.... مسحراتى 25 يناير
أصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
مسحراتى منقراتى
ماسك لسانى
فى قول كلامى
مع أنى ضايع
وسط غيطـانـى
الغالى بطرس
أجرلى بيتى
وخد عمولتة
من شرخ حيطى
عايزنى ادفع
ثمن المنام
علشان ما نحصد
بعنا البهايم
لوزير بيرصد
يحسب غنايم
سأل حمارى
عن فقر جارى
شكيت لة حالى
مات الكلام
والمشي طاب لي
والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي حته من موال
اصحى يانايم
وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
رمضان كريم
أبو العلاء حرز
العاشر من رمضان 1432
العاشر من أغسطس 2011
موضوع: مسحراتى 25 يناير ... 10 
10/8/2011, 20:38
