عنى وعن الشعراء مجدى الجابرى رحمه الله /صادق شرشر/يسرى حسان
كتب عنى أيضا أ. سيد الوكيل ..د حاتم على عبد العظيم .. د أيمن بكر .. د أشرف عطيه
كتب عنى أيضا د محمود العشيرى ..رؤيه تحليليه بعنوان (بصيرة الوهم ) عن ديوان (شوية وجع )
بسم الله نبدأ
عدل سابقا من قبل عبير عبد القوى في 3/7/2011, 08:32 عدل 2 مرات
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 14/6/2011, 00:04
بحاول أتفادى نفس المطب مش بحاول انتحر انا كنت ماشى جوه شارع عتمه خالص قلت أحاول يمكن الحق ضحكتى قبل ما تركب المترو .. وتخلع .. قلت احاول يمكن اتفادى المطب معرفتش التقنى جوه راسى .. ابتديت اهدى من اعصابى حبه اشرب نصايح تلج خالص واتكل على كام جونتى .. لما اسلم على البشر واترسم فوق البيبان طياره زرقه .. وحمامه بايضه جوه غار وكعبه ملفوفه بهياكل حج مبرور السنادي .. واللى جايه .. واللى جايه كنت منلزوق عالكاسيت تكت استيراد الصناعه مش فاكرها .. اعتقد meed in japan اداريت مالقصف لما انتهى واشتريت علبة سجاير امريكانى واتعايقت بضحكتين (لجون كيلى ) نفسى اتفادى المطب .. ومتشنكلش فيه خبطت عالباب - مين - مين اللى بيخبط -.....................؟ معرفتش .. من وقت احمس والبلاستيك سايح وبينقط في مخى الشيخ بيلعن الفرعون ويضحك - يلعن ابوك
- الله يسامحك
انا ماشى جنب الحيطه ما بتشاكلش والساعه سبعه بنسحب .. اطفي دماغى عشان اشوف الاسماعيلي بيلاعب الزمالك يعنى متظيت توماتيك الدش كان متعمد انه يخضنى - بص .. انا هشتكيلك منى - ................ انا كنت زمان زبون دلوقتى بقيت زبون نفسى اتاجر في الفيران بس اللدمغه مقروضه جاهز الشاويش يشيل عربيةالقوطه يقلبها على جنب الرصيف - مش قصدى .. دست على قلبك فعصته - ................ - حاسب ياعم .. ده ما كانش قلبى - ............ والله بحاول لسه اتفادى نفس المطب - الفاتحه ليهم - .................... مدرس التاريخ بيفتح شنطه ويطلع قرد متفرنج ببدله سبور وأرنب بياكل في العيال النونو خالص ويقرمش الشبسى بضراوه وصوره باهته ممسوحه من عند الدماغ واضح انها تشبهه يدفن دماغه جوه التخته ولما يقوم يمشى من غيرها ببساطه يخش في الـ play stion .. مصارع غبى . بيحركه .. عيل غبى الصفحه لسه مانتهتش لسه ياما تقدر تشيل جنب العصافير والشجر سلاح كيماوى .. لمض جاز .. وشوارع لسه ماندستش بحاول أصلى خايف – آسف – أصل حالف اتفادى المطب أخبى في عبى موتى ...وأجيلك في الكريسماس واشربه مره واحد قدامك عشان تقوليلى
وانا ميت اجنن ولا لأ
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 14/6/2011, 00:05
حدوته
