أكرم عبد القوي __________
العمر : 57 عدد الرسائل : 23180 بلد الإقامة : مصر احترام القوانين : العمل : الحالة : نقاط : 36942 ترشيحات : 136 الأوســــــــــمة :
| موضوع: عاكسيني ينوبك ثواب 10/5/2008, 16:04 | |
|
منذ خمسة عشرة سنة ... أيام الشباب ... كنت مدعو لإجتماع مجلس إدارة هيئة رياضية فارتديت إحدي ملابسي الرسمية الفاخرة وذهبت للنادي حيث مقر الإجتماع فلم أجد أحدا إطلاقا فوقفت علي بعد أمتار قليلة من منتدي نسائي يزيد العدد فيه عن الثلاثين وكان شغلي الشاغل أين أجد أصحاب الإجتماع ... دارت عيناي بلهفة يمينا ويسارا وفي كل اتجاه " عدا الاتجاه النسائي لأني مؤدب طبعا " لعلي ألمح طيف أحدهم ولكن قطع تركيزي بعض الكلمات والتي فطنت سريعا أنها موجهة لي من هؤلاء النسوة
الأولي ... بتدوري علي مين يا سناء ( تقصدني طبعا )
الثانية ... مش عارفة أنا ملهوفة قوي كده ليه
ثالثة ... يظهر اللي بدور عليها أديتني مقلب
الجميع ... ههههههههههههههه خخخخخخخخخخخ
الرابعة ... بس يا ثناء أنت متشيكة علي الآخر
خامسة ... وإيه يا بت الوسامة والوجاهة دي كلها
سادسة ... أمورة قوي يا سعاد تجنني يا بت
أقول لنفسي والبلاهة تقطر من عقلي ههههه أنا سعاد .. أنا أنا سعاد .... وكل ذلك وأنا لا أنظر عليهن أو تجاههن .... بصراحة . آثرت أن لا أنظر إمعانا في إعطائهن الفرصة لتكملة هذا الفاصل الشيق من المعاكسة
السابعة ... بقول لك إيه يا سوسن سيبك منها وتعالي اقعدي معانا
الجميع مثل الكورال ههههههههههههههه خخخخخخخخخخخخخخخ
وأنا أقول لنفسي ... وكمان سوسن مش كفاية سعاد وسناء .. مش مهم ... !!!
الثامنة .. بس أيه العسل دا كله يخرب بيت جمالك
وأنا ما زلت في سكرة إرضاء الغرور وأقول لنفسي .... هما صحيح قللات الأدب بس دمهم خفيف !
التاسعة .. ما بلاش التقل ده .. ما تبص هنا
العاشرة .. احنا خدنا إيه من وشك عشان تدينا قفاك
أقول لنفسي .. ياااااااااااه الجاذبية بتاعتي جامدة قوي للدرجة دي .. دا أنا ما كنتش عارف قيمة نفسي .
العاشرة .. ولابسة كرافت ليه .. دا الدنيا حر وانت من غيرها عسولة خالص ... ايه التقل ده .. ياواد يا تقيل
وبعدما تأكد لي أنني محطم قلوب العذاري وتشبع الغرور وأصبح لدي منه مخزون استراتيجي يكفي لعشر سنوات قادمة .. فقلت لنفسي بحزم
لابد لي من وقف هذا الهزل وهذه المهزلة الأخلاقية بنظرة نارية تعيدهن لصوابهن ... دا حتي عيب والله هما ماشافوش واد حليوة قوي قبل كده
فنظرت لهن والشرر يتطاير من عيناي
فأسقط في يدي وكدت أقع من طولي
حيث وجدتهن جميعا أعضاء نادي المسنين بالنادي وأقل واحدة فيهن تعدت السبعين سنة
فجرجرت أذيال الخيبة وحدثت نفسي بألم .... وا حسرتااااااااه .. واخيبتاااااااااااه اشرب يا جميل لقد أصبحت محطم قلوب العجائز والمسنين بدلا من العذاري .. ولم يجدن ما يكسر مللهن غير التضاحك عليك ... مشيت وعيناي تسألهن سؤال ... ما فيش واحدة جايبة حفيدتها معاها يمكن تعاكسني ينوبها ثواب
|
|
ماريان نبيل عضو نشيط
عدد الرسائل : 265 بلد الإقامة : وطنى الغالى احترام القوانين : العمل : الحالة : نقاط : 6147 ترشيحات : 1
| موضوع: رد: عاكسيني ينوبك ثواب 10/5/2008, 18:51 | |
| هههههههههههههههههههههه رووووووووووعة تعيش وتاخد غيرها |
|
القائد عادل مراقب عام
العمر : 63 عدد الرسائل : 785 بلد الإقامة : مصر احترام القوانين : العمل : الحالة : نقاط : 6157 ترشيحات : 10 الأوســــــــــمة :
| موضوع: رد: عاكسيني ينوبك ثواب 10/5/2008, 20:56 | |
| اخي الفرعون الفصيح
قصتك رائعة واستطعت بحنكة الفنان ان تحافظ على عنصر التشويق حتى النهايه
سلمت يداك اخي الحبيب[b] |
|
الأدباتي عضو مجتهد
عدد الرسائل : 369 نقاط : 6025 ترشيحات : 1
| موضوع: رد: عاكسيني ينوبك ثواب 12/5/2008, 00:11 | |
| تستاهل يا أستاذ أكرم ههههههههههههههههه |
|