ديوان الشاعر إبراهيم خليل إبراهيم

مهداه إلى الشاعر والناقد الكبير رفعت عبد الوهاب المرصفى
____________


يا للى فاتح لينا قلبك

للصُّغير والكبير

يا للى دارك هىَّ دارنا

والصالون أكبر دليل( 1)

الحروف فرحانة بيك

والشعر والفن الجميل

فــ احتضانك للمواهب

يا ما قدّمت الكتير

وابتسامتك ليها معنى

طرحها زى العبير

يا للى فاتح لينا قلبك

للصُّغير والكبير

أصل دراك هىّ دارنا

هىّ بيتنا من زمان

لما أسّست الصالون

واتفرش فرحة وأمان

وابتدا يبقى لنا دور

فى الثقافة والمكان

يا للى بنحس فـــ لقاك

بالأخوّة والحنان

ألف همسة شكر ليك

نهديها لك بامتنان

. . . . . . . . . . .

فى الشهامة ليك قصور

وفـ صالونك ألف نور

والحروف لو كات بتنطق

كات قالت لك يا أمير

والكرم لو له ملامح

كان فـ يوم منك يغير

يا للى فاتح لينا قلبك

للصُّغير والكبير

الحروف فرحانة بيك

والشعر والفن الجميل

. . . . . . . . . . .

يا للى بيتك بالحفاوة يضمنا

كل شهر فـ ندوتك بتلمنا

فى حوارى مرصفا

بين الحبايب والمنى

القصايد بينا تفرح

والموسيقى والغُنا

والحوارات الجميلة

والفكاهة والهنا

وفـ نهاية الأمسية

صار وداعك للجميع

زى أروع أغنية

وفــ نهاية الأمسية

صار وداعك للجميع كالتوصية

" اللُّقا دَيما هنا "

" اللُّقا دَيما هنا "
_________
(1) صالون الشاعر رفعت المرصفى تم تأسيسه بمنزله بمرصفا منذ شهر يناير لعام 2003 وتعقد فيه الندوات الثقافية ويستضيف كبار الشعراء والأدباء فى الخميس الأول من كل شهر وتصدر عنه سلسلة دورية صدر منها حتى الآن أكثر من أربعين كتاباً .

يا زهرة البلد

يا زينة الصبايا

يا زهرة البلد

يا للى حبك دوايا

وفجرى اللى اتولد

شاهده النجوم عليا

ونبضك اللى فيا

أنتِ اللى باقية ليا

يا حلمى اللى اتوجد

حبك هو اللى باقى

بيجدد فى اشتياقى

يا سرّ كبريائى

ماليش غيرك سند

يا زينة الصبايا

يا زهرة البلد

إحكىِ يا سطور الغناوى



الحقيقة وباختصار

الشراقوة دول كُّبار

لما من شدة كرمهم

ضيّفوا كل القطار

لما من شدة كرمهم

قدّموا أحسن فطار

والقيادة والأهالى

قدّمولهم كل غالى

فى البلد صبحت حكاية

من حكايات الليالى

إحكى يا سطور الغناوى

القصص ويّا الحكاوى

عـــ الرجولة والشهامة

عن بلد صارت علامة

من علامات النهار

الشراقوة دول كُّبار

لما من شدة كرمهم

ضيّفوا كل القطار

لما من شدة كرمهم

قدّموا أحسن فطار
__________
شعر : إبراهيم خليل إبراهيم .

وليه نعيش أغراب ؟

تعالوا نحضن شمسنا

نفتح لها الأبواب

ونسيب للفجر طاقة

و نسيب للشمس باب

ونخلى الحب ينطق

ويبدّد فى السحاب

خلى الشراقى تطرح

وينّور التراب

وتضحك السنابل

وتطرد الخراب

حبل الفراق ضعيف

وليه نعيش أغراب ؟

وليه

نعيش

أغراب ؟
_______


شعر : إبراهيم خليل إبراهيم

أيام رمضان

طهّر قلبك بالإيمان

واعلن عصيان الشيطان

دا مواسم للخير مفروضة

أعظمها أيام رمضان

اتقوى بالصبر فى صومك

واتسلح واقرا القرآن

واتعلم مـ الصوم أحكامه

واتأمل معنى الرحمن

واتعلم إيه معنى الجوع

واتحسس حال الموجوع

دا ميزان الخير مرفوع

فى الآخرة ديما كسبان

طهر قلبك بالإيمان

واعلن عصيان الشيطان

دى مواسم للخير مفروضة

أعظمها أيام رمضان
________
نشرت فى جريدة المساء
عدد السبت 12 / 9 / 2009
ومجلة اتصالات المستقبل عدد سبتمبر 2009
_________


شعر : إبراهيم خليل إبراهيم

الفن فين يا حُلم (1 )


ضاع النغم مـ الوتر

والوش جننى

والفن حاله اتعوج

وأنا لسة مستنى

تعالى عيد فننا

يا عندليب غنى

يا مسك أهل النغم

يا كف متحنى

هاجرت طيور الغنا

ما اعرفش راحت فين

كل الأصيل اغترب

وتاهت العناوين

كل اللى فاضل نشاز

قاعد على الصفين

زى الردئ الهزيل

عايم على الميا

أما الأصيل فى النغم

بيدفنوه فى الطين

يا عندليب فننا

شوف الطرب مالُهْ

دحاله أصبح عدم

تعالى شوف حاله

بقى النغم درَبُكهْ

فى كل أحوالُه

والكل غاوى غُنا

فرحان بمواله

والحظ لو يخدمه

يبقى النقيب خالُه

تمشى الأمور والسكك

تِسلك وتحلى له

يا عندليب النغم ...