أصل الحكايه مش كده اسمعها منى هقولها زي ماتقالت تمام في يوم قديم .. كان شكله اصفر وكان بيتلون بخوف الأرض شقت سدرها وطلعت كائن غريب كان نصه يشبه الإنسان .. والنص التانى كلب الناس بقت مدهوشه خالص خبطت كف القلق .. فنجلت عينها بغرابه ياترى دى علامه وبكره هتقوم القيامه .. ولا اخرة مانتهى العلم الحديث .. .. قول يومين عدوا والكائن الكلب المأنسن بقه قد عيل سن رابعه ابتدائى استغربوا اكتر .. وقالوا يسألوه جيت منين أو انت مين هز ديله وقالهم .. روحوا اسألوا عموا الحكيم - نروحلوا فين عموا الحكيم - قاعد هناك فوق أعلى حته من الجبل هيدلكم انا أبقه مين لموا تلاته اربعه كده نفسهم وقالوا نطلع الجبل يمكن نلاقي جواب سؤالنا ولو لقينا المسخ ده بيضحك علينا يبقى لازم نقتله اسبوع بحاله بيطلعوا الجبل الكبير لما وصلوا لغاية الآخر تمام لقوا بيت قديم مبنى بالطوب الحجر .. ومكسى من سعف النخيل قول خبطتين عالباب تلاته فتحلهم كائن غريب أخضر قوى ورجليه طوال ورقبته قد السمسمه وشه الرمادى بطول دراعه خافوا .. ورجعوا خطوتين كده لورا سألوا بتردد – انت مين قالهم : انتوا اللى مين قالوا عالقصه لغاية مشيهم قالهم طب ثانيه واحده اندهلكم عموا الحكيم طلع لهم راجل عجوز .. دقنه الطويله مجرجره بتشنكله وعنيه مدمعه على مر أيام السنين تجاعيده واضحه زي تمثال من برونز ضحك لهم .. وقالهم – جايين عشان المسخ مش كده استغربوا .. سألوا بقلق ..مين اللى قالك قالهم ماتسألوش واتفرجوا بصوا على الكهف .. التقوه مليان مسوخ اللى مقطوع الودان .. واللى مافيهوش بق خالص .. واللى ماشى عالدماغ - الحل ايه - ده سؤال كبيرهم للحكيم – رد الحكيم ملهاش حلول الكائنات راح تنتشر .. تملى البيوت ابنك هييجى زيهم .. بنتك كمان وهنبقى احنا شكلنا هوه الغريب بعدها .. طبطب على كتف الكبير - روح لبيتك عد في ساعات الزمن لما القمر يظهر تمام اغطس في بحر الخوف وحاول تفتكر عملت ايه في دينتك ولما تسمع صوت ادان عرى دماغك وادعى على كل اللى راحوا
جاسر جمال الدين
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 14/6/2011, 01:39
رفض لا هتلمح تانى فى عينى الذل ولا هدخل تانى فى حضن الضل لا هتلمح خوف .. ولا حتى كسوف.. ولا لحظه تشوف الخوف مكشوف من عينى يطل لا هتلمح تانى فى عينى الذل
هاتلم فى حزنى بعيد عنك ولا عايز نسمة هوا منك أنا هبقى كبير وهحاول أطير وأشيل مسامير من قلبى وغل لا هتلمح تانى فى عينى الذل
الله أعلم أنت المظلوم ولا بتظلم أنا ناوى خلاص أدفن أحساس وأشرب من كاس بيزيد مايقل لا هتلمح تانى فى عينى الذل
دلوقت يادوب هعرف نفسى وها لمع قلب قديم منسى فرصه وجاتنى لو ها تفوتنى راح هابقى حكايه فى بق الكل لا هتلمح تانى فى عينى الذل ولا هدخل تانى فى حضن الضل لا هتلمح خوف .. ولا حتى كسوف.. ولا لحظه تشوف الخوف مكشوف من عينى يطل لا هتلمح تانى فى عينى الذل
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 14/6/2011, 01:45
عصفور بيكره زنقته وسط البشر
عصفور بيكره زنقته وسط البشر
