تن ترارا را تن تن

محافظ البنك المركزي قال إن الدولار بكرة هيبقي ب 4 جنيه . ولما جه بكره قال أنا كنت بقول نكته . . . طيب خد الجديدة بقي . احنا عندنا بنك مركزي وله محافظ كمان

***

الراجل سايب الدولا يبرطع وهو داير يقول نكت . ماهو يا الدولار يا النكت بطلوا جشع

***

كلمة حق . الدولار أول ما سمع النكته دي نفسيته ساءت وخس يا حبة عين أمه وبقي يقف قدام المراية يقول . أنا مش دولار أمريكي أنا ين أهبل

***

الدولار نزل . ولسه بقول هيييييه . لقيته كان نازل وواخد الجنيه في أيده وطلع لنا لوحده

***

يعني بعد تصريح النكته ده هنقول عليه محافظ البنك المركزي ولا صاروخ النكتة المركزي

***

ياراجل وحد الله متعملش في نفسك كده . من شاف بلوة الجنيه هانت عليه بلوته . ومن شاف تصريح النكته هانت عليه البلوتين

***

مفرادات مرتب سعادته . أساسي مرتب . حوافز . بدل طبيعة عمل . بدل نكت

***

العثور علي بردية فرعونية تثبت أن مخترع المسلات المصرية كان بتاع نكت

***

ربما يتم تغيير المسمي الوظيفي من ( محافظ البنك ) . إلي . ( محافظ حافظ نكت )

***

أكرم عبد القوي