سيرتك خلود فـ خلود

فنك برغم السفر

فوق الجميع موجود

والغصن مهما دبل

يفضل عبيره يجود

والتوبة فيها الشفا

زى الهوى وموعود

الفن فين يا حليم ..؟

عمر اللى راح ميعود ؟!

____________
(1) الفنان الراحل عندليب الأغنية العربية
نشرت فى مجلة اتصالات المستقبل
عدد يوليو 2009

ترجمة : طارق منيب

Where is the Art Sense Our Singer Holom - The Late Singer Abdulhalim Hafez

By: Ibrahim Khalil Ibrahim

Melody is lost from the gut
And noise made me mad
Art is deviated
But I am still waiting
Come again in the feasts
And sing for us as our nightingale
You were the essence of singers
You were kind hand
The singing birds immigrated
To unknown places
All the rooters exiled
And addresses are lost
All the remains are dissonant
Sitting on the two sides
As the inferior and lean
Is shown above water
But the original melody
Is buried in clay
Our art nightingale
What happened to glee
It became nonsense
Please come to see
Melody became noises
All want to sing
Pleased by vocal songs
Luck may be the link
If he gets a relative support
All the ways will be paved
Tracked and beautiful
Our melody nightingale
Your view is deathless
Although the death has come
Your art is happiness
Found above all
Although the branch is paled
The perfume is smelt
Your songs are alive:
Contrition song is survived
Like the other songs:
Like love and unlucky

الحروف فرحانه بيك

مهداه إلى الشاعر والناقد الكبير رفعت عبد الوهاب المرصفى
____________


يا للى فاتح لينا قلبك

للصُّغير والكبير

يا للى دارك هىَّ دارنا

والصالون أكبر دليل( 1)

الحروف فرحانة بيك

والشعر والفن الجميل

فــ احتضانك للمواهب

يا ما قدّمت الكتير

وابتسامتك ليها معنى

طرحها زى العبير

يا للى فاتح لينا قلبك

للصُّغير والكبير

أصل دراك هىّ دارنا

هىّ بيتنا من زمان

لما أسّست الصالون

واتفرش فرحة وأمان

وابتدا يبقى لنا دور

فى الثقافة والمكان

يا للى بنحس فـــ لقاك

بالأخوّة والحنان

ألف همسة شكر ليك

نهديها لك بامتنان

. . . . . . . . . . .

فى الشهامة ليك قصور

وفـ صالونك ألف نور

والحروف لو كات بتنطق

كات قالت لك يا أمير

والكرم لو له ملامح

كان فـ يوم منك يغير

يا للى فاتح لينا قلبك

للصُّغير والكبير

الحروف فرحانة بيك

والشعر والفن الجميل

. . . . . . . . . . .

يا للى بيتك بالحفاوة يضمنا

كل شهر فـ ندوتك بتلمنا

فى حوارى مرصفا

بين الحبايب والمنى

القصايد بينا تفرح

والموسيقى والغُنا

والحوارات الجميلة

والفكاهة والهنا

وفـ نهاية الأمسية

صار وداعك للجميع

زى أروع أغنية

وفــ نهاية الأمسية

صار وداعك للجميع كالتوصية

" اللُّقا دَيما هنا "

" اللُّقا دَيما هنا "
_________
(1) صالون الشاعر رفعت المرصفى تم تأسيسه بمنزله بمرصفا منذ شهر يناير لعام 2003 وتعقد فيه الندوات الثقافية ويستضيف كبار الشعراء والأدباء فى الخميس الأول من كل شهر وتصدر عنه سلسلة دورية صدر منها حتى الآن أكثر من أربعين كتاباً .

خلى توب الصبر حِصنك

يا بن بلدى ... صون بلادو

أوعى مرة تبيع ضميرك

خلى يوم وعدك سلاحك

يجرى ويجيلك نجاحك

والبشر يشهد بدورك

خلى توب الصبر حصنك

والفضيلة فـ حكمتك

يعلى ويا العدل أسمك

لما تُصدق كلمتك

خلى باب الصبر بابك

وأنت عيش صاحى الضمير

تلقى كل الناس صحابك

تحصد الخير الكتير

يا بن بلدى ... صون بلادك

أوعى مرة تبيع ضميرك
_________
نشرت فى مجلة اتصالات المستقبل
عدد مارس 2009
_______
شعر : إبراهيم خليل إبراهيم

فى الأساس احنا الغلط

ليه قلوبنا اتفرقت ؟

ليه نفوسنا اتغيرت ؟

والملامح والوشوش

فى غرابة اتبدلّت

ليه نبيع فينا ...

الضماير ؟

ليه نفّرط فى ...

المصاير ؟

والحقايق فينا تاهت

والخطاوى اتبرجلت

ليه نلوم غيرنا بسذاجة

فى الأساس احنا الغلط

فى

الأساس

احنا

الغلط
________
شعر : إبراهيم خليل إبراهيم