لما يرميكى النيون الفج فوق سدر الرصيف ورقة شجر رغم الخريف تحلم تعيش ما تهربيش وماتدعيش الأنتماء للأسئله لسه الخطاوى بتربطك وسط الزحام عصفور بيكره زنقته بين الصوابع بعتر فى قلبه فوق شواشى الأعمده يطلق جناحه للمدى يحضن حدود الأمكنه والمستحيل شقت سيوف الحلم قلبك أظهرت إنك عشقتى الصيف لأن حصيرنه ميل وإنك كرهتى النيل لأنه أستعبطك وأتغطى بملاية السكات وأتمد فى عقول البنات شريان هيام يترج صوتك فى الغمام الهش يتساقط نجوم صهل الغنايطلع كما ضحك الصبايا فى السحوم ياما نفسى أحط دماغى فوق حجرك وأنام ألجأ لحضنك من الشتا ومن الشتات وأعشق موات سدرك بيات الأفئده أموت مسبل ضحكتى على نظرتك ململم من عينيكى خطوتى للأبتدا كان الندى نازل ينقط فوق حروف الأسئله لما أبتديتى غنوتك .... بالأه
جاسر جمال الدين
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 16/6/2011, 07:15
(المعلم )
بسلامته أتعين خوجه يعنى أستاذ ومعلم
بسلامته أتعين خوجه يعنى أستاذ ومعلم
أهو واحد وسط الهوجه والكار أهو ياما بيلملم
أول تعيينه ما جاله هيص فرحان بشبابه
مبسوط يسرح بخياله السعد بيفتح بابه
شوف من ذوقه وجماله على كل الناس بيسلم
بسلامته أتعين خوجه يعنى أستاذ ومعلم
وقتن ساعة العصريه بيخش يقيل حبه
بعديها دروس خصوصيه مع نوع بشرى بيستغبى
يشرب بقين الميه ويقوم ع الشقه يضلم
بسلامته أتعين خوجه يعنى أستاذ ومعلم
أنا قلت كويس جدن بكره هيتعدل حاله
وأتارى الفرخه هتدن لو يفتح بيت بعياله
يقبض كام مليم نقدن وقصاد الخزنه يبلم
بسلامته أتعين خوجه يعنى أستاذ ومعلم
وف يوم مش عارف أيه طالب هزأه بصراحه
أتنحرر عم البيه والواد تنح بوقاحه
راح ضربه قلم بأيديه والواد أترمى يتألم
بسلامته أتعين خوجه يعنى أستاذ ومعلم
الواد من حظه أتعور والجرح ف وشه خطير
يبقى الموضوع أتحور والبركه فى العصافير
قالوا لمديره تصور كان نازل فيه بيلكم
بسلامته أتعين خوجه يعنى أستاذ ومعلم
كبر الموضوع وأتحول لنيابه وقلة قيمه
قصره مش كان م الأول مش ضرب كمان وشتيمه
تلاقيه قاعد يتسول كان لازم يعنى أتعلم
بسلامته أتعين خوجه يعنى أستاذ ومعلم
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 20/6/2011, 06:34
(عرض مش سينيمائى )
من ديوان (قلب طازه )
كابوس............. ريقه ناشف – قايم بيتنهد حلاوة الحلم اللى فات مد إيده .. كانت الحداية بتنّقر في راسه حب يجرى .. خطوته لسه بتلزق في الرصيف
والأرض مش بتطاوعه أبداً الحركة أبطأ من مشي السلاحف أو إعادة للهدف ( تصوير بطئ ) السما صبحت رصاصى .. نصها بيشر دم ونص متشرخ وبيسقط عليه
الأرض تتلمض وتبلع جزمته وتشد رجله لغاية البير الغويط اللون بيغمق في ثواني ثم يقلب لون رمادي – ثم كحلي ثم أسود حاجه تكبش في الدماغ زي إيد ومكعبشة فيها بضمير ناغزة الضوافر في النافوخ – بالظبط جوه شغالة بتلغوص في خوفه وفي النَفَس اللى أبتدى سنه بسنه ينكرش يهرب لفين ما فيش أمل
الصوت خرج م الحلق حشرجة الممات فنجل عينيه .. كسر في لحظات الثبات
