اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
مسحراتى منقراتى
على طبلتى
والليالى طوال
ازعق بصوتى
على دنيتى
وعلى قهرتى
وعلى كل واحد
يشبه خلقتى
فى الضـلمة او فى النور
يامراكبى ياللى
تايهه فى عمرى
غنى لى غنى
ع السمسميه
أرفع فى صوتك
وأرمى بياضك
وافرش قلاعك
هواك يقولى
البحر بحرك
والريح جناحك
و الشبكة فاضيه
فتحوا جراحك
والبخت ميل
مع ميل شراعك
سرقوا دموعك
شفطوا كفاحك
سنين طويلة
واحنا نطاطى
لغراب بينقر
يجرح فى راسى
يضرب بفاسة
ويكسر لى فاسى
دة حوت بيبلع
ودة قرش قاسى
قطع شباكى
وكتير مآسى
سمكى و صايدة
وماقدرش ادوقة
وارجع مطاطى
ماشى بحاراتى
اعزف نياتى
واصرخ و أهاتى
وأصحى فى النعسان
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم
أبو العلاء أحمد حرز
موضوع: ........ مسحراتى 25 يناير 
18/8/2011, 11:00
