أغنى لمين

عبير عبد القوى كتب:

أغنى لمين ؟؟

أغنى لمين .. مدام أحبابى مش جنبى

وده معقول

وصبرى منين .. ما دام فى القلب نار حبى

وجنبى عزول

من اللايمين .. بخبى عيونى يا ربى

وليلى يطول

قالولى فين .. شاورتلهم على قلبى

هنا على طول

ياغنوة استنى أحبابك ... ليوم التار دعتهم مصر

وبكرة يعودوا لرحابك .. وفى اديهم ريات النصر

ساعتها الدنيا .. راح تسمع بقلب جديد

ملاه الفرح

ولحنك يبقى فى فؤادى ... ملان تغريد

لا نار ولا جرح

وتبقى الدنيا حولينا .. شموع وورود

سنابل قمح

وأغنى لفرحة الأمة ..وقول اناشيد

واعلى الصرح

وأغنى لسينا والجولان .. لأهل الضفة

للشجعان

وقول للقدس ولغزة .. بقوة رجعنا ويإيمان

فى يوم النصر ع الباغى .. فى يوم التار

فى زحف النور

راح اصنع عقد لبلادى .. من النوار

درر وزهور

وعقد لكل من جاهد .. من الأحرار

بقلب جسور

لكل شهيد صبح دمه .. سلاح وشعار

وشعلة نور

عدور يا غنوة ندل جبان .. وزى مكان هايقى شريد

بشير النصر هل وبان .. ويوم عن يوم فرحنا يزيد

......................................................

ماشاء الله على النفس الطويل والموضوع المترابط واختلاف القافية والموسيقى الجميل .. شعر سلسل بلا تعقيد

جمل غاية فى الروعة ........ وقلب جسور

شاعر والشعر دة صنعة ...... يعوم فى بحور

تصبح الشطرة و القافية .... فى كفة زعور

وشمس حرفة دى صافية .... وليلة ديجور

غنى وأشدى الحانك ...... .. لكل عزول

تعرف مين أحبابك ......... ومين مغلول

ومين شاكى لحسادك ...... ومين بيقول

جعلت الكلمة قدامك ...... عليها عبور

تنور ليالى الحب ....... وعقلى يثور

زجال وشعرة بالقلب .... ونارة تفور

ماينطفى فى البدن صب ... والقلم بركان

ساطع عن حدود الدرب .... بدون أعلان

ومحرابك حديثة حب .... صلاة وأذان

...... ارجوا ان تتقبل مرورى السريع رحم الله الشاعر ولى عودة

أستاذى الشاعر الأديب أبو العلاء

لا أجد ما يفى قدر كلماتك

ولا املك من ابجدية الأحرف

سوى عبارة الشكر وهى لا تكفى

جزاكم الله خيرا

وفى انتظار عودتكم

دمت بكل الخير