مسحراتى 25 يناير
أصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
مسحراتى منقراتى
أمشى فى حارتى
واصرخ واهاتى
أنسى عاهاتى
وأصحى فى النعسان
أعرج وماشى
ساند غباشى
اقوله غنى
يقول طناشى
دا الايد قصيرة
والعين بصيرة
وفكرى شارد
مليان مآسى
تاهت دماغنا
ضاعت عيالنا
على القهاوى
وعلى الكراسى
دى الدنيا ضلمه
والضلمة عتمه
غرقنا فى كفه
ومافيش مراسى
اهو راح فى داهية
من غير مقاطعة
بسبب عمايلة
ومالهوش راجعه
خلانا نهـجر
نسيب بلادنا
وولادة تهـبر
فى مال ولادنا
ياصاحبى ارفع
إديك وصلى
وأركع لربك
تلاقيها فللى
وانا لسه هامشى
شايل مآسى
وماعدش ينفع
نقول طناشى
وماسك فى يدى
عم غباشى
أذكر فى ربى
وأصحى فى النعسان
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت
كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم
أبو العلاء حرز
12 من رمضان 1432
12 من أغسطس 2011
موضوع: مسحراتى 25 يناير ... 13 
12/8/2011, 19:28
