ديوان الكاتب والأديب الجواد البري .. أبو مازن

توب الأصيل

وجت باكية على اللي راح منها

دموع فاضت وجرحت لها عينها

وجاية لي فاكراني راح أعينها

لكن إنسى وإدعي ربنا يعينها

تشوف غيري واحد من ملاعينها

لإن الزيف ستار اللي راعيينها

لا يمكن أبداً أصدقها وأدعي لها

قليل الأصل لا تعاتبه ولا تلومه

ولا تأتمنه لو حتى على هدومه

لكن الأصيل توبه طويل

ساتر له جسده

وف قلبه مشعل نور

مهما زمانه يدور

تلقاه وتحاسبه

ويخاف عليك م الغير

وبإيده يزرع خير

ويطيب لك نسبه

كثير اللي يحبونك

كثير اللي يحبونك

وأكثر حبي أنا منهم

ولو أشعرت في عيونك

لكان حرفي بمكاتيبهم

كم إشتقت للمساتك ...لهمساتك

لكن في قربي أسعدهم

يظنوا كلام ويرموا سهام

وأنا تضنيني كلماتهم

ويكفيني أكون عاشق رغم البعد

كفاية تكوني فهماني

ولا يفصلنا أبداً سد

وأغنيلك في موالي

وتبقي نجمتي ع الأرض

و أكيد في يوم حنتلاقى

ونجني حبنا والسعد

كثير اللي يحبونك

قليل من يفي بالوعد

يكون مثلي أحب بصدق

وعاش عُمره محافظ ع العهد

أعياد أكتوبر

يا رب كتر أعيادنا

وخلينا من نصر لنصر

وإرفع راية حقك دايماً

كيد أعادينا ف يوم النصر

مصر بلدنا أم الدنيا

ومن غيرك حنحب يا مصر

يا اللي ترابك يشهد ليكِ

وبدمانا نسطر غناويكِ

يا عروسة الله يحميكِ

ويصونك ف كل عصر

يوم نصرك ده أجمل عيد

أفراحنا جواه بتزيد

وولادنا بيشاهدوا عبورك

وجسارتك عبر الأجيال

أعادينا بيقولوا حنفشل

فضربنا لهم ألف مثال

ورفعنا علمنا في سماهم

فاكرينا راكبين أفيال

ده أحنا حضارة ومجد وعلم

ما يهمش نفقد أرواحنا

ما يهمش لو ننزف دم

اللي يهم إننا نحمي أعظم أم

نجري عليها وهي تضم

يا رب أنصر أولادنا

وخللي الخير جوانا يعم

هليت يا عيد

هليت يا عيد

والخير بقدومك طرح

وف توب جديد

جاي علينا بالفرح

بعد الصيام ، بعد القيام

بعد السكينة والأمان

القلب وياك إنشرح

ع المسلمين دايماً سعيد

دايماً قريب مش بعيد

يارب دايماً طيبين

وحالنا دايماً منصلح

ونقول أمين يا مؤمنين

وما فينا راكع ينجرح

هليت يا عيد

توبك جديد

وأرواحنا وياك تنشرح

كازانوفا !!!!!

عجبي عليك وأه يا زمان

م اللي كذب وباع وخان

راجل رقاص ولا لهش أمان

الوش خسيس كله ألوان

وليه تعتب على أمثاله

ما دام الأصل مش طيب

وليه تحرص على وصاله

ما دام خلقه ما هو طيب

زمان فيه الأصيل يتهان

ويبقى العبد فيه سيد

يسود بنفاقه من حواليه

ويتأمر ويتسيد

وبعد ما كان كما الخرقة

نفش ريشه وإتمدد

وفاكر نفسه كازانوفا

ويتكلم كما النسوان

صحيح يا زمان بليتنا بكل دي الألوان

نقول عجبي عليك مرة

ونترحم عليك مرة

ودايماً الحقيقة مرة

وياما بتحوي من ألوان

الخسارة في السيجارة !!!

