ع الجواز وسنينه

موضوع: ع الجواز وسنينه 17/2/2010, 01:02

الزواج رباط مقدس .. الزواج نصف الدين .. الزواج عفة .. الزواج استقرار ..

كل تلك الكلمات نسمعها واكثر منها نستمع اليه من احاديث النبي صلي الله عليه وسلم
واكتر واكثر نستمعه من الدعاة والشيوخ ونصوص القرآن الكريم

طب ماهو مفهوم الزواج . ولماذا كان الزواج

المفهوم الطبيعي الذي اوصت به الكتب السماوية هو ما جاء في نص القرآن " وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ "

لتسكنوا
قال القرآن لتسكنو ..
لم يقل في النص لتشتروا او لتبيعو

نظرة علي اوضاع الزواج في ايامنا الان

يذهب العريس ليشتري العروسة ., اقصد ليتقدم للعروسة ، فنجد الاهل لا يسألون عما اوصي به الرسول
: ان جاءكم من ترضون دينه وخلقه فزوجوه :
فهذا لا يهم الان ، الاخلاق اصبحت لا تسمن ولا تغني من جوع
اعلم ان هناك من سيعترض ويقول لا نهتم بالمادة ولا بالتفاصيل التجهيزية
اعلم تماما ولكن
الاهل لا يهتمون الا بها
فنجد بعض الاهل يهتمون كثيرا بالتفاصيل المادية ، عندك شقة تمليك ولا لا
عربية موديل كام ..لو قبل سنة الالفين طريقك زراعي يا فندم مليان اشارات ومطبات

شقتك دي فين
اوعي تقول اي حاجة شعبية
ياي ايه الحتة البيئة دي
ومرتبك ايه
ووظيفتك ايه
مش مهم ان شاء الله طرشجي المهم كسيب
وستايلك ايه
وهتجيب شبكة بكام
وهتفرش كام اوضة ، والدي في دي بدل البطاطين والاي بود بدل الجرامافون
والرسيفير مع اشتراك سنة شوتايم وart وتلفزيون lcd لا يقل عن 29 بوصة
وتلاجة وايت ويل
كل ده كوم وتجهيز الشقة كوم ، البورسلين بدل السيراميك العادي ولو رخام يبقي انت كده شمعة فلة منورة
والدهانات والالوان الاستايلش والتكييف والدفاية والكيتشين ماشين والديب فريز
واوضة النوم والسفرة والانتريه والصالون والمطبخ والحمام

خلاص يا جماعة .. خلاويص كده
لا لسة
ايه تاني
المقدم يا معلم .. والقايمة والمؤخر وتكاليف الفرح والمأذون

طب ايه دول

دول عشان لو قليت عقلك ولا عملت حركة الا ... نعرف ناخد حقنا تالت ومتلت

حق ايه يا جماعة مانا اللي جايب كل حاجة اهو
لا معلش ده حقها اللي ربنا شرعه
مؤخر لا يقل عن خمسين باكو
والقايمة فيها بتاع بعشرين الف كمان دهب

وتصبح الصبح يا ولداه تلاقي نفسك دخلت الزفة وخرجت منها مربوط باسورة حوالين رقبتك
طيب يا جماعة مطهقاني
مطلعة عين اهلي
دي نكدية
عصبية
مبتخلفش
طب انا مش هاعرف اطلق بس عايز اتجوز تاني عشان ارحم نفسي
علي فين يا معلم انت نسيت الخلع

الكلام ده دي موديه .. راحت عليه .. كلام قديم
الجديد يا معلم انك اتربطت زي التور
يا اما تموت من الحسرة يا اما تموت في السجن
ايهما تختـــــــــــــــــــــــــــــــــــــــــــــــ ــــــــــــار

الزواج الان
هل هكذا اوصانا الدين
هل هذا هو الزواج المذكور في القرآن
هل هذا هو الزواج الذي اوصي به الرسول

سؤال ؟؟ ولا يحتاج لاجابة ؟؟

موضوع: رد: ع الجواز وسنينه 21/2/2010, 00:55

لقد لامست لب المشكلة بهذا الطرح الرائع
سلمت يداك وما نقلت

موضوع: رد: ع الجواز وسنينه 22/2/2010, 00:11

ياريتك ياعمنا كتبت الموضوع

ده من عشرين سنه

يمكن كنت غيرت رأيى

» البالتوك وسنينه (2)
» البالتوك وسنينه (1)