العتمة لسه فاصله جواه الحقايق والعيال لسه بتلعب في الجناين بالهدوم اللنجى جداً ومن بعيد فيه قلعه عاليه ورجله بتشده لهناك العبيد واقفين صفوف والمزاد جواه بنات زي القمر حلوين لدرجة تبهدله تشقلب كيانه فتش جيوبه ما فيش فلوس اليأس جره للجنون البنات زي العسل نازلين يشروا جوه عينه بالتمام مد إيده راح كبش قلبه الدهب مده باءيدين بترتعش . بص له النخاس بضيق - ده تبله ولا تشرب ميته - في السوق هنا .. قلبك ما يسواش اللضا والبنات ليهم تمن .. والتمن عند الأمير ودول جواريه اللى تحت خدمته البنات بيكركبوا جوا في دماغه بيشدوا من قلبه كل حواديته القديمة داس برجله ونط طاير في السما بَص ع القلعة اللى تحته والهوا بيخش من نغاشيشه ساقع يطلع فحيح من نار تلهلب وكأنه تنين إنكسر قلبه على وِلده اللى مات المسافة بيختصرها في ثواني والمكان أصبح قباله حاسس جساره ما تتوصفش يقدر يحط دماغه بين فكين أسد يقدر يلم الضلمة على كفه يجرجرها وراه
عاوز يورى البنت أدوار البطولة إنه الوحيد المعجزة هوه اللى بس يقدر ع الخطر بشويش نزل على سلم القلعة الحجر والأميره قاعدة ع المغزل تبص له ببلاده سبحانه قادر ع الجمال اللى أتوصف في ميتين كتاب ويجى ألفين ملزمه
جمال يصيب عين اللى بيشوفه بعما قرب .. ونورها مزغللة شالها على كتفه العريض وطار بعيد فرجها ع البط الملون وع القمر والنجمة أم ديل دهب على كام حصان طايرين يرفرفوا بأجنحه لما الغراب حاول يضايقه حاول يفكر إنه أستاذه اللى علمه يدفن إزاي المشاعر في التراب بص له بعنين غضب كان اتحرق ونزل رماد عدى ييجى عشرين ألف بحر وصحرا أطول م المحيط ملهاش حدود واما حط ع الخَضار .. بص لحبيبته كان وشها أصبح مكشكش شكلها بقى زي وحش قديم خرافي
سنانها سقطت في الطريق وعنيعها فاضية زي كهفين من ضلام جسمه أرتعش .. لسعة وجع شلة دماغه كان نفسه يحكيلها عن محاربته للشيطان عن عفاريت الخرابه
وأنتقامه اللى كان مليان بدم عن الجن اللى سك عنيه ونزل في قلبه . وأتخطفت حواسه كفوفه ع الحيط لطشت أتجرحت مسامير كتير نزل بخاطره جوه بطن الحوت ونام ريقه ناشف والميه ملهاش طعم خالص أنتبه على كحته – حب يشرب
مد رجله لغاية المطبخ بخوف الطيارات كانت بتدخل المطبخ وراه كانت بتكسر كل شبابيكه القزاز قصداه تمام مد رجله يحمى نفسه وراح مدحرج جتته تحت السرير الطيارات كات قد كفه بس زنتها فظيعه طياره تانيه داخله من ودانه ملحقش يصرخ كات تانيه داخله جوه بقه ومن عنيه الدنيا من جواه بقت ولا حرب جد دخانه غامقه طالع من جواها سدره أو النقيض الكمبيوتر صوره بتشكيل هلامي .. ثم تشكيل هندسي وضح مكان الطيارت بالظبط فين جوه الجسد ولما قرب م الدماغ .. لفها كذا لفه بالعرض البطئ كان فيها كام دبابه وعساكر مشاه كان فيها أعلام للدول وقاعات كتيره لاجتماعات الحروب الدبابات عماله تزحف في الدماغ
تدهس عيال زي الملايكه تدهس بنات بيحاولوا لسه يكبروا وتغوص في تلافيف الوجع شد النفس .. مناخيره مسدوده بدانات أبتدا .. ينسى حبيبته وينسى أمه وفرحته وحتى كتابه اللى فاته من ساعات الكمبيوتر عد في الأرقام بسرعه
