(أرجوك محتاجه وقت ) أغنيه مسجله

أرجوك محتاجه وقت


أرجوك محتاجه وقت ألم فيه روحى
وأحس بأنى فوقت من حزنى وجروحى

مشاعرى بصراحه أأقدر أحددها
بهدؤ وبالراحه وبعقل أرصدها
مش لعبه هتاخدها تزهق وترميها
تنسى ولا يهمك دموعها فى عينيها
أيه يشغلك بيها ماأنت خلاص لعبت
أرجوك محتاجه وقت

كفايه ماجرالى من وجعى و جروحى
بدل فى أحوالى غيرنى من روحى
بقيت أنا مش أنا ولا عارفه نفسى مين
تعرفنى من عينى فيه دمعتين فاضلين
حلفت تانى ماالين ياما كتير صدقت
أرجوك محتاجه وقت

أنا باخد أحتياط من خطوتى الجيه
وأربط قلبى برباط وأحكمه شويه
أوجعنى بأيديه ولا حد يوجعنى
كلمه هقولهالك من فضلك أسمعنى
الصدق ضيعنى دلوقت بس فوقت
أرجوك محتاجه وقت

مش عايزه أنسى بيك وأجرح قلبك فى يوم
أرجوك بعيد خليك ما تزودش الهموم
مش ناقصه أى لوم ولا أحس يوم بذنب
ولا عايزه أنطفى ولا أعيش بنص قلب
ولا محتاجه حب أنا خلاص تعبت
أرجوك محتاجه وقت

شكرا غشر مرات ع المدح والأطراء
ياأشعر الشاعرات وأميز الشعراء

حتى فى ردك تصنعين حاله شغريه متميزه الأخت الشاعره المتميزه بسمه تتسابق الأفكار وتتصارع المفردات داخل عقلى تحاول دون جدوى ....كل الكلمات لا تليق فى وصف أمتنانى لتواجد شاعره تحمل فى وعيها التصور المثالى للكتابه الشعريه أشكرك على هذه المتعه السمعيه التى أحدثتها كتابتك بى ..دمتى أخت تأزرنى وأساندها وأرحب دائما بتواجدها

جاسر

الله يا استاذ جاسر جمال الدين الشاعر ياترى الأغنية دى متلحنة؟

يا اخي انت تمسك القلم باحترافية شديدة وتصب النغم وكأنك ناي حزين مرة وكأنك فرقة سيمفونية كاملة مرة لك استاذية معلنة من غير كلام

الصديق الجميل محمد مبارك أشكر مرورك الأغنيه متلحنه وهتظهر قريب فى النت بس فيه أغنيه موحوده أسمها حب تانى غناء أبراهيم توشكى ممكن تحملها وسعيد بمعرفتك
جاسر

أيام زمان الصديق الدائم متابعة أعمالى والذى أعتز بكلماته الراقيه التى تنم عن ثقافه واعيه مدركه لأليات الأبداع عموما ..أكن لك يا صديقى كل الموده والحب

جاسر

الأخت الفاضله الأستاذه عبير أرحب بتواجدك المشع بالرقه والأحترام
ادامهم الله عليكى ...وأشكرك على ردك المشجع وكلماتك البسيطه الرائعه
جاسر

أخي وصديقي الشاعر الواثق الخطي جاسر بك


لا أعرف لماذا كلما دخلت لقصيدة أو أغنية لك أشعر بأنني أدخل بستان خلاب


فعندك دائما أجد ألوان كثيرة وروائح فريدة لا أجدها إلا عندك وفي متصفحك


وعلي الرغم من من أن الأعنية تحمل العتاب وبوادر الفراق وتحمل الكثير من الشجن إلا أنها تخلوا من الصراخ والعويل


وهذا أمر تحسد عليه


فبدأ مطلعها هادئ ورزين ( أرجوك محتاجه وقت ألم فيه روحى
وأحس بأنى فوقت من حزنى وجروحى )


وظلت أغنيتك تحمل نفس سمتها الأولي ولم تتخلي عن هدوئها


أنا باخد أحتياط من خطوتى الجيه
وأربط قلبى برباط وأحكمه شويه


وجاءت الخاتمة تحمل نفس قوة مطلعها وهدوءه


أرجوك بعيد خليك ما تزودش الهموم
مش ناقصه أى لوم ولا أحس يوم بذنب
ولا عايزه أنطفى ولا أعيش بنص قلب
ولا محتاجه حب أنا خلاص تعبت
أرجوك محتاجه وقت


أخي الشاعر

إذا حسدك حاسد فالتمس له العذر

وأنا أولهم