مش شطارة

أو مهارة

إني أكون عبد السيجارة

دي الخسارة في السيجارة

فيها موتي وهلاكي

دي شيطاني مش ملاكي

إوعى يوم تجري تحاكي

ده اللي يشرب يوم سيجارة

يبقى طول العمر باكي

واللي فكر فيها مرة

ده حياته تبقى مرة

لما تتبدل حياته

وصحته تبقى مماته

واللي بيشيلوا رفاته

يضحكوا في يوم وفاته

أصل أخر أمنياته

كان سيجارة

مش شطارة أو مهارة

اني اكون عبد السيجارة

هل هلالك يا رمضان

هل هلالك شهر مبارك

جاي منور كل الكون

إشتقنالك ولنفحاتك

أيامك لها طعم ولون

جاي بخيرك ...كتر خيرك

نتمنى وجودك ويانا

والصحبة تفضل جمعانا

ونولع كل الفوانيس

مين غيرك يجمع الأحباب

وف تراويحه ننسى همومنا

ويرزقنا بخيره الوهاب

منتظرينك لهفة وفرحة

وضحكة بريئة من الأولاد

لما زيناتهم في إستقبالك

بيعدوا لها ف كل ميعاد

هل هلالك شهر مبارك

إشتقنا لك وأيامك دايماً أعياد

على غيري إلعبي

على غيري إلعبي

وحققي عنده طموحك

إخلعي بعيد عن دماغي

وخرجيني من نافوخك

قلبي مش لعبة ف إيديك

أنا برجك مش سطوحك

واللي يهوى واحدة زيك

يبقى يتحمل جنوحك

في المرايا شايفة نفسك ؟؟؟

زي لعبة ودمية تافهة

والحياة من غيرك أحلى

صدقيني أكيد في يوم راح تتعبي

مهما غيري من الرجال حتدوبي

لما منك يشبعوا راح يهربوا

حتعيطي وحتلطمي وحتعرفي

قيمة المباديء اللي فيها بتحرقي وبتخبطي

وإن السعادة والقناعة مش في حاجة تقعدي لها تخططي.

ألووووووووووووو !!!1

هو : ألو

هي : ألووو ...مين ؟؟؟!!!

هو : مش عارفة صوتي ؟؟!!!

هي : أسفة ...إنت مين ؟؟؟

هو : أنا حب عدى عليكِ من سنين

أنا ذكرى حلوة جاية م الماضي الدفين

هي : مش عارفة برضه إنت مين؟؟؟

حترد ولا حأقفل السكة في وشك

هو : يا نهار أبيض ...أد إيه أنا وشي عانى

م التعاسة وم المهانة

إلا إنتِ ...ده أنتِ يوم ظللتي عشي

جاية بعد غياب سنين تقفلي السكة في وشي

هي : خلاص عرفتك التمس لي ألف عذر

هو : مين يسامحك زي قلبي لو غلطتي حتى دهر ؟؟؟؟

علشانك قلبي عايش وعواطفي مثل جمر

هي : لسه فاكر ليالينا ؟؟؟

هو : لسه فاكر كم عانينا !!!!

وكيف ضحكنا وكيف سهرنا كل فجر

اللي زيي يحب يخلص لوليفه وإنتِ كنتِ ف عيني بدر

هي (تضحك ) : مش حأشوفك ؟؟؟

هو : كان بودي أكون معاكِ كل عمري

لكن الأيام بتلعب بينا لعب

من زمان وأنا ملك غيرك

لما رحتي وسبتي طيرك

مش بأعاتبك أو ألومك

لكن الإحساس بغربة كان بصدري مثل شرخ

بس قلت أكلمك ..وحشني صوتك من زمن

والسنين بيا بتجري والجسد صابه وهن

قلت أحقق رغبتي وأهمس في ودنك

إني حأفضل طول العُمر فاكرك

هي : أرجوك ما تقفلش الخط ...ألوووووووووووو ...ألوووووووووووو

لو تسأليني عمن أُحب !!!

لو تسأليني عمن أحب

لأجبتُ: أنتِ

قد تعجبي

وتقولي : كيف؟؟؟

هل تمتلك عشرون قلب؟؟؟

إفعل بقلبك ما تشاء

لكني أمضي في الطريق

لستُ كغيري من النساء

كونك تحب رؤيتي

كونك تهيم بلمستي وبهمستي

لا يعني أني قد أريد بجانبك البقاء

وأقول ضاحك: أين الذهاب حبيبتي؟؟؟

قلبي كبير يضم عشرات القلوب

فإنصتي

يكفيك عمري إنني أحببتكِ

أتريدي غيري ؟؟؟؟؟

إذهبي

لا تمسكي بمعصمي

هذي حياتي أعيشها

رجلٌ وحيداً فوق ذاك الكوكب

من حقي أعشق من أشاء

بغير خوف

فإذهبي

لا تنظري خلفك

هيا لتلحقي موكبك

وتذكري لن أقبلك

حين رجوعك

لن أكون بمفردي

فسأجد قلباً خالصاً

يبغي الحياة بجانبي

» إنقذوا الجواد البري !!!!!
» رباعيات الجواد البري
» الجواد البري ولقاء مع العقيد القذافي !!!
» الأعمال الأدبيه مجمعه للأستاذ/ الجواد البري
» الجواد والغراب والبومة