شغال بيحسب حجم أعداد الألات في الركن هامش يشغى بالوفيات الكتيره من مشاعره عرقه أبتدا ينزل بارود وصوته أزيز .. وكحته صوت أنفجار دمعه عنيه غازات مميته سند ع الكوميدنيو اللى جنبه زم في كفوفه وفـ عنيه كتم النفس فجر في سدره كل حاجه بما فيها الفرح .. حس بصداع وصوت كلاكس صحاه بأنزعاج كان لسه برضه ريقه ناشف والعتمه لسه فاصله بينه والحقايق
الحكاية جد ومش هزار قاعد على الترعه وسدره بيشد النسيم ويشد أغنيه صبيه كان بتجمع القطن بمزاج وفـ إيده سناره هيصطاد السمك أول ما سنارته لقت سدر الغرق بلبطت .. شبكت في حاجه جامده خالص .. شدها شدته هيه يقساوه .. نزل على كرسي الصالون والظابط المغرور بيرزع على البيبان - أفتح ياله
لحظه دخوله أتدحرجت عينه على جثه قتيل على دم بيطرطش ومالى في الحيطان
فجأه أرتعش عاوز يقول إنه برئ ومالهش ذنب القصه لو حكاها مين هيصدقه
والظابط المغرور بيضحك لنتصاره ويخلع دماغه يحطها جنب القتيل يستجوب النفس اللى باقي يخلع إيديه تطير لفوق وتنزل بالكفوف ع المتهم ويمد رجليه تدور ع الأدله حب يهرب الجثه لمت عضمها وهربت وراه وأتدحرجت عينها وطقشت قلبه طقشتين أتكب فوق الأرض بحر مالوش قرار فضل يهابر فيه ويغرق لما بانت ع المدى أرض لجزيره الشجر مزروع مشقلب الثمر كان البنات .. ما بين جميلة وبين رهيبه الجمال مد الأدين يقطفله حبه أتكهربت كفه ودق إنذار باءزعاج ملح
جات الحرس بوشوش عجيبه .. مسح خالص والعنين شغاله تلمع في الكروش شكلهم ممكن يخوف .. لما تتعود عليه ممكن تموت م الضحك على حركة إيديه لفوا عليه حبال مسد .. وداروا لفوا فوق دماغه لما أبتدت النار تلسوع جتته .. زعق بأعلى الصوت لما أنتبه كان ريقه ناشف والعتمه لسه فاصلاه عن كل الحقايق لسه حبيبته هناك معاها عيّلين مستنياه من كام سنه وهوه لسه بيبنى أحلامه بكسل
ويرش فوق ضهره الوجع وينام كده واثق في حبها بإعتاد وكأنها مش م البشر وعمرها ما تحب غيره مستنياه وعنيها مليانه بدموع تفسيرها صعب دقت على بابه فتح ملهوف قوى ضم فـ كتافها جوه سدره أتفرفطت بنات كتير وكلهم بيحبوا جداً نقى واحده بعد صبر وحبها لما برضه ضمها – اتفرفطت كذا الف واحده
عدد الرسائل : 9451بلد الإقامة : مصراحترام القوانين : العمل : الحالة : نقاط : 17673ترشيحات : 33الأوســــــــــمة :
موضوع: رد: ديوان الشاعر جاسر جمال الدين 3/7/2011, 08:21
(قالتلى لأ ) مسجله
الرد على قد السؤال بتحبنى قالتلى لأ حسيت بجبل التلج مال من فوق دماغى وأندلق القلب زادت ضربته وكأن صوته فى دقته هيشق جوه فى سدرى شق الرد على قد السؤال بتحبنى قالتلى لأ
اللكلمه رنت جوه ودنى ألف مره زلزلتنى.... طلعتلى الدمعه بره لملمتنى... بعترتنى ... دوختنى ....... كأن عرق ف راسى .... طق الرد على قد السؤال بتحبنى قالتلى لأ
ندمان قوى ياريت ما كنت قولتها كان أنحبس صوتى فى لحظة نطقها كان وهمى يبقى سكتى أحلم وأأجل دمعتى وكفايه عمرى اللى ...أتحرق الرد على قد السؤال بتحبنى قالتلى لأ
لو أرضى تبلع جتتى مليون ياريت ولا حد يعرف قصتى وأبقى أختفيت ولا أداريت ...... من غير قلق الرد على قد السؤال بتحبنى قالتلى لأ
موضوع: ديوان الشاعر جاسر جمال الدين 
13/6/2011, 23:58
