل مكان أنت تجييه
ولو ماشفتك يوم ماأدري ويش يصير
كن عيوني عيت تشوف في الدنيا سواك
وكن حبك من دهور في دمي يسير
وكن ماحد يوم وصل لحد غلاك
ياما تمنيتك بحب ترد علي
وتشعرني بغلاتي حيل وتغار
لكن ماهقيت غيرتك تطغا عليك
وأنا باذل كل غالي بعمري وراك
شدعوه ياحبي ومن أثر عليك
والله أكبر إن كان فراقي من مشتهاك
ياحلو عيونك وهي تشهد عليك
تصد عن كل قول واشي شالته برضاك
لوسألت قلبك أكيد بيرد بحب عليك
وينكر التهمة عني وهو همه رضاك
وحسبي الله كان أنك ماتريد
تبقي بقربي وأتنفس هواك
لو تشوف في الدنيا شيصير
لابعدت وماهمك من بغاك
تذبل أوراقي ويعتريني الخريف
إذا ما منعت أيديني تلامس يداك
ناعمة أيدينك كما ثوب الحرير
وناعسة عيونك كم عيون الغزال
ولو توجهها نحوي فيني وش يصير
أنفني من الدنيا وتحرقني الحياة
وماتلاقي في دنياي غيرك أبيه
وأنت محبوبي اللي سري معاه
ولو سمعت أنك مريت وسريت
وأنا ماشفتك كأن اليوم فات
وماأنحسب من عمري وصار ثقيل
ياحسافة ش مرها بدونك هذي الحياة
بعد كل هذا ماعندك يقين
أن قلبي في حبك تاه وحار
ياحلو هاذيجك السنين
وكم تهنينا فيها والعشق صار
وطار ورفرف وحلق يبيك
وأنت في ذهنه دليله وبليله فنار
يامضوي في دنيتي كل الشموع
شعلامك مرتبك وحاير وفار
من حبيبك اللي أنته منيته
وهو عشانك يعدي كل البحار
ولو شكيت لي أكيد بتستريح
وينور وجهك من جديد بكل وقار
لحد عندك كل شئ يوقف مايسير
إلا إذا أنت أذنت له بقرار
ياجعل ربي يحفظك لي حبيب
وماتشوف مكروه ياعمري اللي صار
من عرفتك وسنيني تنير
بدر مصور وتجيني وأباك
وياعساك في يوم ماتنسي المكان
اللي نورته بحضورك يارعاك
يخفق الخافق علي صوتك أبيك
ويتمني الوقت يطول لوأهو رأك
وينحسب عمري بس من يوم تبين
وفدوة تسوي العمر لهو في يوم فداك
ابن سينا.

الطبيب ابن سينا
مستوي القصيدة فوق التقييم فلا لهجة حالت دون فهمها ولا جهلي بالقواعد حال دون معايشة حرفها
دمت متمكن

جميلة ولو انها فيها قسوة شوية بين السطور

ماشاء الله لا قوة إلا بالله
لك أسلوب شعري يحس لك
بارك الله فيك

لدي سؤال
ألم تحاول إخراج أعمالك كما فعل محمد ربيع
فأنت تستحق ذلك