هتروح فين فى شم النسيم ؟ انا عن نفسى هزور مركز من مراكز بيوت

بسم الله الرحمن الرحيم

شم النسيم
مناسبة وان كانت قديمة بعض الشىء
فهى لا تزال جديدة فى نفس ذات الوقت
فنحن مثلا لم نسمع ان عنترة كان يحتفل بشم النسيم على نهر الحبشة
او ان انور وجدى يخرج مع خطيبته ليتمشيان على كوبرى قصر النيل ويشترى لها وردة بجنية من البنات اللى بيلفوا على الكوبرى
ولا بيتهوفن خد الجيرل فريند بتاعته وراح بيها على المعمورة ولا المنتزة فى الاسكندرية

عمرنا ما سمعنا عن الكلام ده ؟
.
.
السؤال اللى دار فى بالى هروح فين فى شم النسيم
طيب وهعمل اية فى رأى بعض الشيوخ اللى بتقول ان الاحتفال بعيد النيروز ( شم النسيم ) حرام حرام حرام
وان الاحتفال بيه بدعة
وكل بدعة ضلالة وكل ضلالة فى النار
.
.
بغض النظر عن انى مش مقتنع بأن الاحتفال بيه حرام
لان مش شرط انى احتفل بحاجة مش كويسة
وبردو مش لازم انى آكل فسيخ ويجيلى تسمم
واقزز ترمس
او ادخل السينما باللب
او اروح مكان فيه بحر واتفرج على البنات
او اتمشى فى اى حته فيها زحمه .. ومحدش يفهم غلط انا اقصد عشان الجو بيبقى ربيع فلازم زحمة عشان احس بالدفا والامان
بردو مش لازم انزل من البيت من اساسه
اية المشكلة لو شغلت قناة موجا كوميدى
وشفت المحقق كرومبو وهوة بيحل لغز مين اللى سرق الفسيخ
.
.
لكن السنة دى قررت اعمل حاجة مختلفة
حاجة متعارضش الدين
ما اخدش بسببها ذنوب
واثبت من خلالها ان الاحتفال بشم النسيم مش حرام
.
.
فافتكرت ان يوم اليتيم كان اول جمعة من ابريل يعنى كان اول امبارح
فكان قرارى انى هزور مركز من مراكز بيوت الايتام
وبكده هحقق المعادلة الصعبة
.
.
هحتفل بشم النسيم مع اليتامى
وهعمل خير
والخير اكيد مش بدعة
ولا اية ؟
ده غير انى هحس انى بعمل حاجة جديدة اخيرا وبكسر الروتين
.
.
يا ترى انتوا هتعملوا اية ؟

.
.
* تحياتى
* مصطفى الأعصر

طرح جيد يا أخي الحبيب وأستاذي الكريم صافي بك شان

وأنا كالعادة أقضي شم النسيم بالمنزل فهو أجمل مكان في هذه الحالة

بعيداً عن زحام الشوارع والمواصلات ووجع الرأس .. أما بالنسبة

ليومك مع الأيتام فهذا من المؤكد أنه كان يوماً جميلاً وجعله الله في

ميزان حسناتك .

أستاذي الحبيب .. دام قلمك متألقاً ومتأنقاً ودمت نجماً ساطعاً

أستاذى الكريم والأديب صافى شان

مقالة جيدة وقيمة فى فحواها

شكرا لك أستاذى وفى انتظار القادم

***********

واما عن شم النسيم قضيته مع العائلة فى جو اسرى جميل

انا عن نفسي هاقرأ مفالك في شم النسيم ههههههههههههه

» بيوت للعصافير
» بيوت لا تدخلها الملائكة
» شم النسيم }}}}
» في حضن النسيم
» كان نفسى